Atom qarışqa — 1965-ci ildə Hanna-Barbera tərəfindən yaradılan cizgi film obrazı. Cizgi film 1990-cı və 2000-ci illərdə yenidən "Cartoon Network" və "Boomerang"da yayımlanmışdır.
| Atom Qarışqa | |
|---|---|
| Rejissor | |
| Yaradıcı | Vilyam Hanna[d] |
| Ölkə | |
| Dil | ingilis dili |
| Mövsümlərin sayı | 2 |
| Seriyaların sayı | 26 |
| Telekanal | NBC[d] |
| IMDb | ID0058789 |
Atom qarışqa kompüter və idman avadanlığı kimi əşyalarını yerləşdirdiyi yuvasında yaşayan super qəhrəman qarışqadır. Əsas qabiliyyətləri uçmaq, süper sürət, inanılmaz güc və dözümlülükdür. "Yuxarıya, Atom Qarışqa" onun şüarıdır.[1] O, ona tapşırıqlar verən polis rəisiylə tez-tez əlaqə saxlayır. Başlanğıcda Hovard Morris tərəfindən, daha sonrakı bölümlərdə isə Don Messik tərəfindən səsləndirilmişdir.[2]
Atom Qarışqanın bəzi missiyaları Betmenin missiyalarını parodiya edir. Polislər əksər polis işlərini tez-tez Atom Qarışqaya həvalə etdiklərindən izləyicilərə bacarıqsız və yetərsiz olaraq təqdim olunurlar.
Atom qarışqa, macəralarında dəli professor Von Qimmik, Vəhşi Birə (o da Don Messik tərəfindən səsləndirilmişdir) və s. kimi təkrarlanan mənfi personajlarla mübarizə aparır.
- Hovard Morris — Atom Qarışqa (1-ci sezonda) və Maskıl boss rolunda;
- Don Messik — Atom Qarışqa (2-ci sezonda), Vəhşi Birə, Cənab Muto və aparıcı rollarında;
- Con Stefenson — aparıcı;
- Allan Melvin — Maskıl, əlavə səslər;
- Ted Kassidi — açılış spikeri.[3]
- ↑ Rovin, Jeff (1991). The Illustrated Encyclopedia of Cartoon Animals. Prentice Hall Press. p. 10.
- ↑ Woolery, George W. (1983). Children's Television: The First Thirty-Five Years, 1946–1981. Scarecrow Press. pp. 27–29.
- ↑ ""The Atom Ant Show (TV Series 1965–1968) — IMDb". IMDb". 2021-12-06 tarixində arxivləşdirilib. İstifadə tarixi: 2021-12-04.