Aytən Səfərova

Aytən Sədaqət qızı Səfərova martın 18-də Azərbaycanın Ağsu şəhərində anadan olub. 6 yaşından etibarən ailəsilə birlikdə Rusiyanın Tümen vilayətinin Nyaqan şəhərinə köçüb. Lakin bir neçə ildən sonra balaca qardaşı Arazın vəfatından sonra yenidən ailəliklə Azərbaycana qayıdıblar.

Əmək fəaliyyətinə "Ayna"-"Zerkalo" qəzetlərində başlayıb. 1998-ci ilin aprel ayından etibarən ANS ÇM radiosunda fəaliyyətə başlayıb. Əvvəlcə radioda xəbər buraxılışlarının və "İsti-İsti" verilişinin aparıcısı, daha sonra ANS TV-də "Pressing", "İç xəbər" və "Xəbərçi" verilişlərinin prodüseri, "İç xəbər" verilişinin müxbiri və aparıcısı, "Xəbərçi" verilişinin aparıcısı, prodüseri, Baş aparıcı-redaktoru vəzifələrində çalışıb.

2005-ci il yanvarın 28-də ailə qurub. 2006-cı il yanvarın 23-də Ayza adlı qız övladı dünyaya gəlib. Bir müddət televiziyadan ayrılsa da (analıq məzuniyyəti) 2007-ci ilin may ayında yenidən ANS TV-yə işə qayıdıb. Əvvəlcə ANS Press xəbər agentliyinin Baş redaktoru, daha sonra isə ANS ÇM radiosunun baş aparıcısı və "Hər səhər" informasiya-əyləncəli verilişinin aparıcısı vəzifəsinə çalışıb. Parallel olaraq həftəlik "Kökaltı" satirik verilişinin aparıcısı olub. "Kökaltı" proqramı Azərbaycanda analoqu olmayan bir layihə kimi tamaşaçılar arasında populyarlıq qazanmaqla yanaşı, Aytən Səfərovanı geniş auditoriyaya tamamilə başqa bir prizmadan tanıdıb. Verilişin qonaqları ilə tamamilə fərqli üslubda, digər aparıcılardan kəskin fərqli şəkildə dialoq qurması A. Səfərovanın qısa vaxt ərzində tam fərqliliyini, dərin zəkalı, böyük söz ehtiyatına malik savadlı, haradasa "iynəli", düz sözü Sabirsayağı çatdıran jurnalist və aparıcı kimi fərqləndirməyi bacarıb. Layihə üç televiziya mövsümü ərzində populyar verilişlər arasında ən yüksək reytinqləri toplaya bilib. 2013-cü ildə layihədən "yorulması" səbəbindən A. Səfərova fəaliyyətini radioda "Hər səhər" verilişində davam etdirmək istəsə də, həmin ilin oktyabr ayında yenidən ANS TV-də aparıcılıq təklifini alaraq "Salam, Azərbaycan" səhər informasiya proqramının layihə rəhbəri və aparıcısı vəzifəsində çalışmağa başlayıb. A. Səfərova sətiraltı, bəzən yumor və satira ilə cəmiyyətdə olan problemlər, sadə insanların müəyyən sahələrdə üzləşdiyi əngəlləri çatdırmağı bacaran, Azərbaycanda KİV-də söz azadlığının bariz nümusnəsi adlandırıblar. 2015-ci il sentyabrın 1-də A. Səfərova ANS TV-dən ayrılıb. Elə həmin vaxt da Azərbaycanın ən populyar telekanallarından biri "Azad Azərbaycan" telekanalından təklifi qəbul edərək bu teleşirkətlə əməkdaşlığa başlayıb.

2015-ci il oktyabrın 16-da Aytən Səfərova ikinci dəfə ana olub. Onun Raul adlı oğlu dünyaya gəlib. 2018-ci il dekabrın 1-də Aytən Piriyeva (Səfərova) üçüncü dəfə ana olub. Onun Nizami adlı oğlu dünyaya gəlib. 2019-cu ildə ikinci dəfə ailə həyatı qurduğu ərinin soyadı olan Piriyeva soyadına keçib.^[1] Aytən Səfərova hal-hazırda Xəzər tv də yayımlanan Bazar ertəsi verilişinin aparıcısıdır.