Ayşə bint Hüseyn (ərəb. الأميرة عائشة بنت الحسين; 23 aprel 1968, Amman) — III İordaniya kralı I Hüseynin qızlarından biri.[1]
| Ayşə bint Hüseyn | |
|---|---|
| ərəb. آعائشة بنت حسين | |
 | |
| Şəxsi məlumatlar | |
| Doğum tarixi | 23 aprel 1968 (57 yaş) |
| Doğum yeri | |
| Fəaliyyəti | diplomat |
| Atası | Hüseyn ibn Təlal |
| Anası | Muna əl-Hüseyn (İordaniya kraliçası) |
| Ailəsi | Haşimilər |
| Təltifləri |
 |
 Vikianbarda əlaqəli mediafayllar | |
1968-ci ildə Ammanda əkiz bacısı Zeyn ilə birlikdə dünyaya gəldi. Atası İordaniya kralı I Hüseyn, anası isə onun ingilis əsilli ikinci xanımı kraliça Muna əl-Hüseyndir. İlk təhsilini İordaniyadakı Amerikan məktəbində aldı. Ardından ABŞ-a göndərildi və 10 il boyunca burada təhsilini davam etdirdi. 1986-cı ildə Birləşmiş krallıqda hərbi akademiyaya daxil oldu və ertəsi il zabit ünvanı aldı.[2] Bu akademiyaya daxil olan ilk Ön Asiyalı qadındır. Daha sonra Oksforddakı Pembrok Kollecində Ön Asiya tarixi və siyasəti ixtisası üzrə dərslər aldı. 2010-cu ildə Vaşinqtondakı Beynəlxalq Müdafiə Universitetində Strateji Təhülkəsizlik üzrə magistr dərəcəsi aldı.
İordaniya ordusunda general-mayor rütbəsinə yüksələn Ayşə bint Hüseyn Ön Asiyada profesional ilk qadın paraşütçüdür. Hal-hazırda İordaniyanın ABŞ səfirliyində müdafiə attaşesi olaraq fəaliyyət göstərir.[3]
İlk evliliyi 1990-cı ildə Zeyd Sadəddin Cüməylə baş tutdu. Cütlüyün bu nigahdan 2 övladı doğulsa da, 2006-cı ildə boşandılar. Oğlu Aun Cümə də özü kimi Birləşmiş Krallıqdakı hərbi akademiyada təhsil almaqdadır.
İkinci evliliyi isə 27 yanvar 2016-cı ildə əslən misirli olan Kanadalı biznesmen Əşrəf Banayotiylə baş tutdu.[4] Ancaq cəmi 6 ay sonra 2016-cı ilin iyulunda cütlük boşandı.[5]
- ↑ "Statement from the Royal Hashemite Court". rhc.jo (ingilis). 2023-06-01. 2023-06-01 tarixində arxivləşdirilib. İstifadə tarixi: 2024-12-28.
- ↑ Purepeople. "Aisha de Jordanie : A 47 ans, la princesse s'est remariée !". www.purepeople.com. 2016-01-28. 2024-12-28 tarixində arxivləşdirilib. İstifadə tarixi: 2024-12-28.
- ↑ "Muslims must fight extremists' ideology, Jordanian princess says | tbo.com". web.archive.org. 2018-08-18. Archived from the original on 2018-08-18. İstifadə tarixi: 2024-12-28.
- ↑ "Princess Aisha marries Ashraf Banayotti". Jordan Times (ingilis). 2016-01-27. 2016-06-01 tarixində arxivləşdirilib. İstifadə tarixi: 2024-12-28.
- ↑ "Princess Aisha, Edward Banayoti divorced". Jordan Times (ingilis). 2016-07-01. 2024-12-28 tarixində arxivləşdirilib. İstifadə tarixi: 2024-12-28.