Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAsif Məhəmmədhənifə oğlu Sayadov (1 iyun 1977, İlisu, Qax rayonu) — Şərq döyüş növləri üzrə Respublikanın Əməkdar məşqçisi,[1] Azərbaycan Vin Çun döyüş sənəti Federasiyasının prezidenti,[2] Vinq Çun döyüş sənətinin ölkəmizdəki yaradıcısı, Beynəlxalq Samuel Kvok Vinq Çun assosiasiyasının (SMKMAA)[3] və həmçinin Dünya Vinq Çun Birliyinin (WWCU) Azərbaycanda rəsmi nümayəndəsi,[4] 5 qat dünya çempionu,[5][6] 2023-cü ildən etibarən Azərbaycan Çin Döyüş Növləri Assosiasiyasının prezidentidir.
| Asif Sayadov | |
|---|---|
| azərb. Asif Məhəmmədhənifə oğlu Sayadov | |
 | |
| Şəxsi məlumatlar | |
| Tam adı | Asif Məhəmmədhənifə oğlu Sayadov |
| Vətəndaşlığı | |
| Milliyəti | azərbaycanlı |
| Doğum tarixi | 1 iyun 1977 (48 yaş) |
| Doğum yeri | |
| Təhsili |
|
| İdman növü | Vin Çun |
| Karyera illəri | 1995-indi |
| İdman dərəcəsi | dünya çempionu |
Asif Sayadov 1977-ci ildə Qax rayonunun İlisu kəndində doğulmuşdur. Orta təhsilini VII sinfə qədər Nizami adına İlisu kənd orta məktəbində və sonrakı illəri Qax rayon Olimpiya idman məktəbində (sərbəst güləş növü üzrə) davam etdirmiş. 1999-cu ildə isə Bakı Biznes Universitetinin iqtisadiyyatın hüquqi tənzimlənməsi fakültəsini bitirmişdir. 2002–2003-cü illərdə hərbi xidməti başa vurduqdan sonra 2014-cü ildə ikinci ali məktəbi — Azərbaycan Dövlət Bədən Tərbiyəsi və İdman Akademiyasını bitirmişdir.
Ailəlidir, 2 övladı var.
Hələ uşaq yaşlarından idmanın karate, boks, sambo, sərbəst güləş və kikboksinq növləri ilə məşğul olmuş və tələbəlik illəri dövründən (1995–1996) başlayaraq Azərbaycan Kunq Fu federasiyasında təlim məşqlərinə başlamışdır. 2000-ci ildən etibarən beynəlxalq yarışlarda ölkəmizi həm peşəkar idmançı kimi həm də məşqçi kimi təmsil etmişdir. Asif Sayadovun onlarla tələbəsi Avropa və dünya çempionatlarının qalibləri, mükafatçıları olmuşdur. Onun rəhbərliyi altında 2004-2008-2009-2012-2015-2019-cu illərdə yetirmələri müxtəlif Avropa və dünya çempionatlarında böyük uğurlar qazanıblar.[7][8]
2007–2008-ci illərdə Vinq Çun üzrə dünyaca məşhur "Canlı Əfsanə" titullu çinli Böyük Usta Samuel Kvokdan vinq çun dərsləri almış və bu döyüş sənətinin sirlərinə dərindən yiyələnmişdir.[9]
2008-ci ildə Beynəlxalq Vinq Çun Assosiasiyasına Azərbaycan üzrə səlahiyyətli nümayəndə seçilərək, Vinq Çun döyüş sənətini rəsmi olaraq ölkəmizə gətirmiş və bu döyüş sənətinin ölkəmizdə tanınmasında və inkişafında böyük əməyi olmuşdur. 2008-cil ildə "Azərbaycan Vinq Çun İdman Klubu MMC" təsis etmişdir.[10] 2011-ci ildə Çində, Şərq döyüş növlərinin məkanı sayılan "Şaolin məbədi"ində təlim məşq-seminarı keçərək "Usta" dərəcəsini almışdır.[11]
2012-ci ildə Portuqaliyada döyüş növləri üzrə keçirilən beynəlxalq ustalıq seminarında iştirak etmişdir.
2014 və 2018-ci illərdə Beynəlxalq Vinq Çun Assosiasiyasının prezidenti, dünyaca məşhur "Canlı Əfsanə" titullu Çinli Usta Samuel Kvoku ölkəmizə dəvət edərək Bakı şəhərində vinq çun döyüş sənəti üzrə beynəlxalq seminarlarını təşkil etmişdir.[12][13][14][15]
- 1996–2002-ci illərədə Kunq fu üzrə dəfələrlə Azərbaycan çempionu və mükafatçısı.
- 2003-cü ildə İtaliyanın Peruca şəhərində Kunq fu üzrə keçirilən dünya kubokunda 2-ci yer.
- 2003-cü ildə İranın Tehran şəhərində Kunq fu üzrə keçirilən dünya çempionatında 1-ci yer.
- 2004-cü ildə İtaliyanın Peruca şəhərində Kunq fu üzrə keçirilən dünya çempionatında 1-ci yer.
- 2009-cu ildə Misirin Hurqada şəhərində qarışıq döyüş növləri üzrə keçirilən dünya çempionatında 1-ci yer.
- 2011-ci ildə Azərbaycan Respublikası Gənclər və İdman Nazirliyinin qərarı ilə Şərq döyüş növləri üzrə "Respublikanın Əməkdar Məşqçisi" adını almışdır.[1]
- 2015-ci ildə Almaniyada təşkil olnmuş döyüş növləri üzrə Beynəlxalq Seminarda "İlin Ustası" adına layiq görülmüşdür.
- 2016-cı ildə Rusiyanın Moskva şəhərində Vinq Çun üzrə dünya çempionatında "36-yaşdan yuxarı ustalar arasında" 1-ci yer.[16]
- 2019-cu ildə Çinin Foşan şəhərində Vinq Çun üzrə keçirilən dünya çempionatında "36-yaşdan yuxarı ustalar arasında" 1-ci yer.[5]
- ↑ 1 2 "İdman mütəxəssislərinə fəxri adlar verildi". 14 fevral 2023 tarixində arxivləşdirilib. İstifadə tarixi: 14 fevral 2023.
- ↑ "Azərbaycan Vinq Çun döyüş sənəti Federasiyası". 13 fevral 2023 tarixində arxivləşdirilib. İstifadə tarixi: 14 fevral 2023.
- ↑ "AZERBAIJAN/Azerbaijan Wing Chun Federation/Master Asif Sayadov". 29 noyabr 2022 tarixində arxivləşdirilib. İstifadə tarixi: 14 fevral 2023.
- ↑ ""WING CHUN" DÖYÜŞ SƏNƏTİNİN AZƏRBAYCANDA İNKİŞAF TARİXİ". 13 fevral 2023 tarixində arxivləşdirilib. İstifadə tarixi: 28 yanvar 2021.
- ↑ 1 2 Azərbaycan idmançıları vinq-çun üzrə dünya çempionatında 3 qızıl və 3 gümüş medal qazanıblar
- ↑ "Əməkdar məşqçi Asif Sayadov: "İdmanla məşğul olanların təhsildə geri qalmaları ilə bağlı deyilənlərlə razi deyiləm"". 14 fevral 2023 tarixində arxivləşdirilib. İstifadə tarixi: 14 fevral 2023.
- ↑ "Asif Sayadov: "Federasiyanın məqsədi gənc nəslin sağlam və vətənpərvər ruhda böyüməsini təmin etməkdir"". 13 fevral 2023 tarixində arxivləşdirilib. İstifadə tarixi: 16 fevral 2023.
- ↑ "Azərbaycanın idmançıları Dünya Çempionatında 1-ci oldu". 27 fevral 2023 tarixində arxivləşdirilib. İstifadə tarixi: 27 fevral 2023.
- ↑ "Asif Sayadov: "Məşhur aktyor Stiven Siqalın zəngini açanda çox təəccübləndim"— MÜSAHİBƏ". 13 fevral 2023 tarixində arxivləşdirilib. İstifadə tarixi: 16 fevral 2023.
- ↑ "Vin Çun Azərbaycanda". 17 fevral 2023 tarixində arxivləşdirilib. İstifadə tarixi: 17 fevral 2023.
- ↑ "Azərbaycan Vinq Çun Döyüs Sənəti Federasiyası fəaliyyətə başlayıb". 23 avqust 2019 tarixində arxivləşdirilib. İstifadə tarixi: 17 fevral 2023.
- ↑ "Azerbaijan Wing Chun Kung Fu Lessons". 10 fevral 2023 tarixində arxivləşdirilib. İstifadə tarixi: 16 fevral 2023.
- ↑ < Bakıda qrandmaster Samuel Kvok iştirakı ilə seminar keçirildi [ölü keçid]
- ↑ "Stiven Siqal Azərbaycan Vin Çun Federasiyasının prezidenti Asif Sayadovla görüşüb". 21 fevral 2023 tarixində arxivləşdirilib. İstifadə tarixi: 21 fevral 2023.
- ↑ "Döyüş əfsanələrinin növbəti dayanacağı Bakı olacaq". 21 fevral 2023 tarixində arxivləşdirilib. İstifadə tarixi: 21 fevral 2023.
- ↑ "Azərbaycan idmançıları Dünya çempionatında uğurla çıxış edib". 21 fevral 2023 tarixində arxivləşdirilib. İstifadə tarixi: 21 fevral 2023.