Asifa Axtar

Asifa Axtar (19 fevral 1971, Kəraçi^[1]) — 1993-cü ildə London Universitet Kollecində (UCL) biologiya üzrə bakalavr dərəcəsini və 1998-ci ildə Londonda İmperator Xərçəng Araşdırma Fondunda Riçard Treysmanın laboratoriyasında transkripsiya tənzimləməsini öyrənərək fəlsəfə doktoru dərəcəsini alıb. O, 2001-ci ilə qədər Avropa Molekulyar Biologiya Laboratoriyasında (EMBL), Heydelberq, Almaniya və Adolf Butenandt İnstitutunda, Münhen, Almaniyada, Peter Beckerin laboratoriyasında postdoktorluq işçisi kimi xromatinin tənzimlənməsi sahəsində işini davam etdirmişdir. 2001-ci ildən EMBL-də qrup rəhbəri kimi öz tədqiqatlarına rəhbərlik etmişdir. 2009-cu ildə onun laboratoriyası Almaniyanın Freiburq şəhərində Maks Plank adına İmmunobiologiya və Epigenetika İnstitutuna köçdü. O, hazırda Maks Plank İmmunobiologiya və Epigenetika İnstitutunun idarəedici direktorudur və Xromatinin Tənzimlənməsi Bölməsinə rəhbərlik edir. Onun laboratoriyası əsasən X xromosomunun Drosophila melanogasterdə doza kompensasiyası fenomeni ilə tənzimlənməsinə xüsusi diqqət yetirməklə xromatin və epigenetik mexanizmləri öyrənir. 2008-ci ildə bu sahəyə verdiyi mühüm töhfəyə görə Avropa Həyat Elmləri Təşkilatının (ELSO) Mükafatını layiq görülmüş və 2013-cü ildə EMBO Təqaüdçüsü seçilmişdi.