Bu məqalədəki və ya bölmədəki məlumatlar köhnədir. |
"Araz" — Britaniyada azərbaycan dilində nəşr edilən ilk qəzet[1].
| Araz | |
|---|---|
| Növ | qəzet |
| Təsisçi | Vüsal Həmzəyev |
| Yaranma tarixi | 15 sentyabr 2006 |
| Dil | Azərbaycan dili |
| Nəşrini dayandırıb | oktyabr 2009 |
| araznews.com | |
Araz qəzetinin ilk sayı 2006-cı ilin 15 sentyabrında Londonda işıq üzü görmüşdür[2]. Music Talents şirkətinin dəstəyi ilə fəaliyyətə başlayan qəzet, daha sonra reklam və ianələr hesabına işini davam etdirir. Təsisçi redaktor Vüsal Həmzəyevdir. Müxtəlif ölkələrdəki azərbaycan icmalarının yaşamı və fəaliyyəti, Azərbaycan Respublikası və Güney Azərbaycanda baş verən mühüm hadisələr barədə məqalələrin dərc edildiyi aylıq qəzetdə "Qonaq" (İngiltərədə yaşayan azərbaycanlı ailələrlə söhbət), "Səyahət", "Əcnəbi Ailə" rubrikaları maraq doğurur. Qəzet Londondakı azərbaycan və türk icmalarının sevimli mətbuat orqanına çevrilmişdir.
Hazırda Araz həmçinin, internet üzərindən fəaliyyətini davam etdirir[3]. Sayt vasitəsilə Avropa və dünyanın digər bölgələrində yaşayan azərbaycanlıların fəaliyyəti və xaricdə Azərbaycanla bağlı təşkil edilən tədbirlər işıqlandırılır, mühacirətdəki azərbaycanlılarla müsahibələr hazırlanır, xarici medianın Azərbaycanla bağlı dərc etdiyi məqalələr azərbaycan dilində oxucuya təqdim edilir.
- ↑ LONDONDA TƏSİS OLUNAN «ARAZ» QƏZETİNİN İLK SAYI İŞIQ ÜZÜ GÖRÜB — mediaforum.az saytı[ölü keçid]
- ↑ Böyük Britaniyada "ARAZ Azərbaycan" qəzetinin ilk sayı işıq üzü görüb — az.trend.az saytı[ölü keçid]
- ↑ ""Araz" qəzetinin rəsmi saytı". 2021-12-07 tarixində arxivləşdirilib. İstifadə tarixi: 2014-03-28.