Vikipediya ?

Azərbaycan Memarlar İttifaqı

Azərbaycan Memarlar İttifaqı — Azərbaycan memarlarının təşkilatı.

Azərbaycan Memarlar İttifaqı
AMİ
Building on 24 Murtuza Mukhtarov Street.jpg Azərbaycan Memarlar İttifaqının binası. Murtuza Muxtarov küçəsi, 24 (1899-cu ildə tikilib)
Yaranma tarixi 1936
Rəsmi dili Azərbaycan dili
Mərkəzi Azərbaycan Azərbaycan
Bakı şəhəri
Murtuza Muxtarov küçəsi, ev 24
Sədri Elbay Qasımzadə
Commons-logo.svg Vikianbarda əlaqəli mediafayllar

Mündəricat

Tarixi

1934-cü ildə SSRİ-də yaradıcılıq ittifaqlarının mərkəzləşməsi ilə bağlı müxtəlif memarlıq-yaradıcılıq ittifaqları da vahid birləşdirilmişdir. Azərbaycan memarları da bu cəmiyyətə daxil idi. 1934-cü ilin martında Azərbaycan memarlarının Birinci qurultayını keçirmək üçün Təşkilat komitəsi yaradılmış, Təşkilat Komitəsinin sədri Qəhrəman Məmmədov seçilmişdir. Komitə, başqa respublikalarda olduğu kimi, Azərbaycanda da Memarlar İttifaqının Nizamnaməsinin, proqramının və quruluşunun yaradılması kimi böyük işlər görmüşdür.

Azərbaycan memarı bacarıqlı təşkilatçı olmuş, Azərbaycan Memarlar İttifaqı bilavasitə onun təşəbbüsü ilə yaradılmışdır. Birinci forumda Azərbaycan Memarlar İttifaqının İdarə heyətinin sədr müavini, sonralar isə Azərbaycan Respublikası Nazirlər Kabineti yanında memarlıq işləri üzrə idarənin rəhbəri olmuş S.Dadaşov Respublikada dövlət və ictimai memarlıq təşkilatları fəaliyyətinə böyük zəhmət sərf etmişdir.

 
Azərbaycan Memarlar İttifaqının 80 illik yubileyinə həsr olunmuş poçt markası

Azərbaycan Memarlar İttifaqının İdarə heyətinin 50 ilə yaxın əvəzsiz sədri olmuş Mikayıl Hüseynovun da fəaliyyəti Azərbaycanda həmin illər üçün memarlıq axtarışları və inkişafı simasını təmsil etmişdir.

Azərbaycan Respublikasının siyasi və sosial-iqtisadi müstəqillik əldə etməsi ilə Memarlar İttifaqı fəaliyyətində yeni sosial şəraitə, bazar iqtisadiyyatına, demokratiyanın tələblərinə cavab verən dəyişikliklər baş vermişdir.

Azərbaycan Memarlar İttifaqı ölkənin şəhər və kəndlərinin abadlaşdırılmasında, memarlıq görkəminin formalaşmasında aparıcı rol oynamış, yaradıcılıq proseslərini istiqamətləndirmişdir. Bu illərdə onlarla memar beynəlxalq müsabiqələrin laureatı adına layiq görülmüş, fəxri adlarla, orden və medallarla təltif edilmişdir. Müxtəlif dövrlərdə Azərbaycan Memarlar İttifaqının rəhbərliyində M.Hüseynovun, H.Ələsgərovun, H.Məcidovun, Ənvər Qasımzadənin, T.Xanlarovun, N.Hacıbəyovun, İ.Əliyevin, N.Nağıyevin, R.Əliyevin, Elbay Qasımzadənin, E.Ələsgərovun, R.Əfəndizadənin, T.Muradxanovanın, N.Əliyevin, H.Əmirxanovun, Ə.Novruzinin, F.Mollazadənin və başqalarının böyük zəhməti olmuşdur.

Azərbaycan Memarlar İttifaqının sədrləri

Azərbaycan Memarlar İttifaqının fəxri üzvləri

Azərbaycan Memarlarının qurultayları

I qurultay

Azərbaycan memarlarının ilk qurultayı 1936-cı il martın 4-dən 7-ə kimi keçmişdir. Memarlar İttifaqının qurultayının işində o vaxtkı dövlət xadimlərindən Ruhulla Axundov, və Həmid Sultanov iştirak etmişdir. Qurultaya cəmi 64 memar nümayəndə seçilmişdir.

Qurultay nümayəndələrindən S.Dadaşovun, Q.Əliyevin, Q.Əlizadənin, P.Fridolinin, K.Sençixinin və başqalarının çıxış etmişlər. Çıxış edənlər əsas diqqəti şəhərlərdə sənaye memarlığına, məktəb və kütləvi yaşayış binalarının tikintisinə, ucqar fəhlə rayonlarının abadlaşdırılmasına yönəltməyi tələb edirdilər.

XVIII qurultay

2012-ci ilin noyabr ayının 6-da Azərbaycan Respublikasının Memarlar İttifaqının növbəti XVIII qurultayı keçirilmişdir.

Qurultay nümayəndələri Memarlar İttifaqına yeni rəhbərlik seçmişlər:

Həmçinin bax

İstinadlar

  1. . Azərbaycan Memarlar İttifaqının rəsmi saytı (azərb.). uaa.az. 2007–2014. İstifadə tarixi: 2014-10-02.
  2. . Azadlıq Radiosu (azərb.). azadliq.org. 06.11.2013. İstifadə tarixi: 2014-10-10. Check date values in: |date= (kömək)
  3. . Azərbaycan Memarlar İttifaqının rəsmi saytı (azərb.). uaa.az. 2007–2014. İstifadə tarixi: 2014-10-02.

Xarici keçidlər

Vikianbarda Azərbaycan Memarlar İttifaqı ilə əlaqəli mediafayllar var.

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019