Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAzərbaycan (qəzet, 1992)
"Azərbaycan" qəzeti — rəsmi dövlət qəzeti, Azərbaycan Respublikası Milli Məclisinin mətbuat orqanı.
| Azərbaycan | |
|---|---|
_logo.svg){kind=logo} | |
.jpg) Qəzetin 23.09.1992 tarixli bərpa sayı | |
| Format | Berliner |
| Sahibi | Azərbaycan Respublikasının Milli Məclisi |
| Baş redaktor | |
| Yaranma tarixi | 23 sentyabr 1992 |
| Dil | Azərbaycan dili |
| Baş ofis | |
| Ölkə | |
| azerbaijan-news.az/az | |
 Vikianbarda əlaqəli mediafayllar | |
1991-ci ildə Sovet İttifaqının dağılması ilə Azərbaycanda mətbuat işləri yeni mərhələyə daxil oldu. "Kommunist" (1991-ci ildən "Xalq qəzeti") qəzeti sovet dövründə Azərbaycanın əsas rəsmi mətbu nəşri idi. Qəzet Azərbaycan KP MK-nın, Azərbaycan SSR Ali Sovetinin və Azərbaycan SSR Nazirlər Sovetinin orqanı idi. 1990-cı ildə Ali Sovet və Nazirlər Sovetinin hər biri özünə yeni qəzet yaratdı. Nazirlər Sovetinin qəzeti "Respublika" adlandırıldı. Ali Sovet (daha sonra Milli Məclis) isə "Azərbaycan" qəzetinə varislik etmək, yəni buraxacağı qəzetin adını "Azərbaycan" qoymaq istəyirdi. Lakin həmin dövrdə Qarabağa Xalq Yardımı Komitəsi "Azərbaycan" adında qəzet buraxırdı. Qanununa görə isə eyni adda iki qəzet nəşr etmək olmazdı. "Azərbaycan" öz adını Ali Sovetə güzəştə getmədi.[1]
Buna görə də Azərbaycan SSR Ali Soveti Rəyasət Heyətinin 2 noyabr 1990-cı il qərarı ilə təsis olunan qəzetə "Həyat" adı verildi.[2] "Həyat"ın çapına 1991-ci ildən başlandı. Ona həm də "rəsmi qəzet" statusu verildi. Yazıçı-dramaturq Əfqan Əsgərov qəzetin baş redaktoru oldu.
1992-ci ildə Azərbaycan Respublikasının Mətbuat Komitəsinin sədri, daha sonra Mətbuat və İnformasiya naziri olan, həmçinin QXYK və "Azərbaycan" qəzetinin də təsisçisi olan Sabir Rüstəmxanlının təşəbbüsü, Ali Sovetin sədri İsa Qəmbər, Prezident Əbülfəz Elçibəy, Dövlət katibi Pənah Hüseyn və dövlət müşaviri Arif Hacılının razılığı ilə sənədlər imzalandı və Ali Sovetdə "Azərbaycan qəzeti ilə "Həyat" qəzetinin birləşdirilməsi" müraciəti müzakirə edilərək yekdilliklə qəbul edildi.[3]
23 sentyabr 1992-ci il tarixli nömrəsi ilə "Azərbaycan" qəzeti parlamentin mətbu orqanı olaraq çıxmağa başladı.[1]
- ↑ 1 2 Nərimanoğlu, Bəkir. ""Azərbaycan"ın həyatı". Novator.az. 20 sentyabr 2019. 22 sentyabr 2022 tarixində arxivləşdirilib. İstifadə tarixi: 5 avqust 2023.
- ↑ Bəxtiyar Sadıqov. "İki "AZƏRBAYCAN" arasındakı körpü". azerbaijan-news.az (az.). 11 sentyabr 2018. 22 sentyabr 2022 tarixində arxivləşdirilib. İstifadə tarixi: 13 dekabr 2023.
- ↑ Nərimanoğlu, Bəkir. ""Azərbaycan"ın dönüşü". Novator.az. 4 oktyabr 2019. 5 avqust 2023 tarixində arxivləşdirilib. İstifadə tarixi: 5 avqust 2023.
- Aysel Məhərrəm. ""Azərbaycan" qəzeti bağlana bilər". modern.az (az.). İstifadə tarixi: 25 noyabr 2023.