Aqil Məmmədov (siyasətçi)
Aqil Sadıq oğlu Məmmədov (1 aprel 1960, Ağdaban, Kəlbəcər rayonu) — azərbaycanlı dövlət və siyasi xadim, Kəlbəcər rayonunun icra başçısı (2013–2020), Azərbaycan Respublikasının Milli Məclisinin VI çağırış deputatı. Kəlbəcər Rayon Ağsaqqallar Şurasının sədri.
| Aqil Məmmədov | |
|---|---|
Vəzifədədir | |
| 10 mart 2020-ci ildən | |
| 4 mart 2013 – 10 mart 2020 | |
| Əvvəlki | Vidadi Məhərrəmov |
| Sonrakı | Azər Qocayev |
| Şəxsi məlumatlar | |
| Doğum tarixi | 1 aprel 1960 (65 yaş) |
| Doğum yeri | |
| Partiya | |
| Təhsili | |
| Fəaliyyəti | siyasətçi |
|
|
|
| Təltifləri |
 |
Aqil Məmmədov 1960-cı il aprelin 1-də Kəlbəcər rayonunun Ağdaban qəsəbəsində anadan olub. 1982–1987-ci illərdə Azərbaycan Dövlət Bədən Tərbiyəsi İnstitutunda, 2009–2012-ci illərdə isə Azərbaycan Prezidentinin yanında Dövlət İdarəçiliyi Akademiyasında ali təhsil alıb.
Aqil Məmmədov ailəlidir, 2 övladı var. Miskin Abdal nəslindəndir. Ağdabanlı şair Qurbanın nəvəsi, Aşıq Şəmşirin qardaşı oğlu, Cavid Qurbanovun əmisi oğludur.
Aqil Məmmədov 1976-cı ildə Kəlbəcər rayonunda "Ağdaban" Kolxozunda çalışmağa başladı. İdman sahəsində ali təhsil alandan sonra isə o, Göygöl rayonunda "Məhsul" İdman Cəmiyyətinin sədri, Göygöl rayonunun İdman İdarəsinin rəisi oldu.
Aqil Məmmədov 2006–2008-ci illərdə Kəlbəcər RİH-də ictimai məsələlər şöbəsində referant, 2008–2013-cü illərdə isə Kəlbəcər RİH-də icra başçısının birinci müavini vəzifələrində çalışıb.
Aqil Məmmədov Azərbaycan Prezidenti İlham Əliyevin 4 mart 2013-cü il tarixli Sərəncamı ilə Kəlbəcər rayonunun icra başçısı vəzifəsinə təyin edildi.[1]
2020-ci il fevralın 9-da baş tutan parlament seçkilərində 123 saylı Kəlbəcər dairəsindən Yeni Azərbaycan Partiyası namizədi olan Aqil Məmmədov, 72,60 % səslə VI çağırış Milli Məclisin deputatı seçildi.[2] 2020-ci il martın 10-dan səlahiyyətlərinin icrasına başlayan Aqil Məmmədov, Milli Məclisin əmək və sosial siyasət Komitəsinin, habelə regional məsələlər Komitəsinin üzvü oldu.[3][4] Milli Məclisin deputatı səlahiyyətlərinin icrasına başlaması ilə bağlı Azərbaycan Prezidenti İlham Əliyevin 10 mart 2020-ci il tarixli Sərəncamı ilə Kəlbəcər rayon İcra Hakimiyyətinin başçısı vəzifəsindən azad edildi.[5]
- ↑ "Asil Sadıq oğlu Məmmədovun Kəlbəcər rayonunun icra başçısı vəzifəsinə təyin edilməsi haqqında Azərbaycan Prezidentinin 4 mart 2013-cü il tarixli 2763 nömrəli Sərəncamı" ( (az.)). 04.03.2013. 20.08.2020 tarixində arxivləşdirilib. İstifadə tarixi: 20.08.2020.
- ↑ "Candidates elected by constituencies in the Parliamentary elections to be held in Azerbaijan on february 9, 2020" ( (az.)). 10.02.2020. 20.08.2020 tarixində arxivləşdirilib. İstifadə tarixi: 20.08.2020.
- ↑ "Azərbaycan Milli Məclisinin Əməк və sosial siyasət Komitəsi üzvlərinin seçilməsi haqqında Azərbaycan Milli Məclisinin 14 mart 2020-ci il tarixli 18-VIQR nömrəli Qərarı" ( (az.)). 14.03.2020. 2020-08-20 tarixində orijinalından arxivləşdirilib. İstifadə tarixi: 20.08.2020.
- ↑ "Azərbaycan Milli Məclisinin Regional məsələlər Komitəsi üzvlərinin seçilməsi haqqında Azərbaycan Milli Məclisinin 14 mart 2020-ci il tarixli 23-VIQR nömrəli Qərarı" ( (az.)). 14.03.2020. 2020-08-20 tarixində orijinalından arxivləşdirilib. İstifadə tarixi: 20.08.2020.
- ↑ "Asil Sadıq oğlu Məmmədovun Kəlbəcər rayonunun icra başçısı vəzifəsindən azad edilməsi haqqında Azərbaycan Prezidentinin 10 mart 2020-ci il tarixli 1905 nömrəli Sərəncamı" ( (az.)). 10.03.2013. 20.08.2020 tarixində arxivləşdirilib. İstifadə tarixi: 20.08.2020.