Azər Oqtay oğlu İbrahimov (23 avqust 1968, Bakı) - Azərbaycan Silahlı Qüvvələrinin general-mayoru, Müdafiə Nazirliyin Daxili Təhlükəsizlik və Təhqiqat Baş İdarəsinin rəisi.
| Azər İbrahimov | |
|---|---|
 | |
  | |
| 2022 – 2024 | |
| Əvvəlki | Aqil Babayev |
| Sonrakı | Faiq Məmmədov |
| Şəxsi məlumatlar | |
| Vətəndaşlığı |
Azərbaycan |
| Rütbəsi |
 General-mayor |
Ailəlidir iki övladı var.
İbrahimov Azər Oqtay oğlu 23 avqust 1968-ci ildə Azərbaycan Respublikası Bakı şəhərində anadan olmuşdur.[1]
01 avqust 1986-cı il tarixdə SSSR-i Silahlı Qüvvələrin sıralarına daxil olaraq həmin tarixdən SSSR-i MN-in hərbi institutunun hərbi hüquq fakültəsinə daxil olmuşdur. 1991 -ci ildə oranı bitirib Zaqafqaziya hərbi dairəsinin 4-cü Ümumqoşun Ordusunun Hərbi Prokurorluğunun müstəntiqi, müstəntiq kriminalisti, 1992-ci ilin avqust ayının 18-dən Azərbaycan Baş Prokurorluğunun sıralarına daxil olub həmin tarixdən Bakı Hərbi Prokurorluğunda böyük müstəntiq vəzifələrində xidmət etmişdir.[1]
1993-cü ildə yaradılmış Şuşa şəhəri və Laçın rayonunun işğal olunması ilə əlaqədar aparılan cinayət işinin istintaq qrupunun üzvü olmuşdur. 1994-cü ilin fevral ayından 1995-ci ilin dekabr ayınadək Azərbaycan Respublikası Sərhəd Qoşunları üzrə hərbi prokurorunun böyük köməkçisi, 1995-ci ilin dekabr ayından 2003-cü ilin mart ayınadək Sumqayıt hərbi prokurorunun böyük köməkçisi vəzifəsində çalışmışdır.[1]
2003-cü ilin mart ayından 2022-ci ilin iyul ayınadək Dövlət Sərhəd Xidmətinin İstintaq və Təhqiqat İdarəsinin rəisi,[1]
Azərbaycan Respublikası Prezidentinin müvafiq Sərəncamı ilə 28 avqust 2013-cü ildə “Əməkdar Hüquqşünası” fəxri adına layiq görülmüşdür.[1]
Prezident İlham Əliyevin sərəncamı ilə ona 16 avqust 2018-ci ildə general-mayor rütbəsi verilib[2].
2022-2024-cü illərdə Dövlət Sərhəd Xidmətinin (DSX) Akademiyasının rəisi olmuşdur.
2025-ci ildə Müdafiə Nazirliyinin Daxili Təhlükəsizlik və Təhqiqat Baş İdarəsinin təyin olunmuşdur.[3]
“Azərbaycan bayrağı”, “Hərbi xidmətlərə görə” və s. orden-medallarla təltif edilib.[4][5]
Azər İbrahimovun 44 günlük Vətən müharibəsində döyüşdüyü və Cəbrayıl istiqamətində düşmənə qarşı əməliyyatlarda fərqləndiyi bildirilir. O, Prezidentin sərəncamı ilə “Cəbrayılın azad olunmasına görə” medalı ilə də təltif edilən generallardan biridir.
- ↑ 1 2 3 4 5 "Azərbaycan Respublikasınln baş prokurorluğu - ELMİ-MƏSLƏHƏT ŞURASI".
- ↑ Hüquqi Aktların Dövlət Reyestri. "Azərbaycan Respublikası Dövlət Sərhəd Xidmətinin hərbi qulluqçularına ali hərbi rütbələrin verilməsi haqqında Prezident Sərəncamı". e-qanun.az (az.). 10 dekabr 2018 tarixində arxivləşdirilib. İstifadə tarixi: 6 aprel 2025.
- ↑ "Azər İbrahimova MN-də yüksək vəzifə verildi". Qafqazinfo (az.). 4 aprel 2025. İstifadə tarixi: 6 aprel 2025.
- ↑ "Prezidentin rəis təyin etdiyi general kimdir?". Yeni Çağ (az.). 20 dekabr 2022. İstifadə tarixi: 6 aprel 2025.
- ↑ "Azərbaycan Respublikası Dövlət Sərhəd Xidmətinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az. 14 noyabr 2024 tarixində arxivləşdirilib. İstifadə tarixi: 6 aprel 2025.