Ellenin üçüncü mahnısı (alm. Ellens dritter Gesang, həmçinin Ellens Gesang III, D. 839, Op. 52, No. 6, 1825) – avstriyalı bəstəkar Frans Şubert tərəfindən 1825-ci ildə bəstələnmişdir. Bu əsər Şubertin yeddi mahnıdan ibarət Op. 52 silsiləsinin bir hissəsidir. Bu mahnılar Valter Skottun 1810-cu ildə yazdığı məşhur epik-poetik əsəri "Göl qızı" (The Lady of the Lake) əsasında bəstələnib.
Bu mahnı Şubertin ən məşhur əsərlərindən biri hesab olunur. Əsər ilkin formada Ellenin Məryəm Anaya dualar oxuduğu nəğmə kimi bəstələnmişdir. Sonralar çox vaxt "Ave Maria" adı ilə ifa olunub. Bu ad latınca "Salam, Məryəm" duasının adıdır və nəğmənin ilk sözləridir. Bu əsər adətən musiqi baxımından sadələşdirilmiş aranjimanlarla və orijinal mətndən fərqli müxtəlif sözlərlə ifa olunmuş və səsyazmaları edilmişdir. Bu nəğmə dua xarakteri daşıyır və məzmunca Məryəm Anaya müraciəti ehtiva edir. Ferens List bu əsəri fortepiano üçün üç müxtəlif versiyada aranjiman etmişdir.[1]
- ↑ "Liszt and the Ave Maria : Interlude.hk". Interlude.hk. 8 December 2015. İstifadə tarixi: 27 July 2018.