Axtarmaardı palçıq vulkanı — Azərbaycan Respublikası Hacıqabul şəhərindən 22 km şimal-qərbə, Axtarma-Paşalı palçıq vulkanından şimal-şərqə doğru 3.5 km məsafədə yerləşir.
| Axtarmaardı palçıq vulkanı | |
|---|---|
| Ümumi məlumatlar | |
| Növü | Palçıq vulkanı |
| Son püskürmə | 27 İyun 1990-cı il |
| Yerləşməsi | |
| Ölkə |
 Azərbaycan |
Axtarmaardı palçıq vulkanının nisbi hündürlüyü 150 m, palçıq vulkanı brekçiyasının sahəsi 1277 ha-dır. Vulkan 20 km məsafəyə qədər uzanan asimmetrik Kəlaməddin qırışığının cənub-şərq periklinalında yerləşir və Kəlaməddin-Kiçik Hərami qalxımlar zonasının qalxan hissələrini mürəkkəbləşdirən regional ox boyu uzanan pozulmalarla əlaqədardır. Qırışığın tağ hissəsi məhsuldar qat çöküntülərindən təşkil olunub. Layların yatım bucaqları qırışığın cənub-qərb qanadında 50-60 dərəcə (bəzi yerlərdə 90 dərəcəyə qədər), şimal-şərq qanadında isə 20-30-dərəcədir. Axtarmaardı palçıq vulkanı 1990-cı il 27 iyun tarixində püskürüb. Güclü yeraltı uğultu, sonra partlayış, qara tüstü, ardınca hündürlüyü 500 m olan alov müşahidı olunub. Alovun intensiv yanması səhərə qədər, zəifi -3 iyula qədər davam edib. Brekçiya 2 ha (diametri 160 m) sahəni örtüb. Yeni əmələ gələn örtüyün mərkəzinə, iki sahədə brekçiya güclü yanlb. Uzunluğu 500 m-ə qədər olan xətti çatlar əmələ gəlib. "Lapilli" müşahidə edilib.[1]
- ↑ "Dünya palçıq vulkanlarının atlası (2015)". səh: 87. 2024-03-13 tarixində arxivləşdirilib.