Vikipediya ?

Aydın Xırdalanlı

Aydın Hacı oğlu Quliyev (təxəllüsü: Aydın Xırdalanlı; 31 iyul 1977(1977-07-31), Xırdalan, Abşeron iqtisadi rayonu, Azərbaycan23 mart 2019(2019-03-23), Xırdalan, Abşeron iqtisadi rayonu, Azərbaycan) — Azərbaycan meyxanaçısı, şair, qəzəlxan.

Aydın Xırdalanlı
Aydın Hacı oğlu Quliyev
Aydın Xırdalanlı.jpg
Sənətçi məlumatları
Doğum tarixi 31 iyul 1977(1977-07-31)
Doğum yeri Xırdalan, Abşeron iqtisadi rayonu, Azərbaycan
Vəfat tarixi 23 mart 2019(2019-03-23)(41 yaşında)
Vəfat yeri Xırdalan, Abşeron iqtisadi rayonu, Azərbaycan
Vəfat səbəbi qaraciyər sirrozu
Dəfn yeri Xırdalan
Vətəndaşlığı Flag of the Soviet Union.svg SSRİ
Flag of Azerbaijan.svg Azərbaycan
Peşəsi Meyxanaçı

Üslub Meyxana
Fəaliyyət illəri 1995–2019

Mündəricat

Həyatı

Erkən illəri

Aydın Xırdalanlı 1977-ci il iyulun 31-də Abşeron rayonunun Xırdalan qəsəbəsində dünyaya gəlib. Xırdalan kənd məscidinin yanında yaşayırdı. Xırdalanda 1 saylı orta məktəbdə oxuyub. Uşaqlıqda bəstəboy və arıq bir uşaq idi.

Azərbaycan Dövlət Mədəniyyət və İncəsənət Universitetinin Bədii yaradıcılıq fakültəsinin kütləvi tamaşalar rejissorluğu ixtisasında oxuyub. Qrup rəhbəri aktrisa Amaliya Pənahova olub.

Tələbəlik illərində namaz qılırdı. Azər Sani kimi dinqəzəl bilicisindən dərs alıb. Məhz şəxsi istedadı və ustaddan aldığı dərs sayəsində dini ehkamları və qəzəliyyatı yaxşı bilirdi. Dini məsələləri də kifayət qədər səlis ifadə etməyi, dini mövzuları ustalıqla nəzmə çəkməyi vardı. Xırdalanda Cümə məscidinə azan verib.

Yaradıcılıq fəaliyyəti

1995-ci ildən meyxana deməyə başlayıb. Doğulduğu Xırdalan şəhərinin adını təxəllüs seçərək, meyxana sənətində bu soyadla məşhurlaşıb. Aydın Xırdalanlı 2001-ci ildə ANS telekanalının təşkil etdiyi "De, gəlsin" yarışmasının qalibi olub.

Şəxsi həyatı

Tarixi çox sevirdi.

Alkoqolnarkotikdən asılı vəziyyətə düşən meyxanaçı sağlamlığı ilə bağlı ciddı problemlərlə üzləşib.2013-cü ildə Azərbaycan saytlarından birinə verdiyi müsahibədən:

  Gənclərə bir tövsiyəm var ki, nəinki narkotika, hətta spirtli içkidən, siqaretdən də uzaq olsunlar.  

2017-cü ildə Baku.ws saytına verdiyi müsahibədən:

  Kaş əvvəlki vaxtlarıma qayıdaydım. 1995-ci ildə ağlı başında adam idim. Füzulinin kitablarını oxuyub ağlayırdım. Çoxlu mütaliə edirdim. Məsciddə namaz qılıb, Allaha dua edirdim. Allah dualarımı eşitdi və mənə şöhrət göndərdi. 2001-ci ildə namazı unudub, meyxana deməyə başladım. Kaş ki, o şöhrət heç məni tapmayaydı. Dəyişdim.  

Ölümü

Sənətkar həyatının son dövründə depressiyada olmuşdur.2018-ci ildə özəl xəstəxanaların birinə aparılan Aydın Xırdalanlıda müayinə zamanı qaraciyər sirrozu aşkarlanıb.

Qaraciyər sirrozundan əziyyət çəkən sənətkar, 2019-cu il martın 23-də Xırdalan şəhərində Şah İsmayıl Xətai ilə bağlı sənədli filminə baxaraq vəfat edib. Nəşi Xırdalanda yerləşən Cümə məscidinə gətirildikdən sonra izdihamla Xırdalan qəbiristanlığına dəfn olunub.

İstinadlar

  1. . news24.az. Arxivləşdirilib: saytından 24 mart 2019 tarixində. . İstifadə tarixi: 24 mart 2019.
  2. . kulis.az. . İstifadə tarixi: 24 mart 2019.
  3. . oxu.az. Arxivləşdirilib: saytından 24 mart 2019 tarixində. . İstifadə tarixi: 24 mart 2019.
  4. . www.aznews.az. . İstifadə tarixi: 23 mart 2019.
  5. . baku.ws. . İstifadə tarixi: 23 mart 2019.
  6. . big.az. . İstifadə tarixi: 23 mart 2019.

Xarici keçidlər

Mənbə — ""

Axtarilan Melumatlar

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2oo4-2o18