Arseniy Djioyev (9 iyul 2002, Tsxinvali) — Azərbaycanı təmsil edən sərbəst güləşçi.[1]
| Arseniy Djioyev | ||||||||
|---|---|---|---|---|---|---|---|---|
| oset. Джиоты Арсени | ||||||||
 | ||||||||
| Şəxsi məlumatlar | ||||||||
| Tam adı | Arseniy Batiroviç Djioyev | |||||||
| Vətəndaşlığı |
 Rusiya →  Azərbaycan |
|||||||
| Doğum tarixi | ||||||||
| Doğum yeri | Tsxinvali, Gürcüstan | |||||||
| Boyu | 177 sm. | |||||||
| İdman növü | Güləş | |||||||
| Karyera illəri | 2016– | |||||||
|
Medallar
|
||||||||
 Vikianbarda əlaqəli mediafayllar | ||||||||
Arseniy Djioyev 9 iyul 2002-ci ildə Gürcüstanın Tsxinvali şəhərində anadan olub. 2016-cı ildə güləşlə məşğul olmağa başlayıb. Cəbrayıl Həsənovun rəhbərliyi altında məşq edir.
Arseniy Djioyev 2021-ci ilin martında U-21 Rusiya Çempionatında bütün rəqibləri üzərində qələbə qazanaraq turnirin qalibi oldu. Daha sonra 2023-cü ildə Azərbaycan Güləş Federasiyası (AGF) tərəfindən o, sərbəst güləş üzrə Azərbaycan yığmasının heyətinə dəvət edildi.
Arseniy Djioyev həmin avqustunda Belarusda II MDB Oyunlarının bürünc medalına sahib oldu. Həmin il Albaniyada U-23 Dünya Çempionatını 11-ci pillədə başa vuran Arseniy Djioyev ilin sonunda Azərbaycan Çempionatının gümüş medalına da sahib oldu 2024-cü ildə Arseniy Djioyev sərbəst güləş üzrə Azərbaycan yığmasının əsas heyətinə cəlb edildi.[1] Yanvarda Xorvatiyanın Zaqreb şəhərində baş tutan Zagreb Open beynəlxalq turnirini beşinci pillədə başa vuran Arseniy Djioyev fevralda Rumıniyanın Buxarest şəhərində baş tutan debüt Avropa Çempionatında bürünc medalının sahib oldu.[1] Mayda Arseniy Djioyev Azərbaycanda baş tutan U23 Avropa Çempionatını bürünc medalla başa vurdu, noyabrda isə Albaniyanın Tirana şəhərinin ev sahibliyində baş tutan U23 Dünya Çempionatında final görüşündə məğlub olaraq turniri gümüş medalla tamamladı. O, həm də həmin il Azərbaycan Çempionatında bütün rəqibləri üzərində qələbə qazanaraq turnirin qalibi oldu.
2025-ci ilin fevralında Djioyev Xorvatiyada baş tutan Zagreb Open beynəlxalq turnirini də gümüş medalla başa vurdu. Martda isə o, Albaniyanın Tirana şəhərində baş tutan 23 yaşlılar arasında Avropa Çempionatında bütün rəqibləri üzərində qələbə qazanaraq turnirin qalibi oldu. Apreldə Djioyev Bratislava şəhərində baş tutan Avropa Çempionatında uğursuz çıxış etdi və turniri 15-ci pillədə başa vurdu.
| Azərbaycan | ||||
| U23 Dünya Çempionatı |  Albaniya
|
|||
| Zagreb Open |  Xorvatiya
|
|||
| Avropa Çempionatı |  Rumıniya
|
|||
| U-23 Avropa Çempionatı | Azərbaycan
|
|||
| U-23 Dünya Çempionatı | Albaniya
|
|||
| Zagreb Open | Xorvatiya
|
|||
| U-23 Avropa Çempionatı | Albaniya
|
|||
- ↑ 1 2 3 International Wrestling Database. "ARSENI DZHIOEV". www.iat.uni-leipzig.de (ingilis). 2022-08-04. 2024-02-20 tarixində arxivləşdirilib. İstifadə tarixi: 04.08.2022.