Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinVilliam Alister Harrison (14 noyabr 1954, Gisboro[d], Nort-Yorkşir[d])[1] — Angiliyanın keçmiş qubernatoru (2009–2013), Diplomatik Korpusun Əlahəzrət Marşalı.
| Alister Harrison | |
|---|---|
 | |
| Şəxsi məlumatlar | |
| Doğum tarixi | 14 noyabr 1954 (71 yaş) |
| Doğum yeri |
|
| Təhsili | |
| Fəaliyyəti | diplomat, siyasətçi |
| Təltifləri |
   |
 Vikianbarda əlaqəli mediafayllar | |
Harrison 14 noyabr 1954-cü ildə Birləşmiş Krallığın Şimali Yorkşir qraflığında yerləşən Gisboro şəhərində anadan olmuşdur.[2] O, Nyukasldakı Kral Qrammatika Məktəbində təhsil almışdır. Daha sonra Oksford Universitetinin University College fakültəsində kassik ədəbiyyat, fəlsəfə və qədim tarix üzrə fərqlənmə kursu üzrə oxumuş və 1977-ci ildə məzun olmuşdur. 1995-ci ildə o, həmçinin London Universitetində İqtisadiyyat üzrə diplom almışdır.[2]
Alister Harrison 1977-ci ildə Əlahəzrətin Diplomatik Xidmətinə qoşulmuşdur.[2] İlk olaraq Xarici və Birlik İşləri Nazirliyinin müdafiə departamentinin NATO bölməsində çalışmışdır. O, 1978-ci ildə polyak dili təhsili almışdır.[3] 1979–1982-ci illərdə Polşanın Varşava şəhərinə ezam olunmuşdur. 1984–1986-cı illərdə isə Xarici və Birlik İşləri Nazirliyində parlament üzrə dövlət katibinin müavininin şəxsi katibi vəzifəsində çalışmışdır.[3] Harrison 1987–1992-ci illər ərzində Birləşmiş Krallığın Birləşmiş Millətlər Təşkilatı yanında daimi nümayəndəliyinin tərkibində Nyu-York şəhərində fəaliyyət göstərmişdir. O, Londona qayıtmış və Xarici və Birlik İşləri Nazirliyində Yaxın Şərq Departamentinin müdir müavini vəzifəsinə təyin olunmuşdur. Bu vəzifəni 1995-ci ilədək icra etmiş, həmin ildə isə yenidən Polşanın Varşava şəhərinə ezam olunmuşdur. Daha sonra Harrison 1998–2000-ci illərdə Belçikanın Brüssel şəhərində Avropa Komissiyasının Xarici Siyasət üzrə müşaviri vəzifəsində çalışmışdır.[2]
Harrison 2000-ci ildə yenidən Birləşmiş Krallığın Birləşmiş Millətlər Təşkilatı yanında daimi nümayəndəliyinə qoşulmuşdur. Bu təcrübədən sonra 2003–2005-ci illərdə Londonda Xarici İşlər Nazirliyinə qayıdaraq Birləşmiş Millətlər Təşkilatı departamentinin rəhbəri olmuşdur. 2005-ci ildən etibarən Zambiyada Ali komissar vəzifəsini icra etmişdir. 2008–2009-cu illərdə Xarici İşlər Nazirliyində Zimbabve üzrə bölmənin rəhbəri olmuşdur. 2009-cu ilin aprel ayında Angiliyanın qubernatoru vəzifəsinə təyin edilmişdir. 2014-cü ildə isə Əlahəzrətin Diplomatik Korpusunun Marşalı olmuşdur.[4]
- ↑ Arrival Of New Governor To Anguilla
- ↑ 1 2 3 4 "HM Governor". Governor's Office Anguilla. 2012. Retrieved 19 June 2012.
- ↑ 1 2 "HARRISON, W. Alistair". KnowUK. January 2012. Retrieved 19 June 2012.
- ↑ HM Governor, official site.