Aslan Hüseynov (dövlət xadimi)
Aslan Ağahüseyn oğlu Hüseynov (7 noyabr 1916 – 19 avqust 1991) — Azərbaycan SSR-in dövlət, siyasi və təsərrüfat xadimi, Salyan və Yardımlı Rayon Partiya Komitəsinin birinci katibi, Azərbaycan Kommunist Partiyası Naxçıvan Vilayət Komitəsinin 1-ci katibi.[1] (1970–1975), SSRİ Ali Sovetinin VII, VIII və IX çağırış, Azərbaycan SSR Ali Sovetinin VI və X çağırış deputatı.
| Aslan Hüseynov | |||||||
|---|---|---|---|---|---|---|---|
 | |||||||
|
|||||||
| Sələfi | Hacıağa İbrahimov | ||||||
| Xələfi | Kamran Rəhimov | ||||||
|
|||||||
|
|||||||
| Şəxsi məlumatlar | |||||||
| Doğum tarixi | 7 noyabr 1916 | ||||||
| Vəfat tarixi | 19 avqust 1991 (74 yaşında) | ||||||
| Partiya | |||||||
| Təhsili | |||||||
| Hərbi xidmət | |||||||
| Rütbəsi | podpolkovnik[d] | ||||||
|
|
|||||||
| Təltifləri |
        |
||||||
.svg){kind=small}
Həyatı
Aslan Hüseynov 1916-cı ildə fəhlə ailəsində anadan olmuşdur. Azərbaycan Politexnik İnstitutunda təhsil almışdır.
1931–1947-ci illərdə Salyan Rayon Prokurorluğunun nəzarət komitəsinin katibi, Salyan Rayon Xalq Deputatları Soveti İcraiyyə Komitəsinin məsul katibi olmuş, Sov.İKP yanında Ali Partiya Məktəbində təhsil almış və Sovet Ordusunda xidmət etmişdir.
1947–1949-cu illərdə Azərbaycan Kommunist Partiyası Salyan Rayon Komitəsinin inspektoru, şöbə müdiri, tikinti-quraşdırma təşkilatlarının siyasi şöbə rəisinin müavini və rəisi olmuşdur.
Siyasi fəaliyyəti
1957-ci ildə Azərbaycan Kommunist Partiyası Salyan Rayon Komitəsinin birinci katibi təyin olunmuşdur. 1961-ci ildə isə Azərbaycan Kommunist Partiyası Salyan Rayon Komitəsinin birinci katibi seçilmişdir. 1970-ci ildə isə Azərbaycan Kommunist Partiyası Naxçıvan Vilayət Komitəsinin birinci katibi təyin olunmuşdur.
Aslan Hüseynov 1976–1980-ci illərdə Azərbaycan Kommunist Partiyası Mərkəzi Komitəsinin yanında partiya komissiyasının sədri olmuşdur.
Aslan Hüseynov SSRİ Ali Sovetinin VII, VIII, IX və Azərbaycan SSR Ali Sovetinin VI, X çağırışlarının deputatı olmuşdur.
Mükafatları
- II dərəcəli "Vətən müharibəsi" ordeni (1944).
- "Qırmızı Ulduz" ordeni (1944).
- I dərəcəli "Vətən müharibəsi" ordeni (1945).
- "1941-1945-ci illər Böyük Vətən müharibəsində Almaniya üzərində qələbəyə görə" medalı (1945).
- "Belqradın azad edilməsinə görə" medalı (1945).
- "Vyananın alınmasına görə" medalı (1945).
- Lenin ordeni (1966)[2].
Mənbə
- Аслан Ағаһүсејн оғлу Һүсејнов // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 420.
İstinadlar
- ↑ "Нахичеванский областной комитет КП(б) - КП Азербайджана" ( (rus.)). knowbysight.info. İstifadə tarixi: 16 may 2018.
- ↑ SSRİ Ali Sovetinin 30 aprel 1966-cı il tarixli fərmanı