Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinArtur Rasizadə
Artur Tahir oğlu Rasizadə (26 fevral 1935, Kirovabad) — Azərbaycan siyasi və dövlət xadimi, Azərbaycan Respublikasının Baş naziri (1996–2003, 2003–2018).
| Artur Rasizadə | |
|---|---|
 | |
| 4 noyabr 2003 – 21 aprel 2018 (i. e. 31 oktyabr – 4 noyabr 2003) | |
| Prezident | İlham Əliyev |
| Əvvəlki | İlham Əliyev |
| Sonrakı | Novruz Məmmədov |
| 26 noyabr 1996 – 4 avqust 2003 | |
| Əvvəlki | Fuad Quliyev |
| Sonrakı | İlham Əliyev |
| 4 avqust 2003 – 4 noyabr 2003 | |
| Baş nazir | İlham Əliyev |
| 3 may 1996 – 26 noyabr 1996 | |
| Baş nazir | Fuad Quliyev |
| 22 may 1991 – 16 may 1992 | |
| Baş nazir | Həsən Həsənov Feyruz Mustafayev (i. e.) |
| 15 fevral 1996 – 25 noyabr 1996 | |
| Prezident | Heydər Əliyev |
| 14 yanvar 1986 – 22 may 1991 | |
| Sədr | Həsən Seyidov Ayaz Mütəllibov Həsən Həsənov |
5 fevral 1991-ci ilədək Azərbaycan SSR Nazirlər Soveti sədrinin birinci müavini kimi | |
| Şəxsi məlumatlar | |
| Doğum tarixi | 26 fevral 1935 (90 yaş) |
| Doğum yeri | |
| Partiya | |
| Təhsili |
|
| Fəaliyyəti | siyasətçi, mühəndis, diplomat |
| Atası | Tahir Rasizadə |
| Uşağı | 1 |
|
|
|
| Təltifləri |
          |
 Vikianbarda əlaqəli mediafayllar | |
Artur Rasizadə 26 fevral 1935-ci ildə Gəncə şəhərində anadan olmuşdur. 1952-ci ildə Lənkəran şəhər 4 №-li orta məktəbi bitirmişdir. Əslən Naxçıvan Muxtar Respublikasındandır.
1957-ci ilə Azərbaycan Sənaye İnstitutunu bitirdikdən sonra əmək fəaliyyətinə Azərbaycan Neft Maşınqayırması ETİ "AzİNMAŞ"-da mühəndis vəzifəsində başlamış, sonradan böyük mühəndis, layihənin baş mühəndisi, şöbə müdiri, elmi işlər üzrə direktorun müavini vəzifələrində işləmişdir.
1973–1975-ci illərdə "Azneftsənayemaş" birliyində baş mühəndis, 1975–1977-ci illərdə "İttifaqneftmaş" EİB rəisinin birinci müavini-baş mühəndis, 1977–1978-ci illərdə "AzİNMAŞ" Neft maşınqayırması ETİ-nin direktoru olmuşdur.
1978–1981-ci illərdə Azərbaycan SSR Dövlət Plan Komitəsi sədrinin müavini, 1981–1986-cı illərdə AKPMK-də maşınqayırma şöbəsinin müdiri, 1986–1992-ci illərdə Azərbaycan Respublikası Nazirlər Soveti Sədrinin birinci müavini (sonradan Azərbaycan Respublikası Baş nazirinin birinci müavini) vəzifələrində çalışmışdır. 1992–1994-cü illərdə İqtisadi İslahatlar Fondunda məsləhətçi, 1994-cü ildə "DEKA-B" şirkətində məsləhətçi, 1994–1996-cı illərdə İqtisadi İslahatlar Fondunda məsləhətçi vəzifəsində işləmişdir.
1996-cı ildə Azərbaycan Respublikası Prezidentinin iqtisadi məsələlər üzrə köməkçisi təyin edilmişdir.
1996-cı ilin may ayından Azərbaycan Respublikası Baş Nazirinin birinci müavini, 1996–2003-cü illərdə Baş nazir, 2003-cü ilin avqust–noyabr aylarında Baş nazirin birinci müavini vəzifələrində işləmişdir.
2003-cü ilin noyabr ayından 21 aprel 2018-ci ilədək yenidən Azərbaycan Respublikasının Baş naziri olmuşdur.
11 fevral 1999-cu ildən İslah-əmək Müəssisələrinin və İstintaq Təcridxanalarının İşinin Təkmilləşdirilməsi Sahəsində Kompleks Tədbirlərin Həyata Keçirilməsi üzrə Prezident yanında Komissiyanın sədri olmuşdur.[1]
Artur Rasizadə kənd təsərrüfatı mütəxəssisi, şair Tahir Rasizadənin oğlu, Azərbaycanlı ədib Hüseyn Cavidin qardaşı nəvəsidir.[2]
- "Heydər Əliyev" ordeni (20 fevral 2025) — Azərbaycan Respublikasının ictimai-siyasi həyatında uzunmüddətli səmərəli fəaliyyətinə və dövlət qulluğunda müstəsna xidmətlərinə görə[3]
- "İstiqlal" ordeni (23 fevral 2005) — Azərbaycanın iqtisadi inkişafındakı böyük xidmətlərinə görə[4]
- "Şərəf" ordeni (25 fevral 2010) — Azərbaycan Respublikasının sosial-iqtisadi inkişafı üçün verdiyi böyük töhfələrə görə[5]
- "Şöhrət" ordeni (25 fevral 2015) — Azərbaycan Respublikasının iqtisadi, sosial və mədəni inkişafında töhfələrinə görə[6]
- 1-ci dərəcəli "Vətənə xidmətə görə" ordeni (24 fevral 2020) — Azərbaycan Respublikasının ictimai-siyasi həyatında uzunmüddətli səmərəli fəaliyyətinə görə[7]
- "Xalqlar dostluğu" ordeni[rus.] (Belarus, 7 aprel 2015) — Belarus Respublikası ilə Azərbaycan Respublikası arasında ticari-iqtisadi və humanitar əlaqələrin inkişafına və möhkəmləndirilməsinə verdiyi əhəmiyyətli şəxsi töhfələrə görə[8]
- "Fəxri legion" ordeni kavaleri (Fransa)
- "Şərəf nişanı" ordeni — 13 oktyabr 1980
- "Sankt-Peterburqun 300 illik xatirəsinə" medalı[rus.] (Rusiya, 2003)[9]
- Belarus Respublikası Milli Assambleyasının fəxri fərmanı — Belarus Respublikası ilə Azərbaycan Respublikası arasında dövlətlərarası əlaqələrin möhkəmləndirilməsinə verdiyi əhəmiyyətli töhfələrə görə[10]
- Elm və texnika sahəsində SSRİ Dövlət mükafatı (5 noyabr 1971) — kompleks qazma qurğularının və fontan əleyhinə avadanlıqların yaradılması və sənaye miqyaslı mənimsənilməsinə görə[11]
- ↑ "İslah-əmək müəssisələrində və istintaq təcridxanalarında qanunçuluğun möhkəmləndirilməsi, cəzaların icrası qaydalarının təmin edilməsi və hüquqi islahatların həyata keçirilməsinə dair tədbirlər haqqında Azərbaycan Respublikası Prezidentinin Fərmanı". e-qanun.az.
- ↑ "Artur Rasizadə: "Hüseyn Cavidin evində qalırdıq"". kulis.az (az.). 14 iyul 2020. 11 iyul 2021 tarixində arxivləşdirilib. İstifadə tarixi: 4 iyul 2021.
- ↑ "A. T. Rasi-zadənin "Heydər Əliyev" ordeni ilə təltif edilməsi haqqında Azərbaycan Respublikası Prezidentinin Sərəncamı". president.az. 20 fevral 2025.
- ↑ "A.T.Rasizadənin "İstiqlal" ordeni ilə təltif edilməsi haqqında Azərbaycan Respublikası Prezidentinin Sərəncamı". e-qanun.az. 23 fevral 2005.
- ↑ "A. T. Rasizadənin "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı". e-qanun.az. 25 fevral 2010.
- ↑ "A. T. Rasi-zadənin "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". president.az. 25 fevral 2015.
- ↑ "A. T. Rasi-zadənin 1-ci dərəcəli "Vətənə xidmətə görə" ordeni ilə təltif edilməsi haqqında Azərbaycan Respublikası Prezidentinin Sərəncamı". president.az. 24 fevral 2020.
- ↑ "Указ Прэзідэнта Рэспублікі Беларусь, 7 красавіка 2015 г., № 153 «Аб узнагароджанні»". pravo.by. 13 iyul 2020 tarixində arxivləşdirilib. İstifadə tarixi: 25 sentyabr 2025.
- ↑ "Церемония награждения памятной медалью в честь 300-летия Санкт-Петербурга в посольстве России". Azərbaycan Dövlət İnformasiya Agentliyi (rus). 15 июля 2003.
- ↑ "Пастанова Прэзідыума Савета Рэспублікі Нацыянальнага сходу Рэспублікі Беларусь, 24 лютага 2015 г., № 546-ПСР5 «Аб узнагароджанні Расі-задэ Артура Таіра аглы Ганаровай граматай Нацыянальнага сходу Рэспублікі Беларусь»". zakonrb.com (belarus). 25 aprel 2021 tarixində orijinalından arxivləşdirilib. İstifadə tarixi: 25 sentyabr 2025.
- ↑ Постановление Центрального Комитета КПСС и Совета Министров СССР от 5 ноября 1971 года № 815 «О присуждении Государственных премий СССР 1971 года в области науки и техники» // Собрание постановлений Правительства СССР (rus). № 19. Москва: Юридическая литература. 1971. 23 iyul 2019 tarixində arxivləşdirilib.