Archimyrmex — Myrmicinae yarımfəsiləsinə aid nəsli kəsilmiş qarışqa növü.
| Archimyrmex | ||||||||||
|---|---|---|---|---|---|---|---|---|---|---|
 | ||||||||||
| Elmi təsnifat | ||||||||||
|
XƏTA: parent və rang parametrlərini doldurmaq lazımdır. ???: Archimyrmex |
||||||||||
| Beynəlxalq elmi adı | ||||||||||
| ||||||||||
Bu cins özündə dörd təsvir edilmiş növü birləşdirir:
- Archimyrmex rostratus
- Archimyrmex piatnitzkyi
- Archimyrmex smekali və
- Archimyrmex wedmannae.
Archimyrmex Şimali Amerika, Cənubi Amerika və Avropada tapılan Orta Eosen dövrünə aid fosillər qrupundan məlumdur. Cins əvvəlcə Ponerinae yarımailəsinə aid edilsə də, sonradan Myrmeciinae yarımailəsinə köçürülmüşdür. Hazırda isə Avstraliyadan olan müasir primitiv cins Myrmecianın əcdadı olduğu güman edilir. Buna baxmayaraq, Archimyrmex heç bir qəbiləyə aid edilmir və Myrmeciinae daxilində müəyyən edilməmiş növ kimi qəbul edilir. Bununla belə, bəzi müəlliflər Archimyrmexin Formicidae ailəsi daxilində tam hüquqlu üzv kimi təsnif edilməsi lazım olduğunu düşünürlər.[2]
Bu qarışqalar böyük çənələri və 13.2 ilə 30 mm arasında dəyişən bədən uzunluğu ilə xarakterizə olunur. Onlar həmçinin uzun, incə ayaqlara və uzunlaşmış sinəyə malik olub.[3]
Archimyrmex cinsi ilk dəfə Kolorado ştatının Qrin River formasiyasının incə şistlərində qorunmuş tək bir fosil əsasında təsvir edilmişdir. Fosil 1922-ci ilin iyul ayında entomoloq Vilmatte Porter Kokerell tərəfindən tapılıb. A. rostratus-un holotipinin bir tərəfi hal-hazırda Kolorado Universitetinin paleontoloji kolleksiyasında, digər tərəfi isə ABŞ Milli Muzeyində saxlanılır. 2002-ci ilə qədər əlavə on bir fosil məlum idi. Holotip ilk dəfə Kolorado Universitetinin paleoentomoloqu Teodor Dru Alison Kokerell tərəfindən öyrənilmiş və 1923-cü ildə "The Entomologist" jurnalında yeni cins və növün təsviri dərc edilmişdir.[4]
- ↑ Qlobal Biomüxtəliflik Məlumat Mexanizmi (çd.). 2001.
- ↑ Dlussky, G.M.; Rasnitsyn, A.P. "Ants (Hymenoptera: Formicidae) of Formation Green River and some other Middle Eocene deposits of North America". Russian Entomological Journal. 11 (4). 2002: 411–436.
- ↑ Carpenter, F. M. "The fossil ants of North America" (PDF). Bulletin of the Museum of Comparative Zoology. 70. 1930: 1–66.
- ↑ Cockerell, T.D.A. "The earliest known ponerine ant". The Entomologist. 56. 1923: 51–52. doi:10.5281/zenodo.26638.
