Anqola qadınları təşkilatı (port. Organização Mulher Angolana, OMA) — Afrikada qadın qeyri-hökumət təşkilatı.
Təşkilat 1962-ci ildə Anqola qadınlarını Anqolanın Azadlığı Uğrunda Xalq Hərəkatına dəstək olmasının təşkili, səfərbər edilməsi məqsədi ilə yaradılmışdır. Bu təşkilatın həmtəsisçisi Deolinda Rodrigez Fransisko de Almeydadır.[1][2]
Anqola Qadınlar Təşkilatı 1962-ci ildə yaradılıb və əvvəlcə yeni siyasi partiyanın səfərbərliyi dəstəyi məqsədi ilə yaradılıb. 1975-ci ildə Anqola müstəqilliyi uğrunda Portuqaliyanın müstəmləkəçilik siyasətinə qarşı başladığı müharibədə qələbə əldə edəndən sonra təşkilat yerli idarəetmə orqanlarında qadınların fəal iştirakını təmin etmək üçün əlindən gələni edəcəyini vəd etdi və buna geniş şərait yaratdı. Təşkilatın fəaliyyəti 1980-ci illərdə zəiflədi. 1985-ci ildə bu təşkilata üzvlük 1,8 milyon nəfərə çatsa da 1987-ci ildəbu rəqəm bir qədər azalmış və 1,3 milyon nəfərə qədər düşmüşdür. Kəndlərdəki zorakılıq və regional sabitliyin pozulması təşkilatın bir çox kənd üzvlərini də ruhdan saldı. Buna baxmayaraq 1980-ci illərdə Anqolada ilk dəfə olaraq anti-diskriminasiya qanunları qəbul edildi. Bu qanunlara əsasən savadsız qadınları dəstəkləməkdən ötrü ciddi savadlılıq qanunları tətbiq edilməyə başlandı.
1976-cı ildə təşkilatın ilk milli icra orqanı yaradıldı və Anqola prezidentinin bacısı Rut Neton milli koordinator seçildi. 1983-cü ildə təşkilat yenidən qurulanda Neto baş katib və əlli üç nəfərlik milli komitənin rəhbəri seçildi. Neto 2 mart 1988-ci ildə yenidən təşkilatın baş katibi seçildi və 21 il bu vəzifədə qaldı. Təşkilat qadınlar üçün təhsili genişləndirdi, qadınlar üçün savadlılıq proqramları yaratdı və 1980-ci illərdə Anqola hökuməti əmək haqqı və iş şəraitində gender ayrı-seçkiliyinə qarşı qanunlar qəbul etdi.
1999-cu ildə Lusiya İnqles Van-Dunem Anqolanın Azadlığı Uğrunda Xalq Hərəkatı siyasi partiyasının qadın qolu olan təşkilatın baş katibi seçildi. 2005-ci ildə o, yenidən bu vəzifəyə seçildi.[3] 2021-ci ildə onu baş katib vəzifəsində Xuana Tomas əvəzlədi.[4]
- Rut Neto (1976-1983-cü illərdə milli koordinator vəzifəsində çalışıb; 1983-cü ildə baş katib seçilib; 1988-ci ildə yenidən baş katib seçilib)
- Lusiya Ingles Van-Dunem (1999-cu ildə seçildi; 2005-ci ildə yenidən seçildi.)
- Xuana Tomas (2021-ci ildə seçilmişdir.)
- ↑ Moorman, Marissa J. Intonations: A Social History of Music and Nation in Luanda, Angola, from 1945 to Recent Times : [ing.]. — Ohio University Press, 2008-10-15. — ISBN 978-0-8214-4304-0.
- ↑ Organization of Angolan Women | Angolan organization | Britannica (ing.). www.britannica.com.
- ↑ ANGOLA: LUZIA INGLÊS VAN-DÚNEM REELEITA SECRETÁRIA-GERAL DA OMA. Arxiv surəti 14 yanvar 2021 tarixindən Wayback Machine saytında www.angop.ao.
- ↑ "Joana Tomás é a nova secretária-geral da OMA". 2022-08-08 tarixində arxivləşdirilib. İstifadə tarixi: 2025-02-09.