14 klub və müsabiqədənkənar çıxış edən 8 əvəzedici komanda mübarizə aparıb. 2 qrupda oynayırlar, hərəsindən 3
komanda final mərhələsinə yüksəlir və qızıl xallar prinsipi ilə mübarizə davam edir. A qrupunda ilk 3 yerdən biri
əvəzedicilərə nəsib olduğundan 4-cü yer şans qazanıb.
“Şərur” mübarizəni erkən dayandırdığı üçün oyunlarının nəticələri ləğv olunub.
“Karvan-2”, “Qaradağ” və “Muğan” oyunların yarıdan çoxunda iştirak etdikdən sonra mübarizəni dayandırdığı üçün
nəticələri saxlanılıb və yerdə qalan matçlarda texniki məğlubiyyət verilib. Bu üzdən B qrupunda 1 qarşılaşmada hər 2
komandaya məğlubiyyət verilib.
“Göyəzən” və MOİK yüksək liqadan düşənlərdir.
Mövsümün gedişində ad dəyişikliyi də olub. “Göyçə” “İnter-2”, “Arsenal” isə “Standard” olub.
2 komanda Premyer Liqaya yüksəlir. Lakin ilk 2 yerlə yanaşı 4-cü olan “ABN-Bərdə”yə də vəsiqə verilib.
