Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAnnika Broksşmidt (alm. Annika Brockschmidt; 24 avqust 1992[1][2], Berlin[3][4]) — Almaniya jurnalisti, yazıçısı və podkast prodüseri. O, xüsusilə ABŞ-da Xristian sağ hərəkatı və onun demokratiyaya təsiri mövzusunda apardığı araşdırmalar ilə məşhurdur.
| Annika Broksşmidt | |
|---|---|
 | |
| Doğum tarixi | 24 avqust 1992[1][2] (33 yaş) |
| Doğum yeri | |
| Fəaliyyəti | müəllif, jurnalist |
 Vikianbarda əlaqəli mediafayllar | |
Annika Broksşmidt 24 avqust 1992-ci ildə Berlin şəhərində anadan olub. O, orta təhsilini "Canisius-Kollec" Berlin məktəbində almışdır. Daha sonra Heydelberq Universitetində tarix və alman dili üzrə təhsilini davam etdirmiş, Erasmus proqramı çərçivəsində İngiltərənin Durham Universitetində bir semestr oxumuşdur. 2017-2019-cu illərdə Potsdam Universitetində Müharibə və Münaqişə Araşdırmaları üzrə magistr dərəcəsi əldə etmişdir.[5]
Broksşmidt müxtəlif Alman media qurumlarında sərbəst jurnalist kimi fəaliyyət göstərmişdir. 2014-2017-ci illərdə fizik Dennis Şhuls ilə birlikdə "Science Pie" adlı elmi podkast hazırlamış, bu podkast həm ingilis, həm də alman dillərində yayımlanmışdır. 2017-ci ildə gənc oxucular üçün nəzərdə tutulmuş "Goethes Faust und Einsteins Haken. Der Kampf der Wissenschaften" adlı kitabı nəşr etdirmişdir.
2021-ci ildə Broksşmidt ABŞ-da Xristian sağ hərəkatının yüksəlişini araşdıran "Amerikas Gotteskrieger" adlı kitabını nəşr etdirmişdir.[6] Bu əsər Almaniyada bestseller olmuş və geniş müzakirələrə səbəb olmuşdur. Kitabın nəşrindən sonra Broksşmidt Almaniya mediasında ABŞ-dakı dini sağ hərəkat mövzusunda tez-tez çıxışlar etmişdir.[7] 2022-ci ildə 2024-cü ilin fevral ayında o, "Die Brandstifter. Wie Extremisten die Republikanische Partei übernahmen" adlı kitabını nəşr etdirmişdir. Broksşmidt həmçinin "Kreuz und Flagge" adlı podkastın aparıcısıdır. Bu podkastda ABŞ-dakı dini sağ hərəkatın tarixi və cari vəziyyəti müzakirə olunur.
Annika Broksşmidt hazırda sərbəst jurnalist və yazar kimi fəaliyyətini davam etdirir. O, "Der Freitag", "Religion Dispatches" və "Zeit Online" kimi nəşrlər üçün məqalələr yazır. Sosial mediada da aktiv olan Brockschmidt, "ardenthistorian" istifadəçi adı ilə Instagram platformasında fəaliyyət göstərir.[8]
- ↑ 1 2 http://archive.is/2022.08.26-084917/https://twitter.com/ardenthistorian/status/1562423763274432513.
- ↑ 1 2 http://archive.is/2022.08.26-085543/https://www.instagram.com/p/Chp_74zMtfK/.
- ↑ 1 2 https://www.instagram.com/exilberliner0815/.
- ↑ 1 2 Catalog of the German National Library (alm.).
- ↑ Annika Brockschmidt (short bio page), de:Die Zeit, Retrieved 4 March 2024
- ↑ (27 October 2021). Die Wochencharts auf Börsenblatt Online, Börsenblatt (book debuted at number seven in the German paperback list)
- ↑ Karnitschnig, Matthew (20 January 2022). Germany’s pivot from America, Politico Europe
- ↑ "Die Brandstifter. Wie Extremisten die Republikanische Partei übernahmen", Rbb
- Annika Brockschmidt, Dennis Schulz. "Science Pie" (German). (alm.)
- "About Us". Forza! Love of opera. 13 iyun 2020 tarixində orijinalından arxivləşdirilib. (#invalid_param_val) (alm.)
- Kreuz und Flagge (Podcast von Annika Brockschmidt über die de:Religiöse Rechte in den USA)
- Interview von de:Arno Frank. "Religiöse Rechte und der Sturm aufs Kapitol: War der 6. Januar ein Staatsstreich, Frau Brockschmidt?". Der Spiegel (German). 6 yanvar 2022. (alm.)
- Annika Brockschmidt, Artikel bei Zeit Online (alm.)