Altan Karamanoğlu (türk. Altan Karamanoğlu; 2 iyun 1935, Bolu – 17 may 2012, Lion) — Türkiyə siyasətçisi, Türkiyənin Azərbaycandakı (1992–1995)[1] və Litvadakı (1998–2000)[2] fövqəladə və səlahiyyətli səfiri.
| Altan Karamanoğlu | |
|---|---|
| türk. Altan Karamanoğlu | |
 | |
  | |
| 28 fevral 1998 – 15 aprel 2000 | |
| Əvvəlki | Erkan Gezer |
| Sonrakı | Nazım Belger |
| 14 yanvar, 1992 – 24 aprel, 1995 | |
| Əvvəlki | vəzifə təsis edilib |
| Sonrakı | Ömür Orhun |
| Şəxsi məlumatlar | |
| Doğum tarixi | 2 iyun 1935 |
| Doğum yeri | |
| Vəfat tarixi | 17 may 2012 (76 yaşında) |
| Vəfat yeri | |
| Dəfn yeri |
|
| Təhsili | |
2 iyun 1935-ci ildə Türkiyənin Bolu ilində dünyaya gəlib.[3] Atası Əhməd Qüdsi Muhsin Karamanoğlu Bolunun nüfuzlu Sürəyya Əfəndiləri ailəsindən olub.[4]
Əmək fəaliyyətinə 1957-ci ildə Türkiyə Xarici İşlər Nazirliyinin protokol idarəsində başlayıb.[5] 1961-ci ildə Ankara Universitetinin Hüquq Fakültəsini bitirib. 1963–1965-ci illərdə ehtiyatda olan zabit kimi hərbi xidmət keçib. 1965-ci ildə Konsulluq idarəsində üçüncü katib işləyib.[4]
Müxtəlif illərdə Türkiyə Xarici İşlər Nazirliyində, o cümlədən Suriyada, Əlcəzairdə, İspaniyada, İranda, Fransada diplomatik vəzifələrdə çalışıb.[4][5] 1991-ci ildə Bakıya baş konsul təyin olunub. 1992–1995-ci illər aralığında Türkiyə Cümhuriyyətinin Azərbaycan Respublikasındakı fövqəladə və səlahiyyətli səfiri kimi fəaliyyət göstərib.[4][5] Bəzi məlumatlara görə, onun Azərbaycandan ayrılmasının səbəbi 1995-ci il mart hadisələri və rəsmi Bakının səfirlə yola getməməsi olub.[4] 1995–1998-ci illərdə Türkiyə Xarici İşlər Nazirliyinin Konsulluq İdarəsinin müdiri olub. 1998–2000-ci illər aralığında Türkiyə Cümhuriyyətinin Litvadakı fövqəladə və səlahiyyətli səfiri vəzifəsində çalışıb.[4][5]
2000-ci ildə təqaüdə çıxan Karamanoğlu, uzun sürən ağır xəstəlikdən sonra 17 may 2012-ci ildə Lionda vəfat edib. Cənazəsi Türkiyəyə gətirilən sabiq səfir Karşıyaka qəbiristanlığında dəfn edilib.[3]
- ↑ Büyükelçilik Tarihi ve Önceki Büyükelçilerimiz
- ↑ REPUBLIC OF TÜRKİYE TURKISH EMBASSY IN VILNIUS
- ↑ 1 2 "İlhami Altan Karamanoğlu". Oktayaras.com. İstifadə tarixi: 2025-06-29.
- ↑ 1 2 3 4 5 6 "Türkiyənin Azərbaycandakı səfirləri - FOTOLAR". Modern.az. İstifadə tarixi: 2025-06-29.
- ↑ 1 2 3 4 "Büyükelçi İlhami Altan Karamanoğlu vefat etti". Bolununsesi.com. İstifadə tarixi: 2025-06-29.