Amasya Arxeologiya və mumiya muzeyi və ya Amasya muzeyi — 1958-ci ildə qurulan etnoqrafiya, arxeologiya və mumiya muzeyi. Türkiyənin şimalında, Amasyada yerləşən bu milli muzeydə, şəhərdə və ətrafında tapılmış arxeoloji əsərlər, eləcə də bölgənin tarixi və mədəniyyəti ilə bağlı etnoqrafik əşyalar nümayiş etdirilir.
| Amasya Arxeologiya və Mumiya Muzeyi | |
|---|---|
 | |
 | |
| Əsası qoyulub | 1958 |
| Ölkə | |
| Yerləşir | Amasya |
| 40°38′56″ şm. e. 35°49′30″ ş. u.HGYO | |
 Vikianbarda əlaqəli mediafayllar | |
1958-ci ildə yaradılmış muzeydə 11 müxtəlif sivilizasiyaya aid arxeoloji, etnoqrafik tapıntılar, sikkələr, möhürlər, əlyazmalar və mumiyalar da daxil olmaqla, təxminən 24.000 eksponat var.[1]
1925-ci ildə Sultan II Bəyazid kompleksi daxilində mədrəsənin 2 otağında bir neçə arxeoloji əsər və İslam dövrünə aid bəzi mumiyaların bir yerdə saxlanması nəticəsində muzey anbarı yaradılmışdır.
Muzeyin rəsmi açılışı 1958-ci ilin iyununda baş tutdu. Eksponatların sayının artması səbəbindən sərgi üçün daha çox yer tələb olunduğu üçün eksponatlar 1962-ci ildə Göymədrəsə məscidində, XIII-cü əsr Səlcuqlu dövrünə aid monumental binaya köçürüldü.
1977-ci il martın 22-də muzey yeni, müasir binasına köçürüldü. 14 iyun 1980-ci ildə eksponatların xronoloji ardıcıllıqla düzülməsindən sonra, muzey hazırkı formasını alaraq ictimaiyyətə açılmışdır.[2]
Muzey 3 mərtəbəli binada yerləşir. Zirzəmidə anbar, laboratoriya və xidməti otaqlar var. Birinci mərtəbədə kiçik sərgi zalı və istirahət otağı var. Üst mərtəbədə arxeoloji artefaktların və etnoqrafik əşyaların nümayiş olunduğu 2 böyük sərgi salonu var. Muzeyin bağçasında I Məsudun[3] məqbərəsinin içərisində Elxanilər dövrünə aid daş əşyalar və mumiyalar nümayiş etdirilir.
Muzeydə
- 5574 arxeoloji artefaktlar
- 17287 etnoqrafik əşya
- 1247 tədqiqat məqsədli eksponat
- Cəmi: 23958 ədəd eksponat var[2]
Muzeyin bağçasında Sultan I Məsudun məqbərəsində Elxanilər dövrünə aid 6 mumiya sərgilənir. Bu bölmə muzeyin ən çox ziyarət edilən bölməsidir.
Mumiyalar Anadolu valisi Şəhzadə Cumudar, Amasya əmiri İşbuğa Noyan, cariyəsi İzzettin Mehmet Pərvanə və onların oğul və qızlarına aiddir. Mumiyalar Burmalı Minare Məscidi və Fəthiyyə Məscidinin türbələrindən gətirilmişdir.[2]
Muzey Mustafa Kamal Paşa prospektində yerləşir, şəhərin mərkəzində.
Hər gün yerli vaxtla 8:30-dan 19:00-a qədər (qış aylarında 17:00) açıqdır.[4]
- ↑ "Arxivlənmiş surət". 2022-07-24 tarixində arxivləşdirilib. İstifadə tarixi: 2023-10-23.
- ↑ 1 2 3 https://web.archive.org/web/20151222123434/http://www.kulturvarliklari.gov.tr/TR,43346/amasya-muzesi-mudurlugu.html
- ↑ "Arxivlənmiş surət". 2023-05-30 tarixində arxivləşdirilib. İstifadə tarixi: 2023-10-23.
- ↑ https://web.archive.org/web/20160927023117/http://www.muze.gov.tr/tr/muzeler/amasya-muzesi