Azərbaycan Nəqliyyat və Kommunikasiya Holdinqi
Bu məqalədə yalnız ilkin və ya onunla əlaqəli mənbələrdən istifadə olunur. |
Azərbaycan Nəqliyyat və Kommunikasiya Holdinqi (AZCON) — publik hüquqi şəxs Azərbaycan Respublikası Prezidentinin 7 noyabr 2024-cü ildə imzaladığı fərmana əsasən yaradılmışdır.[1]
| Azərbaycan Nəqliyyat və Kommunikasiya Holdinqi | |
|---|---|
| Ümumi məlumatlar | |
| Ölkə | |
| Yaradılma tarixi | 7 noyabr 2024 |
| Baş qərargah | |
Bu Holdinq, nəqliyyat və kommunikasiya sahələrində fəaliyyət göstərən dövlət müəssisələrinin işinin təkmilləşdirilməsində və onların vahid şəkildə, mərkəzi bir qurumdan idarə edilməsinə xidmət edəcək.
Holdinqin nizamnamə fondu 10 milyon manatdır və Holdinqin idarəetməsinə verilmiş dövlət müəssisələri tərəfindən ödənilən vəsait hesabına formalaşır. Holdinqin fəaliyyətinə ümumi rəhbərliyi Müşahidə Şurası, cari rəhbərliyi isə icraçı direktor həyata keçirir.
Prezident İlham Əliyevin 3 mart 2025-ci ildə imzaladığı Sərəncam ilə birlikdə Şahin Tofiq oğlu Babayev Azərbaycan Nəqliyyat və Kommunikasiya Holdinqinin (AZCON-un) icraçı direktoru təyin edilib.[2]
Müşahidə Şurasının sədri - Azərbaycan Respublikasının rəqəmsal inkişaf və nəqliyyat naziri - Rəşad Nəbiyev
Müşahidə Şurasının üzvləri
- Azərbaycan Respublikası iqtisadiyyat nazirinin müavini
- Azərbaycan Respublikası maliyyə nazirinin müavini
- Azərbaycan Respublikası rəqəmsal inkişaf və nəqliyyat nazirinin müavini
- Dövlət Mülki Aviasiya Agentliyinin direktoru
- Dövlət Dəniz və Liman Agentliyi İdarə Heyətinin sədri
- "Azərbaycan Respublikasının Kosmik Agentliyi (Azərkosmos)" publik hüquqi şəxsin İdarə Heyətinin sədri.
"Azərbaycan Nəqliyyat və Kommunikasiya Holdinqi (AZCON)" publik hüquqi şəxsin idarəetməsinə Azərbaycan Respublikası Prezidentinin Fərmanı ilə təsdiq edilən və aşağıda göstərilən dövlət müəssisələri, habelə dövlət payı olan təsərrüfat cəmiyyətləri və publik hüquqi şəxsləri daxildir:
- "Azərbaycan Hava Yolları" Qapalı Səhmdar Cəmiyyəti
- "Azərbaycan Dəmir Yolları" Qapalı Səhmdar Cəmiyyəti
- "Azərbaycan Xəzər Dəniz Gəmiçiliyi" Qapalı Səhmdar Cəmiyyəti
- "Bakı Metropoliteni" Qapalı Səhmdar Cəmiyyəti
- "Bakı Beynəlxalq Dəniz Ticarət Limanı" Qapalı Səhmdar Cəmiyyəti
- "BakuBus" Məhdud Məsuliyyətli Cəmiyyəti
- Bakı Gəmiqayırma Zavodu
Azərbaycan Respublikası Rəqəmsal İnkişaf və Nəqliyyat Nazirliyinin tabeliyindəki aşağıdakı qurumlar:
- "Azərbaycan Respublikasının Kosmik Agentliyi (Azərkosmos)" publik hüquqi şəxs
- "Aztelekom" Məhdud Məsuliyyətli Cəmiyyəti
- "Azerbaijan International Telecom" (AzInTelecom)" Məhdud Məsuliyyətli Cəmiyyəti
- "Azərpoçt" Məhdud Məsuliyyətli Cəmiyyəti
- "Bakı Taksi Xidməti" Məhdud Məsuliyyətli Cəmiyyəti
- "Radio-Televiziya Yayımı və Peyk Kommunikasiyasi" İstehsalat Birliyi
- ↑ "Azərbaycan Nəqliyyat və Kommunikasiya Holdinqinin yaradılması və bununla əlaqədar bəzi məsələlərin həll edilməsi haqqında Azərbaycan Respublikası Prezidentinin Fərmanı » Azərbaycan Prezidentinin Rəsmi internet səhifəsi". president.az (az.). 2024-12-04 tarixində arxivləşdirilib. İstifadə tarixi: 2024-12-21.
- ↑ https://azpolitika.info/?p=785141 (#bare_url_missing_title).