Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBu məqalədə çoxsaylı problemlər mövcuddur. Zəhmət olmasa, səhifəni edərək və ya mövcud problemləri müzakirə səhifəsində diskussiya edərək həll edin.
|
Arşavir Avetisoviç Ağababov (1902, Tuğ, Şuşa qəzası – 5 iyul 1951, Bakı) — Azərbaycan-sovet dövlət və partiya xadimi, Azərbaycan SSR Xalq Komissarları Soveti sədrinin müavini (1939–1942), ÜİK(b)P Dağıstan Vilayət Komitəsinin ikinci katibi (1942–1946).
| Arşavir Ağababov | |
|---|---|
| rus. Аршавир Аветисович Агабабов erm. Արշավիր Ավետիսովիչ Աղաբաբով | |
| oktyabr 1942 – aprel 1946 | |
| Birinci katib | Əziz Əliyev |
| 9 sentyabr 1939 – oktyabr 1942 | |
| Sədr | Teymur Quliyev |
| Şəxsi məlumatlar | |
| Doğum tarixi | 1902 |
| Doğum yeri | |
| Vəfat tarixi | 5 iyul 1951 (48–49 yaşında) |
| Vəfat yeri | |
| Partiya | |
|
|
|
| Təltifləri |
      |
.svg){kind=small}
.svg){kind=small}
.svg){kind=small}
.svg){kind=small}
Arşavir Avetisoviç Ağababov 1902-ci ildə Şuşa qəzasının Tuğ kəndində dəmirçi ailəsində anadan olmuşdur. 4 yaşında olarkən atası ölmüş, erkən yaşlarından işləməyə məcbur olmuşdur. 1919-cu ildə, 17 yaşında olarkən bolşeviklər partiyasına üzv seçilmiş, Orta Asiyada Səmərqənd qırmızı partizanlarının süvari dəstələrinə qoşulmuşdur. Qırmızı Ordu sıralarında xidmət edərək milli üsyanların yatırılmasında iştirak etmişdir. 1920-ci ildə əks-inqilabla mübarizə aparan Fövqəladə Komissiya orqanlarında işə göndərilmiş, ardınca Səmərqənd ictimai sığorta kassasının sədri, daha sonra isə bir neçə il Özbəkistan K(b)P Səmərqənd Vilayət Komitəsində çalışmışdır.[1]
1926-cı ildə Arşavir Ağababov Orta Asiya Dövlət Universiteti yanında fəhlə fakültəsinə daxil olmuş, buranı bitirdikdən sonra Moskvaya oxumağa göndərilmişdir. O, Moskva Ali Mühəndis-İnşaatçılıq Məktəbinə, sonra isə Kuybışev adına Hərbi-Mühəndis Akademiyasına daxil olmuşdur. Təhsili ilə eyni vaxtda müəllim işləyərək Moskva İnşaat-Quruculuq Texnikumunun direktoru vəzifəsində çalışmışdır.[1]
Arşavir Ağababov 1938-ci ildə Azərbaycan Sənaye İnstitutunun direktoru təyin edilmiş, 1939-cu ildə isə Azərbaycan SSR Xalq Komissarları Soveti sədrinin müavini vəzifəsinə irəli çəkilmişdir. 1942-ci ilin oktyabr ayında ÜİK(b)P Mərkəzi Komitəsinin qərarı ilə Dağıstana işə göndərilərək ÜİK(b)P Dağıstan Vilayət Komitəsinin ikinci katibi seçilmişdir. 1946-cı ilin aprel ayında Bakıya qayıdaraq Bakı Şəhər Zəhmətkeş Deputatları Soveti İcraiyyə Komitəsi sədrinin müavini təyin edilmiş, 1947-ci ilin yanvar ayında isə Azərbaycan K(b)P Bakı Komitəsinin üçüncü katibi seçilmişdir.[1]
Arşavir Ağababov 1940-cı ildən Azərbaycan K(b)P Mərkəzi Komitəsinin üzvü olmuş, 3-cü çağırış SSRİ Ali Sovetinin və 2-ci çağırış Azərbaycan SSR Ali Sovetinin deputatı seçilmişdir. "Qırmızı əmək bayrağı" (iki dəfə), 1-ci dərəcəli "Vətən müharibəsi", "Qırmızı ulduz" ordenləri, "Qafqazın müdafiəsinə görə", "1941–1945-ci illər Böyük Vətən müharibəsində Almaniya üzərində qələbəyə görə" və "1941–1945-ci illər Böyük Vətən müharibəsində rəşadətli əməyə görə" medalları ilə təltif edilmişdir.[1]