Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAlessandriya kafedralı(it. Duomo d'Alessandria, Cattedrale dei Santi Pietro e Marco) — Pyemont regionunun Alessandriya şəhərində yerləşən Roma-Katolik kilsəsi. Müqəddəs Pyotr və Müqəddəs Markın şərəfinə inşa edilib. Kafedral Alessandriya Yepiskopunun kafedral kürsüsüdür.
| Alessandriya kafedralı | |
|---|---|
 | |
| Ölkə | |
| Yerləşir | Alessandriya |
| Tikilmə tarixi | may 1807 |
| Üslubu | neoklassik memarlığı |
| Rəsmi sayt | diocesialessandria.it/Dy… |
| 44°54′59″ şm. e. 8°36′46″ ş. u. | |
 |
|
 Vikianbarda əlaqəli mediafayllar | |
Alessandriya mərkəzli yeparxiya 1175-ci ildə Papa III Aleksandr tərəfindən yaradılmış və həmin dövrdə yepiskopun kürsüsü kimi Müqəddəs Pyotra həsr olunmuş kafedral inşa edilmişdir.[1] Lakin bu kilsə çox kiçik idi, ona görə də 1288-1297-ci illər arasında sökülərək yenidən quruldu. Bu kafedral 1803-cü ildə Napoleon Bonapartın əmri ilə hərbi taktiki səbəblərə görə söküldü.
Mülksüz qalan yepiskop və kapitul, işğal qoşunlarının fransız generalından Müqəddəs Mark kilsəsinin kafedral statusuna yüksəldilməsi üçün icazə aldı. Bu kilsə XIII əsrdə Dominikan ordeni üçün inşa edilmişdi. Fransız qoşunları 1797-ci ildə onu mənzil kimi istifadə etmək üçün ələ keçirmişdilər. Lakin kilsə yenidən qurulmalı idi. Yenidənqurma 1807-1810-cu illər arasında həyata keçirildi və yeni Neoklassik kafedral, həm Müqəddəs Pyotr, həm də Yevangelist Markın adını alaraq, 1810-cu ilin dekabrında açıldı.[2]
1875-1879-cu illər arasında kafedralda əsaslı bərpa işləri həyata keçirildi. Kafedral yalnız 1879-cu ildə, yenidənqurma işlərinin sonunda təqdis edildi. Daxili hissə 1925-ci ildə yanğın nəticəsində ciddi ziyan gördü və 1925-1929-cu illər arasında genişmiqyaslı təmir işləri aparıldı.[3]
- diocesialessandria.it/Dy… — rəsmi saytı
- Diocese of Alessandria: cathedral description (it.)
- Municipal webpage of the commune of Alessandria (it.)
- Description of the cathedral organ Arxivləşdirilib 2016-03-04 at the Wayback Machine (it.)