Altay Tofiq oğlu Həsənov (4 fevral 1961, Bakı) — Azərbaycan Respublikasının Birinci vitse-prezidenti Katibliyinin rəisi (2017-ci ildən), Avropa Gimnastika İttifaqının Apellyasiya Hakimlər Briqadasının üzvü, Azərbaycan Gimnastika Federasiyasının vitse-prezidenti (2002-ci ildən), 1-ci dərəcə dövlət müşaviri.
| Altay Həsənov | |
|---|---|
Vəzifədədir | |
| 4 aprel 2017-ci ildən | |
| Prezident | İlham Əliyev |
| Vitse-prezident | Mehriban Əliyeva |
| 18 may 2007 – 4 aprel 2017 | |
| Prezident | İlham Əliyev |
16 yanvar 2013-cü ilədək Protokol xidməti rəisinin müavini — sektor müdiri | |
| Şəxsi məlumatlar | |
| Doğum tarixi | 4 fevral 1961 (65 yaş) |
| Doğum yeri | |
| Təhsili |
|
|
|
|
| Təltifləri |
  |
Altay Tofiq oğlu Həsənov 1961-ci ilin 4 fevral tarixində Bakı şəhərində anadan olub. 1978-ci ildə Bakı şəhəri 6 saylı orta ümumtəhsil məktəbini bitirib. Həmin il Azərbaycan Dövlət Universitetinin filologiya fakültəsinə qəbul olunub.
- 1980-ci ildə təhsilini M. V. Lomonosov adına Moskva Dövlət Universitetində davam etdirib və 1983-cü ildə həmin universitetin filologiya fakültəsini bitirib.
- 1983–1989-cu illərdə Azərbaycan SSR Nizami adına Elmlər Akademiyasının Ədəbiyyat və Dil İnstitutunda işləyib.
- 1984–1986-cı illərdə Moskvada A. M. Qorki adına Dünya Ədəbiyyatı İnstitutunda təcrübə keçib.
- 1986–1989-cu illərdə Azərbaycan SSR Elmlər Akademiyası rəyasət heyətinin ədəbiyyat, dil və incəsənət şöbəsinin elmi katibi olub.
- 1989-cu ildə "Xəzər" jurnalının nəşriyyat kollegiyasında işləyib
- 1990–2004-cü illərdə sahibkarlıq fəaliyyəti ilə məşğul olub.
- 2002-ci ildən etibarən Azərbaycan Gimnastika Federasiyasının vitse-prezidentidir.
Bədii gimnastika üzrə Dünya Kuboku mərhələləri (2003, 2004 və 2005-ci illərdə), həmçinin Dünya Çempionatı (2005-ci il) və Avropa Çempionatlarının keçirilməsi üzrə yaradılmış (2007, 2009, 2014-cü illərdə) Yerli Təşkilat Komitələrinin vitse-prezidenti vəzifəsini icra edib. Bundan əlavə, 2014-cü ilin Avropa Çempionatında bilavasitə yarışlar zamanı Avropa Gimnastika İttifaqının Apellyasiya Hakimlər Briqadasının üzvü olub.
Azərbaycan Respublikası Prezidentinin müvafiq sərəncamları ilə Altay Həsənova 22 iyun 2009-cu ildə inzibati vəzifələrin birinci təsnifatı üzrə 3-cü dərəcə dövlət müşaviri[1], 18 iyun 2012-ci ildə 2-ci dərəcə dövlət müşaviri[2], 19 iyun 2017-ci ildə isə inzibati vəzifələrin ali təsnifatı üzrə 1-ci dərəcə dövlət müşaviri ixtisas dərəcəsi verilmişdir.[3]
Ailəlidir, bir qızı, üç nəvəsi var.
29 iyun 2015-ci ildə 2015 Avropa Oyunları çərçivəsində gimnastika növləri üzrə yarışlarda əldə olunan nəticələrə, həmçinin ölkədə gimnastikanın inkişafına sərf etdiyi əməyə görə "Şöhrət" ordeni ilə təltif edilmişdir.[4]
4 fevral 2021-ci ildə Azərbaycan Respublikasında dövlət qulluğunda səmərəli fəaliyyətinə görə 1-ci dərəcəli "Vətənə xidmətə görə" ordeni ilə təltif edilmişdir.[5]
- ↑ "Azərbaycan Respublikası Prezidentinin Administrasiyasında inzibati vəzifə tutan dövlət qulluqçularına ixtisas dərəcələrinin verilməsi haqqında Azərbaycan Respublikası Prezidentinin Sərəncamı". e-qanun.az. 22 iyun 2009. İstifadə tarixi: 29 aprel 2025.
- ↑ "Azərbaycan Respublikası Prezidentinin Administrasiyasında və Azərbaycan Respublikası Prezidentinin İşlər İdarəsində inzibati vəzifələr tutan dövlət qulluqçularına ixtisas dərəcələrinin verilməsi haqqında Azərbaycan Respublikası Prezidentinin Sərəncamı". e-qanun.az. 18 iyun 2012. İstifadə tarixi: 29 aprel 2025.
- ↑ "Azərbaycan Respublikası Prezidentinin Administrasiyasında və Azərbaycan Respublikası Prezidentinin İşlər İdarəsində inzibati vəzifə tutan dövlət qulluqçularına ixtisas dərəcələrinin verilməsi haqqında Azərbaycan Respublikası Prezidentinin Sərəncamı". e-qanun.az. 19 iyun 2017. İstifadə tarixi: 29 aprel 2025.
- ↑ "I Avropa Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin Sərəncamı". 22 oktyabr 2021 tarixində arxivləşdirilib. İstifadə tarixi: 4 fevral 2021.
- ↑ "A.T.Həsənovun 1-ci dərəcəli "Vətənə xidmətə görə" ordeni ilə təltif edilməsi haqqında Azərbaycan Respublikası Prezidentinin Sərəncamı". 23 iyun 2021 tarixində arxivləşdirilib. İstifadə tarixi: 4 fevral 2021.
- "Birinci vitse-prezidentin Katiblik rəisi kimdir - Altay Həsənovun" (az.). modern.az. 31 oktyabr 2019 tarixində arxivləşdirilib. İstifadə tarixi: 31 oktyabr 2019.