Bu məqalənin ensiklopedik tələblərə cavab vermədiyinə dair şübhələr var. |
Bu məqalədə heç bir məlumatın mənbəsi göstərilməmişdir. |
Asim Qazıyev (Qazıyev Asim İsa oğlu 10 may 1926, Samux rayonu - 19 fevral 1999, Gəncə) — şair, pedaqoq
| Asim Qazıyev | |
|---|---|
| Asim Qazıyev | |
| Doğum tarixi | |
| Doğum yeri | Samux rayonu, Azərbaycan SSR |
| Vəfat tarixi | |
| Vəfat yeri | Gəncə şəhəri, Azərbaycan |
| Dəfn yeri | Səbzikar qəbiristanlığı |
| Vətəndaşlığı | Azərbaycan SSR |
Asim Qazıyev 1926-cı il 10 may tarixində Samux rayonunda anadan olub. Kirovabad (Gəncə) 3 nömrəli Tibb məktəbində (indi Gəncə Tibb Kolleci) oxuyub. 1946-cı ildə Həsən bəy Zərdabi adına Kirovabad Dövlət Pedaqoji İnstitutuna (indi Gəncə Dövlət Universiteti) daxil olub, 1950-ci ildə dil-ədəbiyyat ixtisası üzrə tam kursu bitirib. Bununla bağlı B No 813131 nömrəli diplom təqdim edilib.
Müəllimlik arzusu onu doğma Samux rayonuna qaytarıb, orta məktəbə direktor təyin olunub. 1954-cü ildə Mingəçevir Su Anbarının tikintisi ilə əlaqədar Samuxun bir neçə kəndi Bərdə rayonuna köçürülüb.
Asim Qazıyev fəaliyyətini Bərdənin Leninabad (Samux) kəndində davam etdirib. Çiy kərpicdən, sonra ağ daşdan məktəb binası tikdirib. Qabaqcıl məktəb direktoru, ictimaiyyətçi, el ağsaqqalı, şair kimi tanınıb, sevilib. 1960-cı ildə maarif naziri Mehdi Mehdizadənin imzası ilə Azərbaycan SSR Maarif Nazirliyinin 822 nömrəli vəsiqəsi ilə “Qabaqcıl maarif xadimi” döş nişanına layiq görülüb.
Azərbaycan SSR Maarif Nazirliyinin 11 avqust 1988-ci il tarixli 174 nömrəli əmri ilə 1354 nömrəli vəsiqə ilə “Metodist müəllim” adı verilib.
1990-cı ildə səhhəti ilə əlaqədar təqaüdə çıxıb və Gəncə şəhərinə köçüb.
1999-cu il fevral ayının 19-da vəfat edib. Gəncədə "Səbzikar qəbiristanlığı"nda dəfn olunub.
14 yaşından şeir yazmağa başlayıb. Özünə Asim Sevdalı təxəllüsü götürüb [1]. Tələbəlik illərində institutda ədəbiyyat dərnəyinə rəhbərlik edib. İlk dəfə “Mənim yurdum” adlı şeri 1948-ci ildə “Ədəbiyyat qəzeti”ndə çap olunub. [2]
Azərbaycan Yazıçılar İttifaqının (AYB) Kirovabad (Gəncə) filialının üzvü olub. [1] [3]
1996-cı ildə Asim Sevdalının “Qələmin qüdrəti yaz, deyir mənə” adlı şer kitabı [1] nəşr olunub. Asim Qazıyev xalq artisti, bəstəkar və dirijor Nəriman Əzimovun bəstələdiyi sevilən “Gözəl Gəncəmiz” və "Ümid çırağı" ("Könül sevinci") “adlı mahnıların mətninin müəllifidir. [4]
2016-cı il may ayında 90 illik yubileyi münasibətilə şairin "Xeyli sözüm var" adlı şeir kitabı çapdan çıxıb. [1]
2018-ci ildə "Ürəkdən soruş" adlı üçüncü şeir kitabı [1]nəşr olunub.
2024-cü ildə nəşr edilmiş "Sevdalı dünyamız" adlı ədəbi-bədii, elmi-publisistik məcmuədə şair Asim Qazıyevin də həyat və yaradıcılığından söz açılıb, onun şeirlərinin bəzisi kitabda dərc edilib [5] . Həmin ildə İstanbulda nəşr edilmiş "Şam işığı" adlı ədəbi məcmuənin 5-ci nömrəsində də Asim Qazıyevin şeirləri yer alıb. [2] [6]
2024-cü ildə nəşr edilmiş "Müəllimlərimiz" adlı ədəbi-bədii, elmi-publisistik məcmuənin 3-cü nömrəsində şair Asim Qazıyevin şeirlərinin bir qismi dərc olunub. [7]
2024-cü ildə professor M.Çobanov adına Xeyriyyə Fondunun nəşr etdirdiyi "Qəlbimin səsi" adlı ədəbi-bədii, elmi-publisistik məcmuədə də şair Asim Qazıyevin şeirlərinin bir qismi dərc edilib. [3] [8]
Asim Qazıyevin şeirləri onu tanımadan yaradıcılığına dəyər verən müxtəlif şəxslər tərəfindən səsləndirilmiş, sosial şəbəkələrdə yayılmışdır. [9] [10] [11] [12] [13] [14] [15] [16]
Asim Qazıyev 1949-cu ildə qrup yoldaşı Fəridə Əzimova ilə ailə həyatı qurub. Bir oğlu, üç qızları var. Oğlu və bir qızı həkim, bir qızı müəllim, o biri jurnalistdir. Fəridə xanım 2004-cü ildə vəfat edib.
- ↑ 1 2 3 4 "Şairin xatirəsi – VİP Media" (az.). İstifadə tarixi: 5 dekabr 2025.
- ↑ "GİLƏ DƏRYA (BAYRAMOVA) (1959)". Elm.info.Az | "ELM" İnformasiya Mərkəzi (rus). İstifadə tarixi: 5 dekabr 2025.
- ↑ ""PROFESSOR MƏDƏD ÇOBANOV ADINA XEYRİYYƏ FONDU"". ZiM.Az | "ZİYA" İnformasiya Mərkəzi (rus). 13 yanvar 2025 tarixində arxivləşdirilib. İstifadə tarixi: 5 dekabr 2025.