Anna Molka Ahmed (d. 13 avqust, 1917[5] – ö. 20 aprel, 1994) — pakistanlı rəssam və 1947-ci ildə müstəqillik qazandıqdan sonra ölkədə təsviri incəsənətin öncüllərindən biri olmuşdur. O, Lahordakı Pəncab Universitetində təsviri incəsənət professoru idi.[6]
| Anna Molka Ahmed | |
|---|---|
| urdu اینا مولکا احمد | |
| Doğum tarixi | 13 avqust 1917[1][2][…] |
| Doğum yeri |
|
| Vəfat tarixi | 20 aprel 1994[1][3][…] (76 yaşında) |
| Vəfat yeri | |
| Fəaliyyəti | rəssam, müəllimə |
Anna Molka Ahmed 13 avqust 1917-ci ildə İngiltərənin London şəhərində yəhudi valideynlərdən Molli Brdijer adı ilə dünyaya gəlib. Onun anası polyak, atası isə rus idi. 1935-ci ildə, 18 yaşında İslam dinini qəbul etmiş və 1939-cu ilin oktyabrında Londonda təhsil alan Şeyx Ahmed ilə evlənmişdir.
O, Londondakı Müqəddəs Martin İncəsənət Məktəbində rəsm, heykəltəraşlıq və dizayn üzrə təhsil almış və Kral İncəsənət Akademiyasından təqaüd qazanmışdır.[7][8]
1940-cı ildə Ahmed Lahora köçmüş və rəssamlıqla yanaşı, Pəncab Universitetində təsviri incəsənət müəllimi kimi fəaliyyət göstərmişdir. Professor Anna Molka Ahmed bu universitetdə hazırda İncəsənət və Dizayn Kolleci adlanan Təsviri İncəsənət Departamentini təsis etmiş və 1978-ci ilə qədər ona rəhbərlik etmişdir.[7][8]
1951-ci ildə Anna, əri Şeyx Ahmed ilə boşanmış, lakin iki qızı ilə birlikdə Pakistanı tərk etməmiş və 20 aprel 1994-cü ildə vəfat edənə qədər orada yaşamışdır.
55 illik fəaliyyəti ərzində, o, mənzərələr, mövzu əsaslı monumental fiqurativ kompozisiyalar və düşüncəli, təsirli portretləri ilə tanınmışdır. Onun əsərləri qalın boya qatları (impasto texnikası) və parlaq, canlı rəng palitrası ilə seçilirdi.[9]
- Tamğa-ye imtiyaz (Mükəmməllik Medalı) (1963) – Pakistan hökuməti tərəfindən təsviri incəsənət təhsili sahəsində xidmətlərinə görə təqdim edilmişdir.[6][7]
- 1969-cu ildə Pakistan Prezidentinin "Fəxri çıxış" mükafatı ilə təltif edilmişdir.[6]
- Xudeja Tul Kubra Medalı
14 avqust 2006-cı il tarixində Pakistan Poçtu on pakistanlı rəssamın xatirəsini anmaq üçün 40 rupi dəyərində marka vərəqi nəşr etdi. Anna Molka Ahmed ilə yanaşı, bu siyahıya daxil olan digər doqquz rəssam aşağıdakılardır: Leyla Şahzadə, Əsgəri Mian Irani, Sadeqeyn, Ali Imam, Şakir Ali, Zahur əl-Əxlaq, Zübeyda Ağa, Ahmed Pervez və Bəşir Mirzə.[10]
1 iyun 2020-ci ildə Google, ona həsr olunmuş Google Doodle ilə onu qeyd etdi.[7]
- ↑ 1 2 Beynəlxalq standart ad identifikatoru. 2012.
- ↑ Anna Molka Ahmed (ing.).
- ↑ Anna Molka Ahmed (ing.). OUP, 2006. ISBN 978-0-19-977378-7
- ↑ Union List of Artist Names (ing.). 2005.
- ↑ "Anna Molka Ahmed | Anna Molka Ahmed Biography | History of Anna Molka Ahmed". urdubiography.com website. 28 January 2019 tarixində orijinalından arxivləşdirilib. İstifadə tarixi: 11 March 2018.
- ↑ 1 2 3 "Profile and Anna Molka Ahmed's awards info listed". lailashahzada.com website. 21 January 2008. 1 May 2010 tarixində arxivləşdirilib. İstifadə tarixi: 13 October 2021.
- ↑ 1 2 3 4 "Celebrating Anna Molka Ahmed (her Google Doodle)". Google website. 1 June 2020. 2 February 2024 tarixində arxivləşdirilib. İstifadə tarixi: 13 October 2021.
- ↑ 1 2 "Profile of Professor Anna Molka Ahmed". The Friday Times (newspaper). İstifadə tarixi: 14 October 2021.
- ↑ "Bonhams : Anna Molka Ahmed (Pakistan, 1917-1994)". Bonhams.com website.
- ↑ "Commemorative postage stamps for Ten Great Painters of Pakistan". lailashahzada.com website. 28 August 2006. 28 September 2007 tarixində arxivləşdirilib. İstifadə tarixi: 13 October 2021.