Anql-Avstraliyalılar, avstraliyalılar – Avstraliyanın əsas əhalisi, xalq.
| Anql-Afrikalılar | |
|---|---|
| Sayları və yaşadığı ərazilər | |
| Dili | İngilis d.nin Avstraliya variantı |
| Dini | Xristian |
Sayı 13,8 mln. nəfərdir (2000). Həmçinin Yeni Zelandiya, Papua–Yeni Qvineya, B.Britaniya, ABŞ və s. ölkələrdə yaşayırlar. İngilis dilinin Avstraliya variantında danışırlar. Dindarları xristiandır. Anql-Avstraliyalılar etnogenezində, əsasən İrlandiya, Şotlandiya və İngiltərədən, həmçinin İtaliya, Almaniya və Niderlanddan köçüb gələnlər iştirak etmişlər. 19-cu əsrin 50-ci illərində qızıl yataqlarının kəşf edilməsindən sonra B.Britaniyadan bu yerlərə mühacirət daha da gücləndi. Avstraliyanın müstəmləkələşdirilmə dövründə aborigenlər – avstraliyalılar və tasmaniyalılar məhv edilir və ya əlverişsiz ərazilərə sıxışdırılırdı. 1901-ci ildə Avstraliyanın dominion statusu alması Anql-Avstraliyalılar xalqının yaranmasına təkan verdi. Anql-Avstraliyalıların əksəriyyəti şəhərlərdə yaşayır. Sənaye, ticarət və xidmət sahələrində işləyirlər. Kənd əhalisi qoyunçuluq və heyvandarlıqla məşğul olur. [1]
- ↑ Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 509. ISBN 978-9952-441-02-4.