Ayşə Zarakol (türk. Ayşe Zarakol; 1977, İstanbul) — Türkiyə akademiki, alimi və müəllifi. O, Kembric Universitetinin Siyasət və Beynəlxalq Araşdırmalar Departamentində beynəlxalq münasibətlər üzrə professor vəzifəsini tutur, eyni zamanda Emmanuil Kollecində siyasət üzrə tədqiqatçı kimi fəaliyyət göstərir və burada beynəlxalq siyasət fənnini tədris edir.[2][3][4]
| Ayşə Zarakol | |
|---|---|
| Doğum tarixi | 1977 (48–49 yaş) |
| Doğum yeri | |
| İş yerləri |
|
| Təhsili |
|
| Üzvlüyü | |
| web.archive.org/web/2025… | |
Ayşə Zarakol Türkiyənin İstanbul şəhərində böyümüşdür. O, ABŞ-nin Vermont ştatında yerləşən Middlberi Kollecində siyasi elmlər və klassik tədqiqatlar üzrə bakalavr dərəcəsi almışdır. Akademik fəaliyyətini Viskonsin–Medison Universitetində davam etdirərək siyasi elmlər üzrə magistr və doktorluq dərəcələrini əldə etmişdir. Təhsilini başa vurduqdan sonra Virciniya ştatında yerləşən Vaşinqton və Li Universitetində siyasət üzrə daimi ştat perspektivli assistent professor vəzifəsində çalışmışdır. Zarakol 2013-cü ildə Kembric Universitetinin və onun tabeliyində fəaliyyət göstərən Emmanuel Kollecinin üzvü olmuşdur.[5]
Ayşə Zarakolun tədqiqatları beynəlxalq sistemdə şərq–qərb münasibətləri, müasirlik və suverenlik problemləri, yüksələn və enişdə olan güclərin dinamikası, eləcə də beynəlxalq münasibətlər nəzəriyyəsinin əsasları üzərində cəmlənmişdir. Onun ilk monoqrafiyası olan "After Defeat: How the East Learned to Live with the West" 2011-ci ildə nəşr edilmiş və beynəlxalq müstəvidə məğlubiyyətə uğramış, Qərb dünyasına daxil olmayan güclərin qlobal nizama inteqrasiya olunması prosesini təhlil etmişdir.[6] Əsər 2012-ci ildə Koç Universiteti Nəşriyyatı tərəfindən türk dilində "Yenilgiden Sonra: Doğu Batı ile Yaşamayı Nasıl Öğrendi" adı ilə çap olunmuşdur.[7]
İkinci kitabı "Before the West: The Rise and Fall of Eastern World Orders" XIII–XVII əsrlər arasında mövcud olmuş Şərq dünya nizamlarını araşdırır və bu siyasi quruluşları müəyyən cəhətlərinə görə müasir beynəlxalq sistemlə müqayisə edir.[8] Əsər altı müxtəlif kitab mükafatına layiq görülmüşdür.[9] Zarakol sonradan qeyd etmişdir ki, Avrasiya məkanında imperiyalara fokuslanan geniş tarixi narrativ təqdim etməsi bəzi oxucular tərəfindən onun imperiyaları müdafiə edən və ya avrasiyapərəst mövqedə olduğu kimi yanlış təəssürat yarada biləcəyi ilə bağlı narahatlıqlar doğurmuşdur.[10]
Zarakolun elmi məqalələri "American Political Science Review", "International Organization", "International Affairs", "International Theory", "International Studies Quarterly", "European Journal of International Relations", "Review of International Studies" və "Cooperation & Conflict" kimi nüfuzlu jurnallarda dərc edilmişdir.[5]
O, 2023-cü ildə türkmənşəli alimlərin öz sahələrinə verdiyi töhfələri tanıyan Rahmi M. Koç Elm Medalı ilə təltif edilmişdir.[11][12] 2024-cü ildə həm Britaniya Akademiyasının,[13] həm də Avropa Akademiyasının həqiqi üzvü seçilmişdir.[14]
- ↑ 1 2 https://www.polis.cam.ac.uk/staff/professor-ayse-zarakol.
- ↑ "Professor Ayse Zarakol | Fellows & Researchers | Contact Us | About Us | Emmanuel College, Cambridge". www.emma.cam.ac.uk. İstifadə tarixi: 8 sentyabr 2024.
- ↑ "2024 Annual Lecture of the Yan P. Lin Centre - 'Is the Disorder of Our Times Unprecedented?' by Ayşe Zarakol". Yan P. Lin Centre: Freedom and Global Orders in the Ancient and Modern Worlds (ingilis). İstifadə tarixi: 8 sentyabr 2024.
- ↑ Tschiggfrie, Sarah. "W&L's Zarakol Wins International Fellowship from Council on Foreign Relations". The Columns (ingilis). 5 mart 2012. İstifadə tarixi: 8 sentyabr 2024.
- ↑ 1 2 "Professor Ayse Zarakol | Fellows & Researchers | Contact Us | About Us | Emmanuel College, Cambridge". www.emma.cam.ac.uk. İstifadə tarixi: 9 sentyabr 2024.
- ↑ Gyelnik, Teodor; Zarakol, Ayşe. "Review of Living in other worlds. After defeat: how the East learned to live with the West, ZarakolAyşe". International Issues & Slovak Foreign Policy Affairs. 21 (1–2). 2012: 93–95. ISSN 1337-5482.
- ↑ "Yenilgiden Sonra". KÜY (türk). İstifadə tarixi: 8 sentyabr 2024.
- ↑ "The world order before and after the West: A conversation with Ayse Zarakol". 2 noyabr 2022.
- ↑ "Prizes". ssha.org (ingilis). İstifadə tarixi: 8 sentyabr 2024.
- ↑ https://www.linkedin.com/pulse/before-west-review-george-gavrilis/
- ↑ Mason, D. "Professor Ayşe Zarakol is awarded the Rahmi M. Koç Medal of Science". www.polis.cam.ac.uk (ingilis). 29 noyabr 2023. İstifadə tarixi: 8 sentyabr 2024.
- ↑ "Ayşe Karakol ödülün sahibi oldu!". Sonsöz Gazetesi (türk). 29 noyabr 2023. İstifadə tarixi: 8 sentyabr 2024.
- ↑ "Professor Ayse Zarakol FBA".
- ↑ "Academy of Europe: Zarakol Ayşe". www.ae-info.org. İstifadə tarixi: 16 sentyabr 2024.