Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  1-11 Sinif Derslikler Yukle
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.
 Kömək
Kitab yaradıcısı ( deaktiv et )
 Bu səhifəni kitabınıza əlavə edin Kitabı göstər (0 səhifə) Səhifə təklif edin

Azərbaycanın mədəniyyət paytaxtı

  • Məqalə
  • Müzakirə

Azərbaycanın mədəniyyət paytaxtı — Azərbaycanın Qarabağ iqtisadi rayonunda yerləşən Şuşa şəhərinin rəsmi statusu.

Şuşa qalası Xarıbülbül Musiqi Festivalı çərçivəsində keçirilən atəşfəşanlıq vaxtı

Mündəricat

  • 1 Arxa plan
    • 1.1 Şuşa şəhərinin tarixi-mədəni rolu
  • 2 Tarixi
    • 2.1 Mədəniyyət paytaxtı elan edilməsi
    • 2.2 Türk və İslam dünyasının mədəniyyət paytaxtı statusları
  • 3 Vacib səfərlər
    • 3.1 Ölkə başçıları tərəfindən
    • 3.2 Digər səfərlər
  • 4 Həmçinin bax
  • 5 İstinadlar
  • 6 Ədəbiyyat
  • 7

Arxa plan

Şuşa şəhərinin tarixi-mədəni rolu

Əsas məqalə: Şuşa mədəniyyəti

Qarabağın əsas şəhəri olan Şuşa Azərbaycan musiqisi və poeziyasının beşiyi, Azərbaycan mədəniyyətinin mərkəzlərindən biridir.[1] Azərbaycanlılar üçün şəhər mədəni cəhətdən vacibdir[2][3][4] və onu regiondakı mədəni paytaxtları hesab edirlər.[5] Bundan başqa Şuşa şəhəri XVIII əsrin ortalarından 1822-ci ilə qədər Qarabağ xanlığının paytaxtı olmuşdur.[6]

Sovet dövründə şəhərin tarixi-memarlıq və şəhərsalma abidəsi kimi yüksək bədii əhəmiyyəti nəzərə alınaraq, 1977-ci ildə Şuşa Dövlət Tarix-Memarlıq Qoruğu yaradılmışdır.[7] Müstəqillik dövründə, 2001-ci ildə Şuşa şəhəri Azərbaycanda UNESCO-nun Ümumdünya irsi obyektlərinin müvəqqəti siyahısına əlavə edilmişdir.[8]

Tarixi

Mədəniyyət paytaxtı elan edilməsi

7 may 2021-ci ildə Şuşa şəhəri Azərbaycanın mədəniyyət paytaxtı elan edilmişdir.[9] Burada məqsəd Şuşanın tarixi formasının və mədəni həyatının bərpa edilməsi, şəhərin Azərbaycan mədəniyyətindəki rolunun beynəlxalq arenada təbliğ edilməsidir:[10]

  Şuşa şəhəri tarixən Azərbaycanın tarixi-mədəni, ictimai-siyasi həyatının mühüm mərkəzlərindən biri olmuşdur. 1977-ci ildə xalqımızın Ümummilli Lideri Heydər Əliyevin təşəbbüsü ilə “Şuşa şəhərinin tarixi hissəsini tarix-memarlıq qoruğu elan etmək haqqında” qərar qəbul edilmişdir. Həmin qərar nəticəsində Şuşada abidələrin qorunması, görkəmli mədəniyyət və incəsənət xadimlərinin xatirələrinin əbədiləşdirilməsi istiqamətində əhəmiyyətli addımlar atılmışdır.

Azərbaycana qarşı başladığı hərbi təcavüz nəticəsində Ermənistan Respublikası 1992-ci il mayın 8-də Şuşa şəhərini işğal etmiş və şəhərdə xalqımızın tarixi-mədəni irsinin məhv edilməsi siyasətini həyata keçirmişdir.

Ordumuzun qətiyyətli mübarizəsi ilə tarixi ədalət bərpa edilmiş və 2020-ci il noyabrın 8-də Şuşa şəhəri işğaldan azad olunmuşdur. Şəhərə, onun tarixi-mədəni irsinə və təbiətinə vurulmuş zərərin təxirəsalınmadan inventarizasiyası aparılmış, bərpa işlərinə başlanılmışdır. Bərpa-quruculuq işlərinin təşkilində çevikliyi və səmərəliliyi təmin etmək üçün Şuşada dövlət idarəetməsinə də böyük diqqət yetirilmişdir. Azərbaycan Respublikası Prezidentinin işğaldan azad olunmuş ərazilərdə ilk xüsusi nümayəndəsi məhz Şuşa rayonuna təyin edilmişdir.

Tarixi-mədəni əhəmiyyəti və Azərbaycan xalqı üçün müstəsna mənəvi dəyərə malik olması Şuşaya xüsusi qayğı və həssaslıqla yanaşılmasını zəruri edir. Bu baxımdan, Şuşada dövlət idarəetməsinin və hüquqi tənzimləmənin daha da təkmilləşdirilməsi şəhərdə tarixi-mədəni irsin bərpasına və qorunub saxlanmasına xidmət etməklə yanaşı, onun daim inkişafına şərait yaradacaqdır.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Şuşa şəhərinin tarixi görkəminin bərpası, əvvəlki şöhrətinin özünə qaytarılması və ənənəvi dolğun mədəni həyatına qovuşması, eləcə də Azərbaycanın çoxəsrlik zəngin mədəniyyətinin, memarlıq və şəhərsalma sənətinin parlaq incisi kimi beynəlxalq aləmdə təbliği məqsədilə qərara alıram:

1. Şuşa şəhəri Azərbaycanın mədəniyyət paytaxtı elan edilsin.

2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

İlham Əliyev

Azərbaycan Respublikasının Prezidenti

Bakı şəhəri, 7 may 2021-ci il

 

31 may 2021-ci ildə qəbul edilən qanunla Şuşa şəhərinin qorunmasının, bərpasının, öyrənilməsinin, inkişafının və təbliğinin hüquqi və təşkilati əsasları təyin edilmiş, mədəniyyət paytaxtının ərazisində Şuşa Şəhəri Dövlət Qoruğu yaradılmışdır. Şəhərin ərazisində yerləşdiriləcək reklamların şəhərin mədəniyyət paytaxtı kimi statusunu təşviq edən reklamlar olmasına üstünlük verilməsi qərarlaşdırılmışdır.[11]

Türk və İslam dünyasının mədəniyyət paytaxtı statusları

Şuşa şəhəri 2023-cü il üçün Türk dünyasının mədəniyyət paytaxtı elan edilmişdir.[12] Həmin il keçirilən VI "Xarıbülbül" Beynəlxalq Festivalında TÜRKSOY-a daxil olan ölkələr, regionun türkdilli ölkələri və xalqlarının kollektivləri çıxışlar etmişdir. Çıxış edənlər arasında Qırğızıstan, Türkiyə, Qazaxıstan, Türkmənistan, Macarıstan, Özbəkistan, eləcə də Özbəkistanın Qaraqalpaqıstan Muxtar Respublikası, Qaqauziya (Moldova), Rusiya Federasiyasının Tatarıstan, Altay, Tıva, Xakasiya, Yakutiya respublikaları, Şimali Kipr nümayəndələri var idi.[13]

Şuşa şəhəri 2024-cü il üçün "İslam dünyasının mədəniyyət paytaxtı" elan edilmişdir.[14] Həmin il keçirilən VII "Xarıbülbül" Beynəlxalq Festivalında Birləşmiş Ərəb Əmirlikləri, Türkiyə, Qazaxıstan, Qvineya, Qətər, İndoneziya, İran, Mərakeş, Özbəkistan kimi müsəlman dövlətlərinin nümayəndələri iştirak etmişdir.[15]

  •  
    2023-cü il üçün Türk dünyasının mədəniyyət paytaxtı seçilmiş Şuşaya həsr edilmiş Azərbaycan poçt markası
  •  
    2023-cü il üçün Türk dünyasının mədəniyyət paytaxtı seçilmiş Şuşaya həsr edilmiş Özbəkistan poçt markası
  •  
    2024-cü il üçün "İslam dünyasının mədəniyyət paytaxtı" seçilmiş Şuşaya həsr edilmiş Azərbaycan poçt markası

Vacib səfərlər

Ölkə başçıları tərəfindən

"Bu gün Şuşanın tarixi Cıdır düzündə Qarabağ atlarının nümunəvi yürüşü Azərbaycan və Birləşmiş Ərəb Əmirlikləri arasında davam edən dostluğu qeyd etdi. İrsin və qardaşlığın simvolu olan Qarabağ atı bir daha bu müqəddəs torpaqda mədəniyyətləri birləşdirdi".
Azərbaycan Prezidentinin köməkçisi Hikmət Hacıyevin BƏƏ prezidentinin Şuşaya səfəri ilə bağlı X paylaşımı.[16]
  • Türkiyə Prezidenti Rəcəb Tayyib Ərdoğanın 2021-ci il səfəri. Səfər zamanı Ərdoğan güllələnmiş heykəlləri (Xurşidbanu Natəvan, Bülbül və Üzeyir Hacıbəyovun heykəlləri), Natəvan bulağını və Cıdır düzünü ziyarət etmiş, "Musiqi irsi və Qarabağ atları Cıdır düzündə" adlı musiqili kompozisiyaya baxmışdır. Ona Azərbaycan tərəfindən "Zəfər" adlı Qarabağ atı və "Xarıbülbül" kompozisiyası hədiyyə edilmişdir. Səfər çərçivəsində Azərbaycan və Türkiyə arasında müttəfiqlik münasibətləri ilə bağlı Şuşa Bəyannaməsi imzalanmışdır, "Baykar" şirkətinin baş direktoru Lutfi Haluk Bayraktar "Qarabağ" ordeni ilə təltif edilmişdir.[17]
  • Özbəkistan Prezidenti Şavkat Mirziyoyev və xanımı Ziroatxon Mirziyoyevanın 2023-cü il səfəri. Səfər çərçivəsində qonaq Saatlı məscidi, Yuxarı Gövhər ağa məscidi, Natəvan bulağı, Mehmandarovların evi, Bülbülün evi, Cıdır düzü və güllələnmiş heykəlləri ziyarət etmiş, Şuşanın baş planı ilə tanış edilmişdir. O, həmçinin Yaradıcılıq Mərkəzində "Heydər Əliyev və Qarabağ" sərgisini də gəzmişdir.[18]
  • Qazaxıstan Prezidenti Qasım-Comərd Tokayevin 2024-cü il səfəri. Tokayev səfər çərçivəsində güllələnmiş heykəlləri ziyarət etmiş, Şuşanın baş planı və Natəvan bulağı ilə tanış olmuşdur. O, Yaradıcılıq Mərkəzində "Heydər Əliyev və Qarabağ" sərgisini gəzmiş, Saatlı məscidində, Bülbülün ev-muzeyində və Cıdır düzündə olmuşdur. Tokayev həmçinin Qarabağ memarlıq məktəbi üsulubunda tikilmiş "Yasəmən" hotelini ziyarət etmişdir.[19]
  • Belarus Prezidenti Aleksandr Lukaşenkonun 2024-cü il səfəri. Lukaşenko səfər zamanı keçmiş şuşalı məcburi köçkünlərin yaşadığı Şuşanın birinci yaşayış kompleksini ziyarət etmiş, Şuşanın baş planı ilə tanış olmuşdur. O, güllələnmiş heykəlləri ziyarət etmiş, Yaradıcılıq Mərkəzində "Heydər Əliyev və Qarabağ" sərgisinə baxmışdır. Lukaşenko həmçinin Cıdır düzünə, Şuşa qalasına və Bülbülün evinə baş çəkmişdir.[20]
  • Türkmənistan Xalq Məsləhətinin sədri Qurbanqulu Berdiməhəmmədovun 2025-ci il səfəri. Səfər çərçivəsində qonaq gülləbaran edilmiş heykəllər, Bülbülün ev-muzeyi, Yuxarı Gövhər ağa məscidi, Mehmandarovların malikanəsi ilə tanış edilmişdir. Berdiməhəmmədov Cıdır düzündə Qarabağ atlarının təqdimatına baxmış, ona "Dostluq" adlı Qarabağ atı hədiyyə edilmişdir. O, həmçinin Yeni Şuşa məscidinin tikintisi ilə tanış edilmiş, "Heydər Əliyev və Qarabağ" sərgisini gəzmişdir.[21][22][23][24][25][26][27][28]
  • BƏƏ Prezidenti Məhəmməd bin Zayed Əl-Nəhyanın 2025-ci il səfəri. Əmirliklərin Prezidenti Əl-Nəhyan Şuşada rəsmi olaraq qarşılanmışdır.[29] O, gülələlənən heykəllərə, Azərbaycan Milli Xalça Muzeyinin Şuşa filialına,[30][31] tikintisi davam edən Yeni Şuşa məscidinə baş çəkmiş,[32] Şuşa qalasının qabağında şəkil çəkdirmişdir.[33] Qonağın şərəfinə Cıdır düzündə Qarabağ atlarının nümunəvi yürüşü təşkil edilmiş, qonağa "Ərgünəş" adlı Qarabağ atı hədiyyə edilmişdir.[16][34] Səfər çərçivəsində Azərbaycan və BƏƏ arasında Hərtərəfli Strateji Tərəfdaşlıq Əlaqələri haqqında Birgə Bəyannamə imzalanmışdır.[35]
  •  
    Azərbaycan və Qazaxıstan Prezidentləri güllələnmiş heykəllərin qarşısında
  •  
    Azərbaycan və Türkiyə Prezidentləri Cıdır düzündə Azərbaycan musiqisinə qulaq asarkən
  •  
    Azərbaycan və Türkmənistan liderləri Yuxarı Gövhər ağa məscidində dua edərkən

Digər səfərlər

Bu, mənim Şuşaya ilk səfərimdir və bu şəhəri kəşf etmək imkanı qazandığım üçün çox şadam. Əvvəllər də dediyim kimi, bu şəhərin Azərbaycan xalqının qəlbində çox əziz bir yeri var, çünki o, Azərbaycan mədəniyyətində çox mühüm rol oynayır.
Fransanın Azərbaycandakı səfiri Ann Buayon[16]

Azərbaycandakı xarici səfirlər Şuşanın Azərbaycan nəzarətinə qayıtmasından sonra bir neçə dəfə şəhəri ziyarət etmişdir. Ancaq ABŞ və Fransanın Azərbaycandakı səfirləri uzun müddət Şuşaya səfər etməmiş, nəhayət, 2024-cü ilin mayında ABŞ səfiri Mark Libbi, 2025-ci ilin iyununda isə Fransa səfiri Ann Buayon ilk dəfə Şuşaya getmişdir. Mark Libbi səfər çərçivəsində Natəvan bulağı, Şuşa qalası, Xurşidbanu Natəvanın evi, Vaqif məqbərəsi ilə tanış olmağı və Cıdır düzünü görməyi planlaşdırmışdır.[36][37] Ann Buayonun səfərinə görə, Artsaxın Fransadakı daimi nümayəndəsi Hovannis Gevorgyan Fransa Prezidenti Emmanuel Makrona "qəzəbli" məktub göndərmişdir.[38] Azərbaycanın 50-ə yaxın siyasi partiyası da Şuşa şəhərini ziyarət etmişdir.[39]

Həmçinin bax

  • Qarabağ Azərbaycandır

İstinadlar

  1. ↑ Mattew O'Brien. Uzeir Hajibeyov and His Role in the Development of Musical Life in Azerbaijan. — Routledge, 2004. — С. 211. — ISBN 0-415-30219-6, 9780415302197
    Orijinal mətn (ing.)
    But later writers have preferred to emphasise the importance of Shusha, one of the leading centres of Azeri culture, as providing a 'creative cradle' for the young boy.
  2. ↑ Antidze, Margarita. "Nagorno-Karabakh says its two largest cities under fierce attack". Reuters. 6 noyabr 2020. 2 yanvar 2021 tarixində arxivləşdirilib. İstifadə tarixi: 2 yanvar 2021.
  3. ↑ "The fighting in Nagorno-Karabakh reflects decades of conflict". The Economist. 29 oktyabr 2020. 30 oktyabr 2020 tarixində arxivləşdirilib. İstifadə tarixi: 2 yanvar 2021.
  4. ↑ Askerov, 2020. səh. 57, 61
  5. ↑ Hauer, Neil. "Nagorno-Karabakh conflict will soon face a decisive moment". Arab News. 6 noyabr 2020. 9 noyabr 2020 tarixində arxivləşdirilib. İstifadə tarixi: 7 noyabr 2020.
  6. ↑ Timothy C. Dowling Russia at War: From the Mongol Conquest to Afghanistan, Chechnya, and Beyond Archived 2015-06-26 at the Wayback Machine pp 728 ABC-CLIO, 2 dec. 2014 ISBN 1598849484
  7. ↑ "Şuşanın tarixi və memarlıq abidələri". shusha.az. 11 oktyabr 2017 tarixində orijinalından arxivləşdirilib. İstifadə tarixi: 10 oktyabr 2017.
  8. ↑ "Azerbaijan". UNESCO World Heritage Centre. 26 fevral 2021 tarixində arxivləşdirilib. İstifadə tarixi: 26 mart 2021.
  9. ↑ Aliyev, Jeyhun. "Azerbaijan declares city of Shusha 'cultural capital'". Anadolu Agency. 5 yanvar 2021. 5 yanvar 2021 tarixində arxivləşdirilib. İstifadə tarixi: 5 yanvar 2021.
  10. ↑ "Şuşa şəhərinin Azərbaycanın mədəniyyət paytaxtı elan edilməsi haqqında Azərbaycan Respublikası Prezidentinin Sərəncamı". İstifadə tarixi: 12 sentyabr 2025.
  11. ↑ "Şuşanın Azərbaycanın mədəniyyət paytaxtı olması rəsmən TƏSDİQLƏNDİ". İstifadə tarixi: 20 sentyabr 2025.
  12. ↑ "Azerbaycan'ın Şuşa kenti "2023 Türk Dünyası Kültür Başkenti" ilan edildi - Avrasya'dan - Haber". TRT Avaz. 10 dekabr 2022 tarixində arxivləşdirilib. İstifadə tarixi: 31 mart 2022.
  13. ↑ "Şuşada "Xarıbülbül" festivalı başlayır" (az.). https://qafqazinfo.az/. Archived from the original on 18 may 2023. İstifadə tarixi: 10 may 2023.
  14. ↑ "Şuşa şəhərinin 2024-cü il üçün "İslam dünyasının mədəniyyət paytaxtı" elan edilməsi ilə bağlı tədbirlər haqqında Azərbaycan Respublikası Prezidentinin Sərəncamı". İstifadə tarixi: 21 mart 2025.
  15. ↑ "Dünyanı bizə, bizi dünyaya tanıdan "Xarıbülbül"". İstifadə tarixi: 12 sentyabr 2025.
  16. ↑ 1 2 3 "Cıdır düzündə Qarabağ atlarının nümunəvi yürüşü təşkil olunub". İstifadə tarixi: 12 sentyabr 2025.
  17. ↑ "Türkiyə Respublikasının Prezidenti Rəcəb Tayyib Ərdoğanın Şuşaya səfəri". İstifadə tarixi: 12 sentyabr 2025.
  18. ↑ "Azərbaycan ilə Özbəkistan prezidentləri və xanımları Şuşaya səfər ediblər". İstifadə tarixi: 12 sentyabr 2025.
  19. ↑ "Azərbaycan və Qazaxıstan prezidentləri Şuşaya səfər ediblər". İstifadə tarixi: 12 sentyabr 2025.
  20. ↑ "İlham Əliyev və Belarus Respublikasının Prezidenti Aleksandr Lukaşenko Şuşa şəhərinə səfər ediblər". İstifadə tarixi: 12 sentyabr 2025.
  21. ↑ "İlham Əliyev və Qurbanqulu Berdiməhəmmədov Yeni Şuşa məscidində tikinti işləri ilə tanış olublar". İstifadə tarixi: 12 sentyabr 2025.
  22. ↑ https://oxu.az/siyaset/ilham-eliyev-ve-qurbanqulu-berdimehemmedov-heyder-eliyev-ve-qarabag-sergisi-ile-tanis-olublar (#bare_url_missing_title). İstifadə tarixi: 12 sentyabr 2025.
  23. ↑ "İlham Əliyev və Qurbanqulu Berdiməhəmmədov "Heydər Əliyev və Qarabağ" sərgisi ilə tanış olublar". (#accessdate_missing_url)
  24. ↑ "İlham Əliyev və Türkmənistan Xalq Məsləhətinin sədri Şuşada gülləbaran edilmiş heykəllərə baxıblar". İstifadə tarixi: 12 sentyabr 2025.
  25. ↑ "İlham Əliyev və Türkmənistan Xalq Məsləhətinin sədri Şuşada Bülbülün ev-muzeyində olublar". İstifadə tarixi: 12 sentyabr 2025.
  26. ↑ "İlham Əliyev və Qurbanqulu Berdiməhəmmədov Şuşada Yuxarı Gövhər Ağa məscidini ziyarət ediblər". İstifadə tarixi: 12 sentyabr 2025.
  27. ↑ "İlham Əliyev və Qurbanqulu Berdiməhəmmədov Mehmandarovların malikanə kompleksində olublar". İstifadə tarixi: 12 sentyabr 2025.
  28. ↑ "İlham Əliyev Qurbanqulu Berdiməhəmmədova Qarabağ atı hədiyyə etdi". İstifadə tarixi: 12 sentyabr 2025.
  29. ↑ "BƏƏ prezidentinin Şuşada rəsmi qarşılanma mərasimi olub". İstifadə tarixi: 12 sentyabr 2025.
  30. ↑ "Azərbaycan və BƏƏ prezidentləri Şuşada güllələnmiş heykəllərə baxıblar". İstifadə tarixi: 12 sentyabr 2025.
  31. ↑ "Azərbaycanın və BƏƏ prezidentləri Milli Xalça Muzeyinin Şuşa filialında olublar". İstifadə tarixi: 12 sentyabr 2025.
  32. ↑ "İlham Əliyev və BƏƏ prezidenti Yeni Şuşa məscidində tikinti işlərinin gedişi ilə tanış olublar". İstifadə tarixi: 12 sentyabr 2025.
  33. ↑ "İlham Əliyev və Şeyx Məhəmməd bin Zayed Al Nəhyan Şuşa qalasının önündə foto çəkdiriblər". İstifadə tarixi: 12 sentyabr 2025.
  34. ↑ "İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib". İstifadə tarixi: 12 sentyabr 2025.
  35. ↑ "Azərbaycanla BƏƏ arasında Hərtərəfli Strateji Tərəfdaşlıq Əlaqələri haqqında Birgə Bəyannamə imzalanıb". İstifadə tarixi: 12 sentyabr 2025.
  36. ↑ "ABŞ səfiri ilk dəfə Şuşada... - FOTO". İstifadə tarixi: 5 iyul 2025.
  37. ↑ "Fransa səfiri ilk dəfə Şuşaya getdi, elə sözlər dedi ki..." İstifadə tarixi: 5 iyul 2025.
  38. ↑ "Ann Buayonun Şuşaya getməsi erməniləri yandırdı". İstifadə tarixi: 12 sentyabr 2025.
  39. ↑ "Siyasi partiya rəhbərləri Şuşaya getdilər". İstifadə tarixi: 12 sentyabr 2025.

Ədəbiyyat

  • Askerov, Ali; Brooks, Stefan; Tchantouridze, Lasha (2020). "The Conflicts In The Caucasus". Post-Soviet Conflicts: The Thirty Years' Crisis. Lanham, Maryland: Rowman & Littlefield.
  • Gilson, Brian. Ethno-symbolism and Government Discourse in Azerbaijan. 2016. səh. 105.
  • Rice, Kelsey, "Forging The Progressive Path: Literary Assemblies And Enlightenment Societies In Azerbaijan, 1850–1928" (2018). Publicly Accessible Penn Dissertations. 2913
  • De Waal, Thomas (2003). Black Garden: Armenia and Azerbaijan Through Peace and War. NYU Press. ISBN 9780814785782.

  • İlham Əliyev. "Şuşa şəhərinin Azərbaycanın mədəniyyət paytaxtı elan edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI" (az.). e-qanun.az. 7 may 2021-ci il. İstifadə tarixi: 2025-09-20. (Vikimənbə)
  • İlham Əliyev. ""Azərbaycanın mədəniyyət paytaxtı – Şuşa şəhəri haqqında" AZƏRBAYCAN RESPUBLİKASININ QANUNU" (az.). e-qanun.az. 31 may 2021-ci il. İstifadə tarixi: 2025-09-20. (Vikimənbə)
Mənbə — "https://az.wikipedia.org/w/index.php?title=Azərbaycanın_mədəniyyət_paytaxtı&oldid=8335947"
Informasiya Melumat Axtar