Azərbaycan Milli Məclisi sədrliyinə seçki (2005) - Haqqinda Melumat

	2010 →
Azərbaycan Milli Məclisi sədrliyinə seçki (2005)
2 dekabr 2005
Nəticə	Oqtay Əsədov Azərbaycan Respublikasının Milli Məclisinin sədri seçildi.

Azərbaycan Milli Məclisi sədrliyinə seçki (2005) — 2 dekabr 2005-ci il tarixində III çağırış Azərbaycan Respublikasının Milli Məclisinin sədrinin seçilməsi üçün keçirilmiş seçki. Seçkidə bir namizəd — Yeni Azərbaycan Partiyasının namizədi Oqtay Əsədov iştirak etmiş və birinci turda 105 lehinə səslə sədr seçilmişdir.

Seçki qaydası

Milli Məclisin Sədri Milli Məclisin deputatları sırasından gizli (elektron sistemindən istifadə etməklə) səsvermə yolu ilə seçilir. Elektron sistemindən istifadə zamanı nasazlıq yarandıqda gizli səsvermə bülletenlər vasitəsilə keçirilir.
Milli Məclisin Sədri vəzifəsinə namizədliyi Milli Məclisin deputatları irəli sürə bilərlər. Hər deputat yalnız bir namizəd göstərə bilər.
Öz namizədliyinə etiraz müzakirəsiz və səsvermə keçirilmədən qəbul edilir.
Səsverməyə azı 10 deputatın tərəfdar çıxdığı namizədlər buraxılır. Namizədlər çıxış edə və deputatların suallarına cavab verə bilərlər. Namizədlər üzrə müzakirələr keçirilir. Milli Məclisin sədrliyinə hər namizəd Hesablayıcı komissiyanın tərkibinə əlavə bir deputat daxil edə bilər.
Gizli səsvermə nəticəsində azı 63 deputatın səsini almış namizəd Milli Məclisin Sədri seçilir.
Namizədlərin heç biri azı 63 səs almadıqda, bu Daxili Nizamnamənin 27-ci maddəsində nəzərdə tutulmuş qaydada səsvermənin ikinci dövrəsi keçirilir. İkinci dövrədə heç bir namizəd 63 səs ala bilməzsə, Milli Məclisin Sədrinin birinci müavininin seçkiləri keçirilir.
Milli Məclisin Sədrinin seçilməsi Milli Məclisin qərarı ilə rəsmiləşdirilir. Bu qərarı Milli Məclisin iclasına sədrlik edən imzalayır.

Namizəd	Siyasi partiya	Topladığı səs İlk dövrə (2 dekabr 2005)
Namizəd	Siyasi partiya	Lehinə	Əleyhinə	Bitərəf
Oqtay Əsədov	Yeni Azərbaycan Partiyası	105	1	0
Boş		—
Etibarsız		—
İştirak edən		106
İştirak etməyən		9
Mənbə:

2005-ci il parlament seçkilərinin nəticələrinə əsasən 10 seçki dairəsindən deputat seçilməmiş, seçki nəticələri ləğv olunmuşdur.