Anatoli Terentyev (1931 – bilinmir) – 1951–1961-ci illərdə "Neftçi" klubunda çıxış etmiş sovet-Azərbaycan futbolçusu. Əsasən sol cinah yarımmüdafiəçisi mövqeyində çıxış etmişdir.[1]
| Anatoli Terentyev | |
|---|---|
| Ümumi məlumatlar | |
| Doğum tarixi | 1931 |
| Vəfat tarixi | bilinmir |
| Vətəndaşlığı | |
Anatoli Terentyev 1950-ci ildə "Neftyanik" klubunun əvəzedici heyətinə cəlb olunmuşdur. Növbəti il isə klubun əsas heyətində çıxış etməyə başlamışdır. Ələkbər Məmmədov və Yuri Kuznetsovun "Neftyanik" klubunu tərk etməsindən sonra komandanın aparıcı oyunçularından birinə çevrilmişdir.[1]
Terentyev karyerası ərzində bir çox mövqedə çıxış etmişdir. Viktor Novikovun rəhbərlik etdiyi dövrdə 2 il cinah müdafiəçisi kimi çıxış edəndən sonra 1955-ci ildə Valeri Timakov tərəfindən yarımmüdafiəyə keçirilmişdir. Boris Arkadyevin dövründə isə mərkəz müdafiəçisi kimi çıxış etmişdir. Klubda keçirdiyi son 3 mövsümdə komandanın kapitanı olmuşdur. "Torpedo" və "Moldova" komandaları onu transfer etmək istəsə də, klubda qalmağa üstünlük vermişdir. Karyerası ərzində 255 oyunda 26 qol vurmuşdur.[1] 1956-cı ildə SSRİ Spartakiadasında Azərbaycan SSR millisi heyətinə də dəvət olunmuşdur. Turnir ərzində Latviya yığmasına 2 qol, 1/8 finalda Kareliya yığmasına 1 qol və 1/4 finalda Ukrayna yığmasına 1 qol vurmuşdur.[2]
Futbolçu karyerasını başa çatdırdıqdan sonra bir müddət Vladimir Karmayevin rəhbərliyi altında uşaq futbolu məktəbində işləmişdir. İki il orada çalışandan sonra "Lokomotiv" klubuna keçmiş və 3 il klubun baş məşqçisi olmuşdur. Azərbaycana qayıdandan sonra Neftayırma zavodunda bədən tərbiyəsi üzrə təlimatçı kimi də fəaliyyət göstərmişdir. Həyatının son illərində "Neftçi" klubunun bazasında çilingər və qazanxanada ocaqçı işləmişdir.[1]
- ↑ 1 2 3 4 "Anatoli Terentyev". Neftçi PFK (rəsmi sayt). İstifadə tarixi: 10 dekabr 2025.
- ↑ "I СПАРТАКИАДА НАРОДОВ СССР 1956 года". Vladimir Qlubokovun saytı (rusca). İstifadə tarixi: 10 dekabr 2025.