After Hours — kanadalı müğənni-bəstəkar The Weeknd-in dördüncü studiya albomu.[1] 20 mart 2020-ci ildə XO və Republic Records tərəfindən buraxılıb.[2] Əsasən Weeknd tərəfindən yaradılan bu albom üzərində DaHeala, Illangelo, Max Martin, Metro Boomin və OPN daxil olmaqla müxtəlif prodüserlər çalışıblar. Onların əksəriyyəti The Weeknd ilə əvvəllər birlikdə işləmişlər. Albomun standart nəşrində heç bir duet yoxdur, lakin lüks buraxılışda Ariana Grande, remikslər buraxılışında isə Chrommatics və Lil Uzi Vert -dən qonaq çıxışları var.[3] Məzmun olaraq, After Hours tənhalıq, özünə nifrət və azad olmağı araşdırır.
Albom buraxılmazdan əvvəl The Weeknd təsdiqlədi ki, "After Hours" stilistik baxımdan sələfi "Starboy" (2016) ilə ziddiyyət təşkil edəcək. Musiqi jurnalistləri bu albomu Weeknd üçün bədii ixtira kimi qeyd etdilər.[4] Albomun adı 1985-ci ildə eyniadlı filmdən götürülüb.
"After Hours" dörd sinql tərəfindən dəstəklənir: "Heartless", "Blinding Lights",[5] "In Your Eyes" və "Save Your Tears", bunlardan üçü Billboard Hot 100 -də bir nömrəyə çıxıb. Başlıq treki tanıtım sinqlı olaraq buraxılıb. Albom müsbət rəylər alıb; bəzi tənqidçilər bunu Weeknd-in ən yaxşı işi adlandırdılar. Albom the Weeknd-in ABŞ-da dördüncü bir nömrəli albomu olaraq Billboard 200-ün zirvəsində debüt etdi və ardıcıl dörd həftə ərzində zirvədə qaldı.[6] "After Hours" həm də Kanada və Böyük Britaniya da daxil olmaqla, 20 digər ölkədə ən yüksək pillədə qərarlaşmışdı. 2022-ci ilin dekabr ayından etibarən albom Amerika Səsyazma Sənayesi Assosiasiyası tərəfindən üçqat platin sertifikatına layiq görülüb. COVID-19 pandemiyasının səbəb olduğu tur ləngimələri səbəbindən Weeknd beşinci studiya albomu olan "Dawn FM"-i 2022-ci ilin əvvəlində tura başlamadan əvvəl tamamladı.
