Asphinctopone qarışqası — Ponerinae yarımfəsiləsinə aid olan nadir rast gəlinən Afrika tropik qarışqalar nəsli. 3 növü var və Afrika üçün endemikdir.[2][3]
| Asphinctopone | ||||||||||
|---|---|---|---|---|---|---|---|---|---|---|
 | ||||||||||
| Elmi təsnifat | ||||||||||
|
XƏTA: parent və rang parametrlərini doldurmaq lazımdır. ???: Asphinctopone |
||||||||||
| Beynəlxalq elmi adı | ||||||||||
|
||||||||||
| ||||||||||
Asphinctopone qarışqalarının üç növü Qərbi və Mərkəzi Afrikanın rütubətli meşə zonalarından və Tanzaniyanın Kilindi Meşə Qoruğundan məlumdur.[4] Asphinctopone növlərinə çox nadir hallarda rast gəlini. Bu nəsil üzvlərinin həqiqətən nadir olmasından, yoxsa gizli və bəlkə də dərin yeraltı həyat tərzi sürməsindən irəli gəlir, bu hələ də məlum deyil. Nümunələr nadir hallarda tapılır və əksər hallarda yalnız bir və ya iki işçi fərddən ibarət olur. Qanada aparılmış bir araşdırmada 43,824 fərd qarışqa qeydə alınıb. Bunlardan yalnız 5-i (təxminən 0.01%) Asphinctopone növünə aiddir. Buna baxmayaraq, bu nəsil rütubətli meşə zonalarında yarpaq tullantılarında, üst torpaq qatlarında, çürümüş ağac parçalarında və meşə döşəməsində çürüyən bitkilərdə geniş yayılıb.[3] Bir işçi fərd düşmüş və tərk edilmiş termit yuvasında yemək axtararkən tapılıb. Bunun xaricində onun biologiyası haqqında heç nə məlum deyil. İxtisaslaşmış morfologiyası, onun müəyyən bir ov növünə ixtisaslaşdığını göstərir, lakin onun qurbanları hələ də məlum deyil.[3]
Bu nəsil ilk dəfə Santschi (1914) tərəfindən tək bir növlə (A. silvestrii) təsvir edilib. Sonra daha iki növ təsvir olunub, A. lucidus (Weber 1949) və A. lamottei (Bernard 1953). A. lamottei ilk dəfə Bernard tərəfindən yeni bir nəsil olan Lepidopone-ə aid edilib. Lakin daha sonra Braun (1953) tərəfindən Asphinctopone nəsilinə yerləşdirilib. Nəsil üzərində son tədqiqatlarda Bolton və Fişer (2008) əvvəllər təsvir edilmiş üç növü sinonimləşdirmiş və bir əlavə növ təsvir ediblər. Beləliklə, təsvir edilən növlərin sayı iki olub. Bunlardan A. differens (Bolton və Fişer 2008) yalnız holotip nümunəsi ilə (Mərkəzi Afrika Respublikasından toplanıb) tanınır, A. silvestrii (indi A. lucidus və A. lamottei daxil olmaqla) isə Qərbi və Mərkəzi Afrikada bir neçə dəfə qeydə alınıb. Üçüncü növ, A. pilosa, Havkes (2010) tərəfindən Tanzaniyanın Kilindi Meşə Qoruğundan (Kilindi rayonu) toplanıb tək bir nümunə əsasında təsvir edilib.[5]
- Asphinctopone differens Bolton & Fisher, 2008
- Asphinctopone pilosa Hawkes, 2010
- Asphinctopone silvestrii Santschi, 1914
- ↑ Integrated Taxonomic Information System (ing.). 2001.
- ↑ Bolton, B. & Fisher, B.L. 2008. The Afrotropical ponerine ant genus Asphinctopone Santschi. — en:Zootaxa 1827: 53-61.
- ↑ 1 2 3 Bolton B. Synopsis and classification of Formicidae. // Mem. Am. Entomol. Inst . 71 (ingilis). Gainesville, FL: American Entomological Institute. 2003. 1–370. ISBN 1-887988-15-7.
- ↑ Hawkes, P. G. 2010. A new species of Asphinctopone (Hymenoptera: Formicidae: Ponerinae) from Tanzania. Zootaxa. 2480:27-36.
- ↑ Schmidt, C. A.; Shattuck, S. O. The Higher Classification of the Ant Subfamily Ponerinae (Hymenoptera: Formicidae), with a Review of Ponerine Ecology and Behavior // Zootaxa . 3817(1) (Журнал) (ingilis). Auckland, New Zealand: Magnolia Press. 2014. ISSN 1175-5326. 2014-11-14 tarixində arxivləşdirilib.
- Bolton B. Synopsis and classification of Formicidae. // Mem. Am. Entomol. Inst . 71 (ingilis). Gainesville, FL: American Entomological Institute. 2003. 1–370. ISBN 1-887988-15-7.
