Adrian Stoks (ing. Adrian Stokes; 4 mart 1519 – 30 noyabr 1586) — ingiltərəli saray adamı və siyasətçi.
| Adrian Stoks | |
|---|---|
| Doğum tarixi | 4 mart 1519 |
| Vəfat tarixi | 30 noyabr 1586 (67 yaşında) |
| Fəaliyyəti | siyasətçi |
 Vikianbarda əlaqəli mediafayllar | |
Ehtimal olunur ki, Stoks Lesterşirin Prestvold icmasından olan centri ailənin kiçik oğlu idi.[1] O, Saffolk hersoginyası Frensis Qreyin at nəzarətçisi olmuşdur, 1 mart 1555-ci ildə isə onunla evlənmişdir. Evlilik Saffolkun 1-ci hersoqu Henri Qreyin edamından bir il sonra baş tutmuşdur.[2] Onların üç uşağı var idi və hamısı körpəlik vaxtı vəfat etmişdir.
I Elizabetin taxta çıxmasından sonra kraliçanın bibisi qızının Stoks ilə etdiyi kimi at ustası Robert Dadli ilə evlənmək istədiyi barədə şayiələr yayıldı.[1]
,_Duchess_of_Suffolk_and_her_Husband_Adrian_Strokes_-_B1977.14.10334_-_Yale_Center_for_British_Art.jpg)
Saffolk hersoginyası 1559-cu ildə vəfat etməklə Stoks mərhum arvadının torpaqlarının əksəriyyəti üzərində ömürlük hüquq qazandı.[1] Onun sahib olduğu malikanələr arasında Lesterşirdəki Bomanor da yer almışdır və o, 1559-cu ildə Lesterşirdən qraflıq cəngavəri (MP) olaraq İngiltərə İcmalar Palatasına seçildi.[1] 1564-cü ildə yepiskop Stoksu sadiq protestant olduğunu elan etdi və o, kilsəyə gediş-gəlişi təmin etmək və kilsədən üz döndərənləri aşkar etmək üçün yerli komissiyalarda xidmət etdi.[1]
Stoks 1571-ci ildə yenidən Lesterşir nümayəndəsi kimi seçildi.[1] 1571-ci ilin oktyabrında onun ögey qızı ledi Mariya Qrey ögey atası ilə Bomanorda yaşamaq üçün icazə istədi.[3] Növbəti il Stoks Nikolas Keryunun[4] qızı Anna Keryu ilə evləndi, Enn Keryunun birinci əri görkəmli diplomat və siyasətçi Nikolas Trokmorton idi. İlk evliliyində Annanın on oğlu və üç qızı var idi.[5] Stoks müvəffəqiyyətlə yenidən evləndikdən sonra, ledi Meriyə Bomanorda yaşamağa icazə verildi.[6] Stoks Northemptonşirdəki Briqstok parkının nəzarətçisi vəzifəsində Trokmortonun xələfi oldu.[1]
İkinci evliliyi ona Trokmortonun əhəmiyyətli mülklərinə nəzarəti qazandırsa da, o, həmçinin Trokmortonun ögey qızlarının saray xərcləri və cehizləri üzrə də maliyyə məsuliyyətini daşımağa başladı. Briqstokun nəzarətçisi vəzifəsi onu həm də brakonyerlik və digər qəsd etmələrlə bağlı hüquqi mübahisələrə qarışmağa məcbur etdi.[1] Uorvikşirdəki Astli kilsəsinə dəyən ziyanla bağlı məsələrdə onun adı hallanırdı, çünki o, kilsənin şpilini təmir etmək əvəzinə onu sökdü və damı qiymətli qurğuşundan məhrum etdi.[7] O, 1585-ci ildə vəfat etdi və Bomanor kilsəsində dəfn edildi.[1]
- ↑ 1 2 3 4 5 6 7 8 9 "STOKES, Adrian (c.1533-85), of Beaumanor, Leics". İstifadə tarixi: 18 yanvar 2023.
- ↑ Rogers, W. H. Hamilton. Strife of the Roses and Days of the Tudors in the West. Kessinger Publishing. 2003. 77–78. ISBN 0-7661-3662-0.
- ↑ CSPD 1547-1580. Longman, Brown, Green, Longmans, & Roberts; etc., etc. 1856. səh. 426.
- ↑ Daybell, James. Women and Politics in Early Modern England, 1450-1700. Ashgate Publishing, Ltd. 2004. 111. ISBN 0-7546-0988-X.
- ↑ Susan Frye; Karen Robertson, redaktorlar Maids and Mistresses, Cousins and Queens: Women's Alliances in Early Modern England. Oxford University Press. 1999. 154. ISBN 0-19-511735-2.
- ↑ CSPD 1547-1580. səh. 441.
- ↑ "VCH Warwickshire volume 6: Astley".