Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAltay İsmayılov — iqtisad elmləri üzrə fəlsəfə doktoru (2007-ci ildən), Azərbaycan Dövlət İqtisad Universitetinin "Beynəlxalq iqtisadiyyat (ingilis dilli)" kafedrasının müdiri (2017-ci ildən) və eyni zamanda UNEC Bilik iqtisadiyyatı tədqiqat mərkəzinin rəhbəri (2019-cu ildən).[1]
| Altay İsmayılov | |
|---|---|
| Altay Hüseyn oğlu İsmayılov | |
| Doğum tarixi | |
| Doğum yeri | Lənkəran, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Milliyyəti | Azərbaycanlı |
| Elm sahəsi | İqtisadiyyat |
| Elmi dərəcəsi | İqtisad elmləri üzrə fəlsəfə doktoru |
| Elmi adı | Dosent |
| İş yerləri |
Azərbaycan Memarlıq və İnşaat Universiteti Qafqaz Universiteti Xəzər Universiteti ADİU |
| Təhsili |
İstanbul Universiteti Mərmərə Universiteti Səlcuq Universiteti |
5 dekabr 1975-ci ildə Lənkəranda dünyaya gəlmişdir.
1992-cil ildə Bakı şəhərində BDU-nun nəzdindəki 1 nömrəli Fizika, riyaziyyat və informatika təmayüllü liseyi bitirmiş, həmin il İstanbul Universitetinə daxil olmuşdur. 1993-cü ildə dil hazırlığı üzrə Ankara Universiteti TÖMER, 1998-ci ildə İstanbul Universitetinin Siyasi Elmlər Fakültəsinin Menecment ixtisası üzrə bakalavr, 2001-ci ildə Mərmərə Universitetinin Sosial Elmlər İnstitutunun İqtisadi Siyasət ixtisası üzrə magistratura təhsili almışdır.
2007-ci ildə Səlcuq Universitetinin Sosial Elmlər İnstitutunun İqtisadiyyat ixtisası üzrə doktorantura pilləsini tamamlayaraq iqtisad elmləri üzrə fəlsəfə doktoru (PhD) alimlik dərəcəsini almışdır.
Doktorantura sonrası (PostDoc) fəaliyyətini 2013-cü ildə Avropa Komissiyası Erasmus Mundus Alrakis II proqramı ilə Polşada Varşava Təbiət Elmləri Universitetində (SGGW), 2014–2015-ci tədris ilində isə ABŞ Dövlət Departamentinin Fulbrayt (Fulbright) programı ilə Amerikada, Arizona Dövlət Universitetində (ASU) tədqiqatçı kimi davam etdirmişdir. 2016–2017-ci tədris ilinin payız semestrində Avropa Şurasının Erasmus+ KA 107 proqramı çərçivəsində Almaniyanın Koblenz Universitetində 1 semestr boyunca dərs demişdir.
Əmək fəaliyyətinə özəl sektorda icraçı direktor olaraq başlamış, 2004-cü ildən isə təhsil sektorunda fəaliyyətini davam etdirmişdir. Bu illər ərzində Azərbaycan Memarlıq və İnşaat Universitetində, Qafqaz Universitetində, Xəzər Universitetində və Azərbaycan Dövlət İqtisad Universitetində (UNEC) müxtəlif vəzifələrdə çalışmışdır.
2017–2021-ci illərdə Azərbaycan Dövlət İqtisad Universitetinin "Beynəlxalq iqtisadiyyat (ingilisdilli)" kafedrasının müdiri olmuşdur. 03.06.2019-cu il tarixindən Bilik iqtisadiyyatı UNEC tədqiqat mərkəzinə ictimai əsaslarla rəhbər təyin edilib.[2]
- ↑ "Altay İsmayılov". 7 dekabr 2020 tarixində arxivləşdirilib. İstifadə tarixi: 9 may 2018.
- ↑ "UNEC – Azərbaycan Dövlət İqtisad Universiteti — İsmayılov Altay Hüseyn oğlu" (ingilis). 19 dekabr 2024 tarixində arxivləşdirilib. İstifadə tarixi: 17 dekabr 2024.