Aysel Şıxlı

1994-cü ildə Bakıda yazıçı ailəsində dünyaya gəlib. Babası İsmayıl Şıxlı, atası Fərrux Şıxlinski, anası isə Reyhan Yusifqızıdır^[3]. Bakıda yerləşən 102 №-li orta məktəbi bitirdikdən sonra Bakı Dövlət Universitetində Turizm və Otelçilik ixtisası üzrə təhsil alıb.

Peşəkar yazıçı fəaliyyəti ilk dəfə 2008-ci ildə çap etdirdiyi "Mənəm, Yusif" adlı məqaləsi ilə başlayıb^[4]. "Mənəm, Yusif" hekayəsi "525-ci" qəzetdə, sonra isə "44 fəsil - Payızda gələn bahar hekayələri" adlı hekayələr toplusunda çap olunub^[5][6]. Bir neçə kitabın müəllifi olan Aysel Şıxlı "Sonsuzadək gülümsəyən uşaq" hekayəsi ilə 2024-cü ildə təşkil olunan Mir Cəlal adına IV hekayə müsabiqəsində III yerə layiq görülüb^[7][8].

"Arzuların səyahəti"^[9], “Qapı arxasında o” və “Hər günə bir sual” kitablarının illustrasiyaları ona aiddir.

• "Qanadsız mələk" (2021-2022) - Müəllifin ilk romanı olan "Qanadsız mələk" romanı dostluq, sevgi, eləcə də ailə münasibətlərindən bəhs edir və yazıçının tanınıb auditoriyası tərəfindən sevilməsində böyük rol oynamışdır. Kitabın üz qabığının dizaynı da müəllifə aiddir.
• "Arzuların səyahəti" (2023)- 3 fərqli povestdən ibarətdir. Kiçik qardaşını bədbəxt hadisə nəticəsində itirmiş Asim və onunla dostlaşan qonşu qız, nənə-babası ilə kənddə yaşayan Əşrəf və onun yeni qonşusu Nilufər, həmçinin sahibini itirmiş "İşıq" adlı it — bu üç povestin əsas qəhrəmanlarıdır^[10].
• "Paralel dünyada" (tetralogiya) - Uzaq gələcəkdə insanlığın Yer planetində həyata son qoymasından sonra paralel dünyada əvvəlki insanların səhvlərini təkrar etməmək üçün qəlblərindən mənfi duyğularını çıxarıb möhürlənir və bu möhürlərin hərəsi başqa bir kralllıqda qorunur^[11]. Möhürlərinin birinin oğurlanması ilə başlayan hadisələr Kay adlı əsgərin seçilməsi və onun müxtəlif krallıqlardan keçən axtarışı ətrafında inkişaf edir.
• "İşıq" (hekayə) - sahibini itirmiş bir itin yaşadıqlarından bəhs edir.

1. ↑ https://azertag.az - Mir Cəlal adına IV Hekayə Müsabiqəsinin qalibləri mükafatlandırılıb. İstifadə tarixi: 21 dekabr 2025.
2. ↑ https://xalqqazeti.az - Mir Cəlal hekayə müsabiqəsi yekunlaşdı. İstifadə tarixi: 21 dekabr 2025.
3. ↑ https://www.edebiyyatveincesenet.az - “Yazıçı ailəsində böyümək məsuliyyətlidir” - Aysel Şıxlinskaya. İstifadə tarixi: 25 noyabr 2025.
4. ↑ https://www.3alma.az - Aysel Şıxlı. Arxiv surəti 24 aprel 2025 tarixindən Wayback Machine saytında İstifadə tarixi: 24 noyabr 2025.
5. ↑ https://uraqan.com - Aysel Şıxlı — kimdir? İstifadə tarixi: 24 noyabr 2025.
6. ↑ https://az.1000kitap.com - Aysel Şıxlı. İstifadə tarixi: 25 noyabr 2025.
7. ↑ https://www.teaspress.az - Aysel Şıxlı. İstifadə tarixi: 24 noyabr 2025.
8. ↑ https://kulis.az - Mir Cəlal adına IV Hekayə Müsabiqəsinin qalibləri mükafatlandırılıb. İstifadə tarixi: 21 dekabr 2025
9. ↑ https://525.az - Aysel Şıxlı haqda bir neçə söz - Reyhan Yusifqızı yazır. Arxiv surəti 9 oktyabr 2023 tarixindən Wayback Machine saytında İstifadə tarixi: 25 noyabr 2025.
10. ↑ https://www.3alma.az - Arzuların səyahəti. İstifadə tarixi: 24 noyabr 2025.
11. ↑ https://www.teaspress.az - Paralel dünyada. Arxiv surəti 17 noyabr 2025 tarixindən Wayback Machine saytında İstifadə tarixi: 14 dekabr 2025.