Ana ölümü və ya ana ölümü nisbəti — doğuş zamanı və ya doğuşdan sonra yaranan ağırlaşmalar səbəbindən analar arasında ölüm hallarının sayıdır. Adətən doğuşdan 42 gün ərzindəki müddət nəzərdə tutulur.[1]
Dünyada hər gün 700-dən çox qadın hamiləlik və ya doğuşla əlaqəli səbəblərdən ölür.[2] Birləşmiş Millətlər Təşkilatının Əhali Fondunun hesablamalarına görə, 2015-ci ildə 303.000 qadın hamiləlik və ya doğuşla əlaqəli səbəblərdən ölüb.[3] Qadınlar ailə planlaşdırmasına və mamalıq yardımı ilə ixtisaslaşmış doğum işçilərinə çıxış əldə etdikcə, qlobal ana ölümü nisbəti 1990-cı ildə hər 100.000 diri doğuşa düşən 385 ana ölümündən 2015-ci ildə hər 100.000 diri doğuşa düşən 216 ölümə düşüb.[3]
Azərbaycan Respublikasının Dövlət Statistika Komitəsinin məlumatına görə 1990-cı ildə ana ölümü hər yüz min diri doğulana 9.3, 2000-ci ildə 37.6, 2010-cu ildə 15.7, 2015-ci ildə 14.1, 2020-ci ildə 15.8 və 2024-cü ildə 28.3 olmuşdur.[4] 2010-cu illə müqayisədə 2024-cü ildə ana ölümü səviyyəsi kənd yerlərində 9.5-dən 43.4-ə yüksəlib, şəhər yerlərində isə 22-dən 12.2-yə enib.[1]
- ↑ 1 2 "15 ildə Azərbaycanda ana ölümü ilə bağlı STATİSTİKA". Oxu.az (az.). İstifadə tarixi: 27 dekabr 2025.
- ↑ "Maternal health | United Nations Population Fund". www.unfpa.org (ingilis). İstifadə tarixi: 27 dekabr 2025.
- ↑ 1 2 Ozimek JA, Kilpatrick SJ. "Maternal Mortality in the Twenty-First Century". Obstetrics and Gynecology Clinics of North America (English). 45 (2). iyun 2018: 175–186. doi:10.1016/j.ogc.2018.01.004. PMID 29747724.
- ↑ https://www.stat.gov.az/source/demoqraphy/az/004_6.xls