Azər Qəribov və ya Azər Qərib — Azərbaycan jurnalisti, blogger, səyyah.[1]
| Azər Qəribov | |
|---|---|
| Azər Qəribov Şaiq oğlu | |
| Digər adı | Azər Qərib |
| Doğum tarixi | |
| Doğum yeri | Bakı, Azərbaycan SSR |
| Təhsili | |
| Fəaliyyəti | jurnalist |
| azru.tv | |
22 may 1961-ci il tarixində, Bakı şəhərində anadan olmuşdur.
1968-ci ildə Bakı şəhər 134 saylı orta məktəbində təhsilinə başlamış, 1978-ci ildə orta təhsilini başa vurmuşdur. Elə həmin il Bakı Dövlət Universitetinin Şərqşünaslıq fakültəsinə daxil olmuş və 1983-cü ildə ali təhsilini başa vurmuşdur. 1983–1986-cı illərdə "Azneft" şirkətinin xarici əlaqələr departamentində çalışmış, 1986–1988-ci illərdə hərbi xidmətdə olmuşdur. 1988–1990-cı illərdə Daxili İşlər Nazirliyində işləmiş, lakin sovet ordusunun 20 yanvar təcavüzünə qarşı çıxdığına görə DİN-nin ovaxtkı rəhbərliyinin göstərişi ilə bu strukturdan xaric edilmişdir. 1990-cı ildən bizneslə məşqul olmuş, 1999–2003-cü illərdə Böyük Britaniyanın "Inter Logistic" şirkətinin Azərbaycan nümayəndəliyinin rəhbəri olmuşdur.[2]
2003-cü ildə biznes sahəsini tərk etmiş və televiziya fəaliyyəti ilə məşqul olmuşdur.Azərbaycanın bir çox tanınmış telekanalları ilə əməkdaşlıq etmişdir. Onun hazırladığı "Qərib Azər" adlı səyahət verilişi ilk dəfə 9 mart 2003-cü ildə efirə çıxmış, bu gün isə "Oralar" adı ilə AzTV kanalında hər bazar günü yayımlanmaqdadır.
Azər Qəribov 2020-di ildən Azərbaycan Turizm Blogerləri Assosiasiyasının idarə heyətinin sədri, Azərbaycan Jurnalistlər Birliyinin üzvi, H. B. Zərdabı Mükafatının laureatıdır. İki oğlu və iki nəvəsi var.
Dünyanın 101 ölkəsində olmuşdur.
- ↑ "Sosial mediada Orxan Zeynalovun həbsi barədə nə deyirlər?". www.bbc.com. www.bbc.com. 2023-06-28 tarixində arxivləşdirilib. İstifadə tarixi: 25 dekabr 2018.
- ↑ ""Qərib Azər": "Bu sahədə öz sözümü demişəm, daha bəsdir.."- Müsahibə". 2022-05-26 tarixində arxivləşdirilib. İstifadə tarixi: 2023-05-22.
- Azər Qəribov — Facebook səhifəsi