Aleksandr Səlimov — Amerikalı şair, yazıçı, ədəbiyyatşünas, filologiya elmləri doktoru, Delaver Universiteti Senatının prezidenti və professoru, YUNESKO-nun fəxri mədəniyyət səfiri[1].
| Aleksandr Səlimov | |
|---|---|
| Aleksandr Azim oğlu Səlimov | |
| Doğum tarixi | |
| Doğum yeri | Mahaçqala |
| Tanınır | Delaver Universiteti Senatının prezidenti və professoru |
A.Səlimov 1963-cü ildə Mahaçqalada anadan olmuşdur. Onun valideynləri müəllim və incəsənət xadimləri olub. 1986-cı ildə Dağıstan Universitetini bitirən A.Səlimov 1989-cu ilə qədər Kuba Silahlı Qüvvələr Nazirliyinin beynəlxalq münasibətlər şöbəsində hərbi tərcüməçi vəzifəsində çalışıb[2]. 1990-cı ildə ABŞ-nin Delaver Universitetinin magistratura pilləsinə, oranı bitirəndən sonra isə Pensilvaniya Universitetinin aspirantura pilləsinə daxil olub[1].
1996-cı ildə "İspan dili və ədəbiyyatı" ixtisası üzrə fəlsəfə doktoru dərəcəsi alıb. Hazırda Delaver Universitetində ispan və Latın Amerikası ədəbiyyatından dərs deyir. ABŞ Pen-klubunun, Amerika Şairlər Akademiyasının üzvü, Boliviya Yazıçılar və Rəssamlar İttifaqının fəxri üzvü, YUNESKO-nun fəxri mədəniyyət səfiridir. Onun kitabları və məqalələri İspaniyada, ABŞ-da, Kanadada, Cənubi Koreyada və Azərbaycanda nəşr edilib.
A.Səlimovun kitabları arasında "Çağırış və digər poemalar" adlı şeirlər məcmuəsi xüsusi yer tutur. İberiya-Amerika ədəbi cəmiyyəti tərəfindən nəşr edilmiş bu kitab 2018-ci ildə Viktoriya Urbano fəxri mükafatına layiq görülüb. "Çağırış və digər poemalar" kitabına Xocalı soyqırımının qurbanlarına həsr olunmuş şeirlər də daxil edilib[2]. Professor Səlimov eləcə də Delaver Demokratlar Partiyası Koordinasiya Komtəsinin üzvü, Nyu Kastl qrafığından deputatlığa namizəddir[1].
Aleksandr Səlimov həmçinin çoxsaylı ədəbiyyatşünaslıq yazılarının, ispan romantizmi, XIX əsr şairəsi Hertrudis Homes de Avelyaneda ilə bağlı üç monoqrafiyanın müəllifidir[2].
2019-cu ildə şairin "Cənnət quşları" şeir toplusu və latın Amerikası ölkələrindəki sovet hərbi tərcüməçilərinin həyatından bəhs edən, avtobioqrafik səciyyəli "Kirildə Havana" hekayələr toplusu işıq üzü görəcək. Hal-hazırda Aleksandr Səlimov XX əsrin sonu, XXI əsrin əvvəlində cərəyan edən müxtəlif hadisələrdən bəhs edən, bədii-sənədli səciyyə daşıyan kəskin süjetli roman üzərində çalışır[2].
- Defiance and other poems (Honorable Mention, Victoria Urbano International Poetry Award 2018) Hockessin: IberoAmerican Literary Society.
- Postfactum. Legados Ediciones, Madrid, 2018. (Poetry) 52 pages. ISBN9-788494-687259
- Creative Reading / Lecturas Creadoras, Hockessin Ibero-American Literary Society (Anthology) 136 pages. ISBN 9-781732-673908
- Windows to other bodies/Ventanas a otros cuerpos. Madrid: Verbum, 2017. (Poetry) 128 pages. ISBN 9-788490-745793
- Paths of Memory’s Conquests / Derroteros de la Memoria. Lieden: Almenara, 2018 (Nonfiction/ Theater) 338 pages. ISBN9-789492-260277
- From Enlightenment to Modernism. Denver: Society of Spanish and Spanish American Studies 2003.(Nonfiction) 124 pages ISBN 0-89295-103-6
- Authobiography and Love letters / Autobiografía y Epistolarios de Amor. Newark: Juan de la Cuesta, 1999. (Nonfiction) 244 pages. ISBN 0-936388-92-7
- ↑ 1 2 3 "Muğam Mərkəzində məşhur amerikalı yazıçı ilə görüş oldu" (az.). lent.az. 2019-03-30 tarixində arxivləşdirilib. İstifadə tarixi: 2019-03-30.
- ↑ 1 2 3 4 Amerika şairi Aleksandr Səlimov[ölü keçid]