Aydın Süleymanlı (d. 22 mart 2005, Bakı, Azərbaycan) — azərbaycanlı şahmatçı, qrosmeyster (2021). Kişilər arasında Azərbaycan çempionu (2024), yeniyetmələr arasında dünya (14 yaş qrupunda) və ikiqat Avropa (8 yaşadək və 12 yaşadək) çempionu.
| Aydın Süleymanlı | |
|---|---|
 Aydın Süleymanlı 2023-cü ildə | |
| Ölkə |
 Azərbaycan |
| Doğum tarixi | |
| Doğum yeri | Bakı, Azərbaycan |
| Titulu | Qrosmeyster (2021) |
| Son reytinqi |
|
| Maksimal reytinqi | 2.637 (oktyabr 2024) |
| FİDE nömrəsi | 13413937 |
 Vikianbarda əlaqəli mediafayllar | |
Aydın Elşən oğlu Süleymanlı 2005-ci il martın 22-də Bakıda anadan olub.[2] 6 yaşında 249 nömrəli tam orta məktəbin birinci sinfinə gedib. 5 yaşından şahmatla məşğul olmağa başlayıb. İlk vaxtlar evlərinin yaxınlığındakı Xətai Rayon Mədəniyyət Mərkəzində şahmat məşğələlərinə qatılıb. Sonra valideynlərinin arzusu ilə Aydın Respublika İxtisaslaşdırılmış Olimpiya Ehtiyatları Uşaq-Gənclər Şahmat Məktəbində Xalid Atababayevdən şahmatın sirlərini dərindən öyrənməyə başlayıb.[2]
Aydın 6 yaşından başlayaraq beynəlxalq yarışlara qatılıb.[2] O, müxtəlif yaş kateqoriyalarında Azərbaycanı uşaq və yeniyetmələr arasında şahmat üzrə dünya və Avropa çempionatlarında təmsil etmişdir. 2013-cü ildə Monteneqronun Budva şəhərində keçirilmiş qitə birinciliyində 8 yaşlı şahmatçılar arasında birinci olub.[2] Həmin ilin dekabrında Birləşmiş Ərəb Əmirliklərinin Əl-Əyn şəhərində keçirilmiş şahmat üzrə dünya çempionatında eyni yaş kateqoriyasında üçüncü yeri tutub.[2]
2014-cü ilin noyabrında şahmatın blits və rapid növü üzrə keçirilmiş Avropa çempionatında bütün rəqiblərini üstələyərək həm blits, həm də rapiddə 10 yaşlı oğlanlar arasında birinci olub.[3]
2017-ci ildə Rumıniyanın Mamaya şəhərində təşkil olunmuş Avropa Çempionatında 9 oyundan 7 xal yarım yığmaqla 12 yaşlı oğlanlar arasında Avropa çempionu adını qazanıb.[4]
2019-cu ildə Hindistanın Mumbay şəhərində keçirilmiş dünya çempionatında 11 oyundan 9 xal yığmaqla 14 yaşlı oğlanlar arasında dünya çempionu olub.[5]
2019-cu ilin noyabr ayında Azərbaycanın gənclərdən ibarət şahmat üzrə yığma komandasının heyətində Türkiyənın Çorum şəhərində keçirilmiş 16 yaşadək şahmatçılar arasında Dünya Şahmat Olimpiadasının qalibi olub.[6]
_(1).jpg)
27 fevral 2020-ci ildə Moskvada "Aeroflot open" beynəlxalq şahmat festivalının A turnirində 9 turdan 6,5 xal toplayaraq festivalın qalibi olub.[7]
2023-cü ilin dekabrında 11 xal toplayaraq "Vüqar Həşimov Memorial-2023” superturnirinin rapid yarışlarının qalibi olub.[8]
2024-cü ilin aprel ayında həlledici görüşdə Məhəmməd Muradlını məğlub edərək kişilər arasında Azərbaycan çempionatının qalibi olub.[9][10]
Aydın Süleymanlı 2023-cü ilin yanvarında blokçeyn əsaslı şirkət ilə birlikdə şahmat sənayesində ilklərdən olan çoxillik NFT əməkdaşlığını açıqladı.[11]
- ↑ FİDE FIDE Standard Ratings as of July 2024. 2024.
- ↑ 1 2 3 4 5 "Sürətli şahmat üzrə 10 yaşlılar arasında Avropa çempionu". Anl.az. 19 oktyabr 2018 tarixində arxivləşdirilib.
- ↑ Yeniyetmələrimiz blits və rapid üzrə Avropa çempionatında 7 medal qazandılar // Dsport.az[ölü keçid]
- ↑ "European Youth Chess Championship 2017 Open U12 // Chess-results.com". 31 yanvar 2021 tarixində arxivləşdirilib. İstifadə tarixi: 18 oktyabr 2018.
- ↑ "Yeniyetmə şahmatçımız Aydın Süleymanlı dünya çempionu adını qazanıb // Azertag.az". 25 oktyabr 2019 tarixində arxivləşdirilib. İstifadə tarixi: 12 oktyabr 2019.
- ↑ "Azərbaycan Dünya Şahmat Olimpiadasının qalibi oldu". Trend.az. 18 noyabr 2019 tarixində arxivləşdirilib. İstifadə tarixi: 18 noyabr 2019.
- ↑ "Gənc azərbaycanlı şahmatçı "Aeroflot open" festivalının qalibi olub // Azertag.az". 14 mart 2020 tarixində arxivləşdirilib. İstifadə tarixi: 27 fevral 2020.
- ↑ ""Vüqar Həşimov Memorial-2023": Aydın Süleymanlı rapid yarışlarının qalibi oldu". 11 dekabr 2023 tarixində arxivləşdirilib. İstifadə tarixi: 11 dekabr 2023.
- ↑ "Aydın Süleymanlı Azərbaycan çempionu oldu". Day.az. İstifadə tarixi: 26 aprel 2024.
- ↑ "Aydın Süleymanlı: Uşaqlıqdan arzum Azərbaycan çempionu olmaq idi". Report.az. 27 aprel 2024 tarixində arxivləşdirilib. İstifadə tarixi: 27 aprel 2024.
- ↑ "SKAUT GM Aydın Süleymanlı ilə əməkdaşlıq elan edir". skaut.uk (az.). 6 aprel 2023 tarixində arxivləşdirilib. İstifadə tarixi: 4 yanvar 2022.
- FIDE Chess profili
- Aydin Suleymanli. Chess-DB.com[ölü keçid] (ing.)
- Aydin Suleymanli. Chessgames.com (ing.)
- Aydin Suleymanli. 365Chess.com (ing.)