Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAtabəy Şahmur oğlu Cahangirov (7 iyul 1951, Novruzlu, Saatlı rayonu – 5 fevral 2022) — Azərbaycan ictimai-siyasi xadimi, Saatlı Rayon İcra Hakimiyyətinin başçısı (1991–1992), Saatlı Rayon Sovetinin sədri (1991), Azərbaycan Kommunist Partiyası Saatlı Rayon Komitəsinin birinci katibi (1987–1991).
| Atabəy Cahangirov | |
|---|---|
| oktyabr 1991 – 28 iyul 1992 | |
| Əvvəlki | vəzifə təsis edilib |
| Sonrakı | Mikayıl Hümbətov |
  | |
| sentyabr 1991 – oktyabr 1991 | |
| 1987 – sentyabr 1991 | |
| Əvvəlki | Almas Hacıyeva |
| Sonrakı | vəzifə ləğv edilib |
| Şəxsi məlumatlar | |
| Doğum tarixi | 7 iyul 1951 |
| Doğum yeri | |
| Vəfat tarixi | 5 fevral 2022 (70 yaşında) |
| Təhsili | |
.svg){kind=small}
Atabəy Şahmur oğlu Cahangirov 7 iyul 1951-ci ildə Saatlı rayonunun Novruzlu kəndində anadan olmuşdur. Azərbaycan Kənd Təsərrüfatı İnstitutunu bitirmiş, əmək fəaliyyətinə 1970-ci ildə Nəriman Nərimanov adına kolxozda aqronom kimi başlamışdır. Bu vəzifədə 1975-ci ilə qədər işləmiş, eyni zamanda kolxozun ilk komsomol təşkilatının katibi olmuşdur. Azərbaycan LKGİ Saatlı Rayon Komitəsinin ikinci, sonra isə birinci katibi vəzifələrinə seçilmişdir.[1]
Atabəy Cahangirov 1975–1981-ci illərdə Azərbaycan LKGİ Saatlı Rayon Komitəsində işləmişdir. 1981–1987-ci illərdə Azərbaycan Kommunist Partiyası Saatlı Rayon Komitəsinin katibi olmuş, 1987-ci ildə həmin komitənin birinci katibi seçilmişdir. Saatlı Rayon Sovetinin sədri olmuş, Saatlı Rayon İcra Hakimiyyətinin başçısı vəzifəsində çalışmışdır.[1] 28 iyul 1992-ci ildə vəzifəsindən azad edilmişdir.[2]
Atabəy Cahangirov Azərbaycan Ali Sovetinin XII çağırış deputatı seçilmiş, Ekologiya və təbii ehtiyatlardan istifadə olunmasına nəzarət komissiyasının, sonra isə Milli siyasət və millətlərarası münasibət məsələləri komissiyasının üzvü olmuşdur.[3]
Atabəy Cahangirov 5 fevral 2022-ci ildə vəfat etmişdir. Kardioloq Tofiq Cahangirovun qardaşı idi.[1]
- ↑ 1 2 3 "Sabiq icra başçısı vəfat etdi". milli.az. 5 fevral 2022. 25 iyul 2023 tarixində arxivləşdirilib. İstifadə tarixi: 25 iyul 2023.
- ↑ "M. M. Hümbətovun Saatlı rayonu İcra hakimiyyətinin başçısı təyin edilməsi və A. Ş. Cahangirovun həmin vəzifədən azad edilməsi haqqında Azərbaycan Respublikası Prezidentinin Fərmanı". e-qanun.az. 28 iyul 1992. 25 iyul 2023 tarixində arxivləşdirilib. İstifadə tarixi: 25 iyul 2023.
- ↑ "Azərbaycan Respublikası Ali Sovetinin bir sıra daimi komissiyalarının tərkibində dəyişikliklər edilməsi haqqında Azərbaycan Respublikası Ali Sovetinin Qərarı". e-qanun.az. 25 may 1991. İstifadə tarixi: 25 iyul 2023.[ölü keçid]