Adriatik şossesi (xorv. Jadranska magistrala, serb. Јадранска магистрала) — Adriatik dənizinin şərq sahili boyunca uzanan və E 65 Avropa marşrutunun bir hissəsi olan bir magistral yol. Bosniya və Herseqovina və Monteneqroda kiçik hissələri olsa da, əsasən Xorvatiya ərazisindən keçir. Troqir, Kastela və Split şəhərləri yaxınlığında iki yol ayrıcında olan aralıq qısa hissələr istisna olmaqla, tamamilə iki zolaqlı bir yoldur. Troqir və Omis şəhərlərini əhatə etmək üçün hazırda yolun genişləndirilməsi planlaşdırılır. Bu Adriatik şossesinə atlernativ Adriatik-İon magistralı olacaqdır[1].
Adriatik magistral yolu Adriatik dənizinin şərq sahili boyunca uzanır. Xorvatiya, Bosniya və Herseqovina və Monteneqro ərazisindən keçir. Magistral yolun böyük hissəsi Xorvatiyada yerləşir.
Rəsmi olaraq magistral yolun Xorvatiya hissəsi dövlət D8 yolu olaraq təsnif edilir[2]. Sloveniya ilə sərhəddən başlayır. Rieka, Sen, Zadar, Sibenik, Split, Opuzen və Dubrovnik şəhərlərindən keçərək Karasoviçidə Monteneqro sərhəddinə birləşir[3]. D8 yolunun əksər hissəsi dörd zolaqlı hissələr istisna olmaqla iki zolaqlıdır. Ümumi uzunluğu 643,1 km-dir.
Magistral yol Bosniya və Herseqovinanın Neum şəhəri yaxınlığından, kiçik bir hissədən keçir. Yolun vəziyyəti qənaətbəxş deyil. 2012-ci ilin iyul ayına olan məlumatda onun təmir edilməsi barədə konkret qərarın olmadığı bilinir.
İki zolaqlı yol Herseq Novidən Tivat, Budva, Petrovas, Sutomore,Bar və Ulsinə qədər davam edir. Ənənəvi magistral yolu Kotor üzərindən Kotor körfəzi boyunca keçir. Lakin sürücülər daha çox Herseq Novi və Tivat arasındakı Veriqe boğazından keçən bir bərəyə üstünlük verirlər. Veriq Boğazı üzərindəki körpünün inşası istisna olmaqla, Monteneqroda hər hansı bir yeni sahil avtomobil yolunun və ya yolların tikilməsi planları yoxdur.
Adriatik şossesindən daxili Monteneqroya gedən iki əsas yol: Çetinqydən Budvaya və Sutomordakı Sozin Tunelinə. Yollar Herseq Novi yaxınlığındakı Debel-Brieqdə Ulsinin şərqinə qədər olan Xorvatiya yol şəbəkəsinə bağlanır. Herseq Novidən Sutomore yaxınlığındakı Hai Nehaya gedən yol, E 651 vahid bir yola qoşulan E 65 və E 80 Avropa yollarının bir hissəsidir.
- ↑ Radimir Čačić. "Adriatic-Ionian Transport Corridor on the territory of the Republic of Croatia" (PDF). Regional Economic Forum Southeast Europe. noyabr 2006. 29 dekabr 2009 tarixində orijinalından (PDF) arxivləşdirilib. İstifadə tarixi: 8 sentyabr 2010.
- ↑ "Snow and gale force winds block traffic between Dalmatia and the northern Croatia" (Croatian). Večernji list. 15 dekabr 2009. 6 aprel 2012 tarixində arxivləşdirilib. İstifadə tarixi: 24 aprel 2020.
- ↑ "Map of border crossings and customs office areas" (PDF) (xorvat). Customs Administration of the Republic of Croatia. 6 mart 2008. 15 fevral 2010 tarixində arxivləşdirilib (PDF). İstifadə tarixi: 24 aprel 2020.