Avstraliya dumanı — Avstraliyada inkişaf etdirilən bir pişik cinsi. Bu cins Həbəşistan pişiyi, Birma pişiyi və Tabbi pişiyi arasında bir keçid olaraq yaradılmışdır. Avstraliya dumanı xüsusi və unikal kürk naxışına malikdir, bu da ona "duman" adının verilməsinə səbəb olmuşdur.[1][2]
| Avstraliya dumanı | ||||
|---|---|---|---|---|
 | ||||
| Elmi təsnifat | ||||
|
XƏTA: latin parametri doldurulmayıb. |
||||
| Beynəlxalq elmi adı | ||||
|
XƏTA HAQQINDA MƏLUMAT Bu parametr doldurulmayıb: latin |
||||
| ||||
Avstraliya dumanı cinsi 1977-ci ildə Avstraliyada Tryud Streyd tərəfindən inkişaf etdirilmişdir.[3] Cinsin ilkin gen hovuzu təxminən 30 təsisçi pişiyindən ibarət olub. Streyd Yeni Cənubi Uels Kral Kənd Təsərrüfatı Cəmiyyəti Pişik Klubu (RASCC) təşkilatına Birma pişiklərindən istifadə edərək mavi, qəhvəyi və şokolad rənglərini, Həbəşistan pişiyinin tüklənmə genindən istifadə edərək tebbi naxışlı kürk yaradılması üçün bir plan təqdim etmişdir. Cinsin ilk nəsli 1980-ci ilin may ayında "RASCC"nin eksperimental kateqoriyasına qəbul edilmiş, 1986-cı ilin aprelində isə "Spotted Mist" adı altında dördüncü nəsil qəbul edilmişdir. 1997-ci ilin iyununda isə "RASCC" və Varata Dölvət Pişik İttifaqı tərəfindən cinsin mərmərə bənzər növü qəbul edilmişdir. Yeni qəbul edilən bu növə görə, Avstraliya Pişik Şurası və Avstraliya Pişik Cəmiyyətinin qərarı ilə cinsin adı dəyişdirilmiş və yekdil qərarla "Avstraliya dumanı" adı seçilmişdir.[1][4] 1 yanvar 1999-cu ildə cins Yeni Zelandiya Pişik Cəmiyyəti, 2004-cü ilin avqust ayında isə Dünya Pişik Federasiyası tərəfindən tanınmışdır, lakin bu cins hələ də Dünya Pişik Federasiyası tərəfindən tanınmamışdır. Avstraliyadan kənarda yeni bir cins hesab olunduğu üçün sayları çox azdır, amma bəzi pişik yetişdirmə mərkəzlərində, Birləşmiş Krallıq və ABŞ-də mövcuddur. Eyni zamanda, bəzi pişiklər Norveçə ixrac olunmuşdur.[5]
Avstraliya dumanı orta ölçülü, qısa tükə sahib bir pişikdir. Başı yuvarlaq və orta ölçüdədir, burnu genişdir və iri, yaşıl gözləri var. Qulaqları orta böyüklükdədir və ucları yuvarlaqdır. Kürkü qısa və ya orta uzunluqda, çox hamardır və ipək kimi hiss olunur. Avstraliya dumanının kürk naxışları əsas rəng, naxışın özü və "mist" görünüşündən ibarətdir. Ayaqları və quyruğu zolaqlı və ya halqalı olur, üzündə və boynunda rəngli xətləri olan naxışlar var.[3]
Avstraliya dumanı pişiyində iki əsas kürk növü mövcuddur: orijinal növ olan "spotted coat" (ləkəli kürk) və "marbled coat" (mərmər kürk). Ləkəli kürk simmetrik şəkildə yerləşmiş fərqli ləkələrdən ibarət olur. Marmərli kürk isə üzərində tünd və açıq rəngli dönüklər və zolaqlardan ibarət olur. Hər iki növün alın hissəsində "M" şəklində "tabby" işarəsi və qara uclu quyruq olur. Bu cinsin əsas rəngləri arasında mavi, qəhvəyi, karamel, şokolad, darçın (qızılı), şaftalı rəngləri mövcuddur.[6]
- ↑ 1 2 "Australian Mist". Governing Council of the Cat Fancy. 4 January 2024 tarixində arxivləşdirilib. İstifadə tarixi: 4 January 2024.
- ↑ "A Short History". Australian Mist Breed Council. İstifadə tarixi: 4 January 2024.
- ↑ 1 2 "Australian Mist Breeding Policy" (PDF). Governing Council of the Cat Fancy. 4 January 2024 tarixində arxivləşdirilib (PDF). İstifadə tarixi: 4 January 2024.
- ↑ "About the breed". Australian Mist Breed Council. 2011-09-04 tarixində orijinalından arxivləşdirilib. İstifadə tarixi: 2012-05-21.
- ↑ "About the Breed". Silverado Mist. İstifadə tarixi: 10 January 2024.
- ↑ "Australian Mist Standard" (PDF). Governing Council of the Cat Fancy. 4 January 2024 tarixində arxivləşdirilib (PDF). İstifadə tarixi: 4 January 2024.