Arif Şəkərəliyev

Şəkərəliyev Arif Şəkərəli oğlu 1949-cu ildə Ermənistan SSR-nin Qafan rayonunda müəllim ailəsində anadan olmuşdur.

1966-cı ildə Bakı Plan-uçot Texmikumunu fərqlənmə diplomu ilə bitirmişdir. 1970-ilində D. Bünyadzadə adına Xalq Təsərrüfası İnstitunun "Sənaye iqtisadiyyatı" fakültəsini fərqlənmə diploma ilə bitirmişdir. 1976-cı ildə namizədlik dissertasiyasını və 1991-ci ildə Leninqrad Maliyyə-İqtisad universitetində doktorluq dissertasiyasını müvəffəqiyyətlə müdafiə etmişdir. 1992-ci ildən professordur.

2000-ci ildən 2006-cı ilə qədər Azərbaycan Dövlət İqtisad Universitetinin Elmi İşlər üzrə Prorektoru vəzifəsini yerinə yetirmişdir.

2002-ci ildə Azərbaycan Respublikasının Prezidenti Heydər Əliyevin sərəncamı ilə "Əməkdar elm xadimi" adına layiq görülmüşdür.

Dövrü olaraq mətbuatda çıxışlarına, Azərbaycan dövlətinin reallıqlarını təbliğ etdiyinə görə 2002-ci ildə "Azərbaycan Bayrağı" mükafatına, 2003-cü ildə isə "Qızıl Qələm" mükafatına layiq görülüb.

2001-ci ildən "Gömrük işinin təşkili" kafedrasının müdiri vəzifəsini yerinə yetirir. Müxtəlif vaxtlarda universitetin böyük elmi və ixtisaslaşdırılmış müdafiə şurasının sədri və üzvü olub.

2004-cü ildə Beynəlxalq Menecment Akademiyasına üzv seçilmişdir.

Azərbaycan Respublikası Prezidentinin 24 sentyabr 2020-ci il tarixli Sərəncamı ilə Azərbaycan Dövlət İqtisad Universitetinin 90 illiyi münasibətilə və Azərbaycanda təhsilin inkişafındakı xidmətlərinə görə "Şöhrət" ordeni ilə təltif edilmişdir.

250-dən çox elmi məqalənin, 60-a yaxın dərslik, dərs vəsaiti, monoqrafiyaların və 500-dən çox qəzet materiallarının müəllifidir. 20-dən çox elmlər namizədi və elmlər doktorunun dissertasiya işlərinə rəhbərlik etmişdir.

Ailəlidir. Dörd övladı var.

O 100 nəfərdən çox aspirant və dissertanta elmi rəhbər olmuşdur. 4 nəfər iqtisad elmləri doktoru hazırlamışdır.

Arif Şəkərəliyev 300-dən çox elmi məqalənin, 60-a yaxın dərslik, dərs vəsaiti, monoqrafiyaların və 500-dən çox qəzet materiallarının müəllifidir.

• "Ümumilli Lider Heyder Əliyev: amalı yaratmaq, məramı qurmaq, məqsədi xalqına xidmət etmək olan ulu öndər" (2007)
• "Xidmət sahəsi: social-iqtisadi problemlər" (1990), "Bazarın mahiyyəti və quruluşu" (1992), "Bazar iqtisadiyyatı şəraitindəxidmət sahələrinin inkişafı" (1993)
• "Beynəlxalq valyuta sistemi və valyuta məzənnəsi" (1993)
• "Dünya təsərrüfatının formalaşması və beynəlxalq bazarın təşkili" (1994)
• "İqtisadi nəzəriyyə" (1995), (2000)
• "Azərbaycan iqtisadiyyatı" (1996)
• "Biznesin əsasları" (1996)
• "Dünya iqtisadiyyatı və beynəlxalq iqtisadi münasibətlər" (1999)
• "İqtisadi təlimlər tarixi" (2000)
• "Keçid iqtisadiyyatı və dövlət" (2000)
• "Azərbaycan gömrük tarixi" (2001)
• "Bazar iqtisadiyyatına keçid: dövlətin iqtisadi siyasəti" (2001)
• "Dünya iqtisadiyyatı: müasir dövrün problemləri" (2003)
• "Gömrük ekspertizası" (2003)
• "Gömrük işinin təşkili və idarə edilməsi" (2003)
• "Nobel mükafatı almış iqtisadiyyatçılar və onların nəzəriyyələri" (2004)
• "Daşınmaz əmlakın iqtisadiyyatı" (2004)
• "Sahibkarlıq fəaliyyətinin təşkili" (2006)
• "Xarici iqtisadi fəaliyyətin gömrük-tərif tənzimlənməsi" (2006)
• "Dövlətin iqtisadi siyasəti: reallıqlar və perspektivlər" (2009)
• "Dövlətin iqtisadi siyasəti: dayanıqlı və davamlı inkişafın təntənəsi" (2011)
• "Azərbaycan İqtisadiyyatı:reallıqlar və perspektivlər" (2016)