Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAleksandr Starkov (latış. Aleksandrs Starkovs; 26 iyul 1955) — hücumçu mövqeyində çıxış etmiş sovet futbolçusu. Məşqçi. SSRİ idman ustası. IV dərəcəli "Üç Ulduz" ordeni zabiti.[1]
| Aleksandr Starkov | ||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| latış. Aleksandrs Starkovs | ||||||||||||||||||||||||||||||||||||||||||||||||||||||||||
 Aleksandr Starkov 2010-cu ildə | ||||||||||||||||||||||||||||||||||||||||||||||||||||||||||
| Ümumi məlumatlar | ||||||||||||||||||||||||||||||||||||||||||||||||||||||||||
| Doğum tarixi | 26 iyul 1955 (70 yaş) | |||||||||||||||||||||||||||||||||||||||||||||||||||||||||
| Doğum yeri | Madona, Latviya SSR, SSRİ | |||||||||||||||||||||||||||||||||||||||||||||||||||||||||
| Vətəndaşlığı |
 SSRİ → Latviya |
|||||||||||||||||||||||||||||||||||||||||||||||||||||||||
| Təhsili | ||||||||||||||||||||||||||||||||||||||||||||||||||||||||||
| Boyu | 179 sm | |||||||||||||||||||||||||||||||||||||||||||||||||||||||||
| Mövqeyi | hücumçu | |||||||||||||||||||||||||||||||||||||||||||||||||||||||||
| Karyerası | ||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||
| Təltif və medalları | ||||||||||||||||||||||||||||||||||||||||||||||||||||||||||
  |
||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||
Latviya futbolunun yetirməsidir. İlk məşqçisi Bronislav Lipşans olub.[2]
Peşəkar futbolçu karyerasına 1973-cü ildə, doğma şəhəri Madonanı təmsil edən "RPİ" komandasında başlayıb. 3 mövsüm burda çıxış etdikdən sonra, respublikanın əsas komandası olan Riqanın "Dauqava" komandasına cəlb edilir.[3]
1977-ci ildə Moskvanın "Dinamo" klubunun nümayəndələri Starkovun oyununu bəyənərək komandalarına dəvət ediblər. Lakin futbolçu orada əsas heyətə düşə bilməyib və yalnız klubun əvəzedici heyətində oyunlar keçirib.[3]
1978-ci ildə yenidən "Dauqava"ya qayıdan Starkov, 1989-cu ildə futbolçu karyerasına son qoyub.[3]
1991-ci ildə Ali Məşqçilər Məktəbini bitirib (bunadək Riqa Politexnik İnstitutunun inşaat fakültəsindən məzun olub).[4] 1992-ci ildə "Kompar/Dauqava" klubunda baş məşqçi Yanis Skredelisin yanında köməkçi məşqçi kimi fəaliyyət göstərib.
1993–2004-cü illər aralığında "Skonto" klubunda baş məşqçi işləyib. Riqa təmsilçisi bu müddət ərzində 12 dəfə Latviya çempionatının, 6 dəfə isə Latviya Kubokunun qalibi olub. 1995-ci ildən eyni zamanda Latviya milli futbol komandasında köməkçi məşqçi kimi fəaliyyət göstərib. 2001-ci ildə yığmaya baş məşqçi təyin olunub. Latviya yığması 2004-cü ildə məhz onun rəhbərliyi altında seçmə mərhələni uğurla adlayaraq, Avro-2004-ün final mərhələsinə vəsiqə qazanıb.
Avropa çempionatından sonra, 2004-cü ilin payızında Rusiyanın "Spartak Moskva" komandasına baş məşqçi təyin olunub.[4] 2005-ci ildə "qırmızı-ağlar"la Rusiya çempionatının gümüş medallarına sahib olub. 2006-cı ilin aprelində, Kubok uğrunda yarımfinal oyunları ərəfəsində, komandanın kapitanı — Dmitri Aleniçevlə münaqişə nəticəsində istefa vermək məcburiyyətində qalıb.[5][4]
2006-cı ildə Pro kateqoriyalı məşqçi lisenziyası alıb. 2007-ci ildə yenidən Latviya millisinin "sükanı arxasına" keçib. O, yığma ilə 2012-ci ilə qədər uzadılması mümkün olan 1 illik müqavilə imzalayıb. Latviya yığması ilə paralel, 2009–2011-ci illərdə "Skonto", 2011–2012-ci illərdə isə "Bakı" klubunda baş məşqçi kimi çalışıb.[6][7] 11 iyul 2013-cü ildə Latviya millisinin baş məşqçisi postundan istefa verib.[8]
2017-ci ilin aprel ayında üçüncü dəfə Latviya millisində baş məşqçi postuna təyin olunub.[9] 2018-ci il aprelin 3-də, Latviya Futbol Federasiyasının idarə heyətinin qərarı ilə, millinin baş məşqçisi vəzifəsindən azad edilib.[10]
2019-cu il mayın 1-dən sentyabrın 28-dək "Liepaya "klubunun baş məşqçisi olub.[11][12]
Tatyana adlı xanımla evlidir. Sergey adında oğulları, Nadejda adında isə qızları var.[13]
Dauqava
.svg){kind=small}
- SSRİ birinci liqası: 1985
Skonto
- Latviya çempionatı: 1993, 1994, 1995, 1996, 1997, 1998, 1999, 2000, 2001, 2002, 2003, 2004, 2010
- Latviya Kuboku: 1995, 1997, 1998, 2000, 2001, 2002
- Latviyada 50 ilin ən yaxşı futbolçusu (1954—2003)
- SSRİ idman ustası
- IV dərəcəli "Üç Ulduz" ordeni zabiti (Latviya): 24.03.2010
- ↑ "Ar Triju Zvaigžņu ordeni apbalvoto personu reģistrs apbalvošanas secībā, sākot no 2004.gada 1.oktobra". 23 oktyabr 2021 tarixində arxivləşdirilib. İstifadə tarixi: 15 may 2024.
- ↑ "Старков: о семье, футболе и себе". 7 noyabr 2017 tarixində arxivləşdirilib. İstifadə tarixi: 30 oktyabr 2017.
- ↑ 1 2 3 "Старков Александр Петрович". Footballfacts.ru. 10 oktyabr 2023 tarixində arxivləşdirilib. İstifadə tarixi: 11 may 2024.
- ↑ 1 2 3 "Экс-тренер «Спартака» Александр СТАРКОВ: Улыбаться на поле можно только при счете 6:0". Kp.ru. 11 may 2024 tarixində arxivləşdirilib. İstifadə tarixi: 11 may 2024.
- ↑ "Дмитрий Аленичев: «Старков — тупик для «Спартака»" (rus). «Спорт-Экспресс». 15 aprel 2006 tarixində arxivləşdirilib. İstifadə tarixi: 13 may 2024.
- ↑ "Старков снова в "Сконто"". Uefa.com. 14 may 2024 tarixində arxivləşdirilib. İstifadə tarixi: 15 may 2024.
- ↑ "Peşəkar Futbol Liqası (arxiv)". pfl.az. 18 dekabr 2022 tarixində arxivləşdirilib. İstifadə tarixi: 18 dekabr 2022.
- ↑ LFF. "M. Pahars apstiprināts Latvijas izlases galvenā trenera amatā" (latış). LFF.lv. 11 iyul 2013. 16 iyul 2013 tarixində arxivləşdirilib. İstifadə tarixi: 14 may 2024.
- ↑ "Старков в третий раз возглавил сборную Латвии". 22 iyun 2017 tarixində arxivləşdirilib. İstifadə tarixi: 15 may 2024.
- ↑ LFF. "Aleksandrs Starkovs atbrīvots no Latvijas nacionālās izlases galvenā trenera pienākumu veikšanas" (latış). LFF.lv. 3 aprel 2018. 15 may 2024 tarixində arxivləşdirilib. İstifadə tarixi: 3 aprel 2018.
- ↑ "Oficiāli: Aleksandrs Starkovs pievienojas FK Liepāja" (latış). lp.fkliepaja.lv. 1 may 2019. 23 sentyabr 2019 tarixində arxivləşdirilib. İstifadə tarixi: 28 sentyabr 2019.
- ↑ "Oficiāli: Aleksandrs Starkovs pamet FK Liepāja" (latış). lp.fkliepaja.lv. 28 sentyabr 2019. 28 sentyabr 2019 tarixində arxivləşdirilib. İstifadə tarixi: 28 sentyabr 2019.
- ↑ "Александр Старков: "Пришел в театр, а там люди в спартаковских галстуках!"". Spartakmoskva.ru. 14 may 2024 tarixində arxivləşdirilib. İstifadə tarixi: 15 may 2024.
