Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAndrey Ştoltsers (latış. Andrejs Štolcers; 8 iyul 1974[1], Riqa) — yarımmüdafiəçi mövqeyində çıxış etmiş Latviya futbolçusu. Məşqçi. Latviya milli futbol komandasının keçmiş üzvü.
| Andrey Ştoltsers | ||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| latış. Andrejs Štolcers | ||||||||||||||||||||||||||||||||||||||||||||||||||||||||||
 Andrey Ştoltsers 2009-cu ildə | ||||||||||||||||||||||||||||||||||||||||||||||||||||||||||
| Ümumi məlumatlar | ||||||||||||||||||||||||||||||||||||||||||||||||||||||||||
| Doğum tarixi | 8 iyul 1974[1] (51 yaş) | |||||||||||||||||||||||||||||||||||||||||||||||||||||||||
| Doğum yeri | ||||||||||||||||||||||||||||||||||||||||||||||||||||||||||
| Vətəndaşlığı |
 SSRİ → Latviya |
|||||||||||||||||||||||||||||||||||||||||||||||||||||||||
| Boyu | 178 sm | |||||||||||||||||||||||||||||||||||||||||||||||||||||||||
| Çəkisi | 74 kq | |||||||||||||||||||||||||||||||||||||||||||||||||||||||||
| Mövqeyi | yarımmüdafiəçi | |||||||||||||||||||||||||||||||||||||||||||||||||||||||||
| Karyerası | ||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||
 Vikianbarda əlaqəli mediafayllar | ||||||||||||||||||||||||||||||||||||||||||||||||||||||||||
Andrey Ştoltsers 8 iyul 1974-cü ildə Riqa şəhərində anadan olub. 3 yaşından hokkeylə məşğul olmağa başlayıb. 8 yaşında ikən Latviya SSR-də öz yaş qrupunda ən yaxşı hokkeyçi seçilib.[2] 14 yaşında olarkən "Dauqava" futbol klubunun gənclər komandasının məşqçisi ilə söhbətdən sonra hokkeyi futbola dəyişmək qərarına gəlir.[3]
Peşəkar futbolçu karyerasına 1992-ci ildə, adını bir il sonra "Olimpiya"ya dəyişəcək "Kompar/Dauqava" komandasında başlayıb.[4] 1996-cı ildə Aleksandr Starkovun dəvəti ilə "Skonto"ya keçib.[2] 1996–1997-ci illər ərzində "Skonto"nun heyətində ümumilikdə 64 oyuna çıxıb və 16 qol vurub.[4] Komandası ilə birlikdə 2 dəfə Latviya çempionatının, 1 dəfə isə Latviya Kubokunun qalibi olub.
1998-ci ildə "Skonto"nun heyətində Birlik Kubokunda özünü yaxşı tərəfdən göstərərək "Torpedo Moskva"nın seleksionerlərinin diqqətini cəlb etməyi bacarıb. Moskvalıların təklif etdiyi şərtlər Ştoltsersə uyğun gəlib və o, "qara-ağlar"la müqavilə bağlamağa razılıq verib. Lakin Moskvada tibbi müayinədən keçən zaman klubun həkimləri onun ürəyində qüsur aşkarlayıblar. Bu səbəbdən klub onunla müqavilə bağlamaqdan imtina edib.[2][3]
1998-ci ilin əvvəlində Ukraynanın "Şaxtyor Donetsk" komandasında transfer olunub. "Şaxtaçılar"ın heyətində keçirdiyi üç il yarım ərzində ümumilikdə 60 oyuna çıxıb və 17 qol vurub.[4] Komandası ilə birlikdə 3 dəfə Ukrayna çempionatının gümüş mükafatçısı olub.
2000-ci ildə mövsümün ikinci yarısını icarə əsasında "Spartak Moskva"da keçirib və "qırmızı-ağlar"la ölkə çempionatının qalibi olub. "Spartak" icarəyə götürdüyü Ştoltsersi "Şaxtyor"dan birdəfəlik almaq istəsə də, klublar arasında maddi məsələlərdə anlaşma əldə olunmayıb.[3]
2000-ci ilin dekabrında İngiltərə Birinci Divizionunda (hazırkı Çempionşip) çıxış edən Londonun "Fulhem" klubuna transfer olunub. Ştoltsersin sözlərinə görə, "Fulhem" bu transfer üçün "Şaxtyor"a 2.5 milyon funt sterlinq ödəyib.[3] Mövsümün yekununda londonlular Divizionun qalibi olublar və növbəti mövsüm Premyer Liqada çıxış etmək hüququnu qazanıblar.[5]
"Fulhem"də 4 mövsüm çıxış etdikdən sonra İngiltərədə klubunu dəyişmək qərarına gələn Ştoltsers, 2004-cü ilin sentyabrında azad agent qismində İngiltərə Üçüncü Divizionu təmsilçisi "Yovil Taun" komandasına keçib.[6][7]
2005-ci ilin yayında Azərbaycanın "Bakı" klubuna transfer olunub.[8] 2005–2006 mövsümündə "Bakı"nın heyətində ümumilikdə 14 oyuna çıxıb və 6 qol vurub.[9] Komandası ilə birlikdə Azərbaycan çempionatının qalibi olub.
2006-cı ildə vətəninə qayıdıb və keçmiş komandası "Skonto" ilə müqavilə imzalayıb. 2007–2009-cu illər ərzində Riqanın bir başqa təmsilçisi olan "Olimp"də forma geyinib.
2009-cu ilin dekabrında İngilərənin səviyyəcə altıncı liqası hesab olunan Cənub Futbol Liqasında çıxış edən "Bat Siti" klubuna keçib.[10][11]
Peşəkar futbolçu karyerasını 2010-cu ildə "Heyz End İdinq Yunayted" klubunda başa vurub.[12][13]
2 iyun 1994-cü ildə Malta milli komandasına qarşı keçirilmiş yoldaşlıq oyununda Latviya milli komandasının heyətində debüt edib.[14]
Ştoltsers, 1994–2005-ci illər aralığında formasını geyindiyi Latviya milli komandasının heyətində ümumilikdə 81 oyun keçirib və 7 qol vurub.[14][15]
14 fevral 2019-cu ildə Honkonq Premyer Liqasında çıxış edən "İstern" komandasına texniki direktor və baş məşqçi təyin olunub.[16] 1 iyun 2020-ci ildə, müqaviləsi başa çatdıqdan sonra klubu tərk edib.
Andrey Ştoltsersin babası, atası və xalası yelkənli idman növü ilə məşğul olublar. Onlar müxtəlif reqatalarda qalib gəliblər, həmçinin SSRİ çempionu olublar.[2]
1997-ci ildə ailə həyatı qurub, həyat yoldaşı Oksana bədii gimnastika üzrə idman ustalığına namizəddir.[2] Onların Marta və Sonya adında iki qızları var.[17]
Olimpiya
- Latviya Kuboku: 1994
- Skonto
- Latviya çempionatı: 1996, 1997
- Latviya Kuboku: 1997
Spartak Moskva
- Rusiya çempionatı: 2000
Fulhem
- İntertoto Kuboku: 2002
Bakı
- ↑ 1 2 Andrejs Štolcers // FBref (ing.).
- ↑ 1 2 3 4 5 "Андрей ШТОЛЦЕРС• ПРЕЖДЕ ЧЕМ ДЕЛО ДОШЛО ДО ФУТБОЛЬНЫХ МЕДАЛЕЙ, ПОЛУЧИЛ ХОККЕЙНУЮ". 17 iyul 2015 tarixində arxivləşdirilib. İstifadə tarixi: 22 may 2024.
- ↑ 1 2 3 4 "«Спартак» мог выиграть Лигу чемпионов, но внутри стало что-то гнить». Полгода в Тарасовке как сказка". 19 avqust 2017 tarixində arxivləşdirilib. İstifadə tarixi: 16 avqust 2017.
- ↑ 1 2 3 "Штолцерс Андрей Янович". Footballfacts.ru. 6 yanvar 2023 tarixində arxivləşdirilib. İstifadə tarixi: 23 may 2024.
- ↑ "England 2000–01". Rec.Sport.Soccer Statistics Foundation. 26 yanvar 2010 tarixində arxivləşdirilib. İstifadə tarixi: 24 fevral 2010.
- ↑ "Glovers look at Stolcers". BBC Sport. 2 sentyabr 2004. İstifadə tarixi: 10 yanvar 2014.
- ↑ "Yeovil sign Stolcers for season". BBC Sport. 3 noyabr 2004. İstifadə tarixi: 10 yanvar 2014.
- ↑ "Stolcers leaves Glovers for Baku". BBC Sport. 9 iyul 2005. İstifadə tarixi: 2 aprel 2014.
- ↑ "Azərbaycan çempionu İngiltərə klubuna keçdi". Apasport.az. 24 may 2024 tarixində arxivləşdirilib. İstifadə tarixi: 25 may 2024.
- ↑ "Bath City swoop for international attacker". 2 dekabr 2012 tarixində arxivləşdirilib. İstifadə tarixi: 6 aprel 2010.
- ↑ "Bath City 2009–10 season". Bath City FC Archive. 25 oktyabr 2022 tarixində arxivləşdirilib. İstifadə tarixi: 13 sentyabr 2023.
- ↑ "Stolcers leaves Bath City for Hayes & Yeading". 2 dekabr 2012 tarixində arxivləşdirilib. İstifadə tarixi: 6 aprel 2010.
- ↑ "Hayes manager Haylock releases eleven players". 11 may 2010 tarixində arxivləşdirilib. İstifadə tarixi: 16 may 2010.
- ↑ 1 2 "Football player Andrejs Štolcers". Eu-football.info. 1 oktyabr 2022 tarixində arxivləşdirilib. İstifadə tarixi: 25 may 2024.
- ↑ "Latvia - Record International Players". Rsssf.org. 10 iyul 2022 tarixində arxivləşdirilib. İstifadə tarixi: 19 may 2024.
- ↑ "Andrejs Štolcers Named Technical Director for Eastern Long Lions Football Team". Eastern Long Lions. 14 fevral 2019 tarixində orijinalından arxivləşdirilib. İstifadə tarixi: 14 fevral 2019.
- ↑ "Андрес Штолцерс: "Сейчас играю за 300 фунтов в неделю"". Ua-football.com. İstifadə tarixi: 2024-05-273.
