Avstraliya Open və ya Avstraliya Açıq (ing. Australian Open) – Avstraliyanın Melburn şəhərində keçirilən tennis turniri. Bu Böyük Dəbilqə seriyalı Tennis Turnirlərindən biridir. 1905-ci ildən keçirilir.
Turnir, əsasən, yanvar ayının ortalarında başlayır və iki həftə davam edir. Turnirdə kişilər və qadınlar həm tək, həm də cütlərlə yarışırlar. Ənənəvi olaraq kişilərin final qarşılaşması yanvar ayının son bazar günündə keçirilir. 1988-ci ildən yarış bərk kortda oynanılır. Turnirin ümumi pul mükafatı 96 milyon 500 min A$-dır (2025).
Avstraliya Open turniri mövsümün ilk yarışıdır. Bu yarışdan sonra ardıcıllıqla Roland Garros, Uimbldon və US Open kimi "Böyük Dəbilqə" turnirləri təşkil olunur.
- Turnirin təklərdə ən çox qalibi olan kişi tennisçi Novak Cokoviçdir (10 dəfə).
- 2025-ci ildə keçirilən turnirdə iştirakçı sayı 1 milyon 200 min nəfəri keçmişdi. Bu da Avstraliya Open turnirini ən çox izlənən "Böyük Dəbilqə" turniri etdi.